กำค่าวโฉลกดีประจำคนเกิดวันต่างๆแบบล้านนา
วันนี้ขอเล่าค่าวตวายจะตาแบบล้านนา
คนเกิดวันอาทิตย์ ความคิดผึ่งผายอยู่สุขสบายต่อเต้ากุ้มเฒ่า
คนเกิดวันจันทร์ ใจบานบะเส้า ดับจิตไปบนจั้นฟ้า
คนเกิดวันวันอังคาร กล้าหารสะง้าอยู่ใหนบะถ้ากั๋วภัย
คนเกิดวันพุธ วิสุทธิ์สดใส ปราถนาใดสมใจไฝ่อ้าง
คนเกิดวันผัด สมบัติมากกว้างเข้าของเงินคำปะเลอะ
คนเกิดวันศุกร์ สนุกแต้เน้อ คนอื่นเปิ้นเหง้อขอยยวน
คนเกิดวันเสาร์ บะถ้ากำสรวล ปริวารมวลมากมายจื่นสู้
หมู่มิตรยิงจาย อย่ามาขี้อู้ บะเจื่อคอยผ่อเอาเตอะ
กำค่าวโฉลกฮ้ายประจำคนเกิดวันต่างๆแบบล้านนา
คนเกิดวันอาทิตย์ความคิดหันเหบ่สมคะเนเลี้ยงตัวบะกุ้ม
คนเกิดวันจันทร์เหมือนควัญหมอกกลุ้มท้องฟ้ามัวมืดมิด
คนเกิดวันอังคาร มักผานญาติมิตร ผิดมิตรผิดแผกข้อศีลธัมม์
คนเกิดวันพุธไร้คนอุปถัมทุกข์โทษทำหาดีบะได้
คนเกิดวันผัสสมบัติบะไกล้บ่มีเงินทองสิ่งทรัพย์
คนเกิดวันศุกร์ สนุกบ่นักเหมือนผักโป่งฮิ้นปล๋ายเครือ
คนเกิดวันเสาร์อย่างอั้นล้ำเหลือเปรียบเหมือนขี่เฮือถูกลมไหวเสิ้ง
มนุษย์คนเฮา หนักเบากลางเกิ่ง ตามแบบลายเจิงว่าไว้
(ตำนานโฉลกวันล้านนาจากวัฒนธรรมล้านา
โฉกวันฮ้ายล้านนาวัฒนธรรมล้านนา)
