ทดสอบการโพสคำผญา หรือ กลอนลาว แต่จะทดลองโพสเสียงให้ด้วยว่าจะดังหรือไม่ครับ สำหรับคนที่อ่านไม่ลงทำนองครับ


เก็บตะเว็น เข็นเอาฟ้า ชูจันทราพาแสงส่อง  โฮยดาวกองกลื่นฟ้า พอให้จ้าระยับแสง

ขอเอาแฮงวาโยฮ้าย พัดกระจายสายลมผ่าน   เป่าสายน้ำตามสายธาร หว่านเป็นหมอก ออกทั่วหล้า พรมต้นหญ้าทั่วแผ่นดิน

เสียงโผผิน บินโบยโบก กะคือนกสักกุนา   ฮ้องเอิ้นกัน-กลับ-เคหา สั่งปูปลา ธารา น้ำ

มาลางาม ตามคันห้วย ดอกสลวย สวยสง่า    หลบภมรซ่อนสายตา นำพฤษาแมกไม้ วายุไล้กลิ่นระเหย

หอมรำเพยดอกคัดเค้า หอมบ่เซาดอกสะมั่ง    ความมืดมิดเข้าปิดบัง แสงเหลือยังส่องใต้ ไฟหิ่งห้อยปล่อยตะเกียง

ได้ฟังเสียงจิ้งหรีดน้อย คอยบรรเลงเพลงกล่อมป่า    แว่วนกฮูก กูกมาหา บอกเวลาว่าค่ำค้อย เดือนดาวน้อย ค่อยส่องแสง

เหลือใจแฮงคันเป็นได้ คือจั่งใจอ้ายฝันว่า   พออยากสมปราถนา หยิบดารา ดวงใหญ่น้อย คอยกำไว้ ถ้าไส่มือ น้องสาวเอ๊ย