ฮิต 12 บุญเดือน 9 ข้าวประดับดิน

ฮีต ๑๒ เดือน ๙ บุญข้าวประดับดิน #กลอนอ่านปางคำ (ผ. ๑๑๒)

•ฮีตสิบสอง เดือนที่เก้า นานเก่าอีสาน. ให้แต่ง ของคาวหวาน แบ่งเป็นสี่จุ้ม. ส่วนหนึ่ง เป็นพาเลี้ยง ภายครัวเฮือนอิ่ม. ส่วนสอง ปันพี่น้อง ปองให้ใส่งาย •ส่วนสาม ตามกล่าวเว้า ยาวนานสานสืบเดือนเก้า มาฮอดให้ ห่อเข้าน้อยส่งผี •ส่วนสี่ ถวายพระเจ้า- หัวอยู่อาฮาม. เอิ้นบุญ เข้าประดับดิน สิบสี่แฮมเดือนเก้าตีสี่ ก่อนสางเซ้า ลงเฮือนญายห่อเลาะต้าย ฮาวฮ่มไม้ แคมฮั้ววัดวาง •เพิ่นว่า ปีขวบครั้ง นายจ่ายมพิบาล ไขปัก- ตูนาฮก ส่งผีคืนบ้านให้มา หากินเข้า ของคาวหวานห่อ ในมื้อ เดือนดับเก้า ลูกหลานเจ้าจัดมา •ออกจาก สังเหล่าเซื้อ มวลหมู่เปตา. แลซุม เดียระสาน ผ่านมากินได้ แล้วจึ่ง คืนเมือบ้าน ไปจังหันต่อ. ถวาย อาหารพระแล้ว หยาดน้ำฮับพร ดีแล้ว ชาตรี เสงี่ยมวงศ์ ๑๒ กันยายน ๒๕๕๘ เปตา : เผด เปรต>

. บุญข้าวสาก (เดือน 10) https://www.facebook.com/100001636061263/posts/957941727603687/