คิดเห็นใจไผบ่อ้าย ยามแจกจ่ายร่ายคำหวาน ซ่อยสงสารคนห่วงหา มื้อห่างตาแน่เด้อเจ้า
น้ำตาเอามาเป็นเพื่อน หลายเทื่อเบือนหันหลังไส่ พ้อสาวได๋คำหลอกล่อ พ้อฮักอ้ายเบิ่งบ่เป็น
จากเคยเห็นสัญญาไว้ เรื่องไส่ใจคงบอกผ่าน ถึงบ่ฮักโปรดสงสาร ขอทำทานด้วยรักใคร่ จากใจบ้างแน่สักหน
สิ่งเดียวทนคือฮักอ้าย บ่มีหลายเงื่อนไขต่อ น้ำตาคลออีกกี่ครั้ง ยังบอกว่าน้องฮักเด้อ
หวังเสมอในมื้อหน้า อ้ายสิมาเป็นคือเก่า สาธุเด้อคุณพระเจ้า ให้อ้ายเข้ามารับขวัญ
คืนสัมพันธ์เห็นคุณค่า คำห่วงหาบ่ดายเปล่า อีกกี่หนาวยังมีอ้าย ข้างกายน้องอยู่ดังเดิม สาธุเด้อ
ลมหนาวทำให้เกิดกลอน อักษรสุนทรีย์ได้มากมาย
ผู้สาวเว้าวอนแบบนี้ มีเยอะจังเลย
ผู้บ่าวใจไม่แข็งพอ...ออกนอกลู่นอกทางไปหมดแล้ว..!!
สาธุ คึดต่ออ้อย อ้อยอย่าเกิดเป็นเลา คึดต่อเลาแขมของอย่าเกิดเป็นกอใครั คึดต่อน้ำวังใส โอ้เด้หนอฯ อย่าฟ่าวขุ่นเด้อ.....
ซา-วัด-ดี-จะ-อ้าย แวะมาทักทาย ผู้บ่าวด้วยคนน่ะค่ะ ชอบฟังนิทาน ก้อมค่ะ ตลกดี..555