ການກົດບັດອາຊຽນ

ກົດບັດອາຊຽນ ປຽບເໝືອນ ທໍາມະນູນອາຊຽນ ແມ່ນກໍານົດວາງລະບຽບການທໍາງານການຈັດຕັ້ງສະຖາບັນແລະແນວທາງກົດໝາຍຂອງອາຊຽນ ແລະ ໂຄງສ້າງອົງກອນ ໃຫ້ກັບອາຊຽນ; ໂດຍນອກຈາກຈະປະມວນສິ່ງທີ່ຖືເປັນຄ່ານິຍົມ ຫຼັກການ ແລະ ແນວທາງປະຕິບັດໃນອາດີດຂອງອາຊຽນ ມາປະກອບກັນເປັນຂໍ້ປະຕິບບັດຢ່າງເປັນທາງການນ ຂອງສາມະຊິກແລ້ວ ຍັງມີການປັບປຸງແກ້ໄຂ ແລະ ສ້າງກົນໄກໄໝ່ຂື້ນ ພ້ອມກຳນົດຂອບເຂດ ໜ້າທີ່ຄວາມຮັບຜິດຊອບ ຂອງອົງກອນທີ່ສຳຄັນໃນອາຊຽນ ຕະຫຼອດຈົນຮອດ ຄວາມສຳພັນການດຳເນີນງານຂອງອົງກອນເຫຼົ່ານີ້ ໃຫ້ສອດຄ່ອງກັບການປ່ຽນແປງຂອງໂລກໃນປັນຈຸບັນເພີ້ມຂື້ນ, ກົດບັດອາຊຽນນນີ້ໂດຍມຸ່ງຫວັງໃຫ້ອາຊຽນເປັນອົງການທີ່ມີປະສິດທິພາບ ແລະມີປະສິດທິຜົນສູງຂື້ນ ໃຫ້ຄວາມສຳຄັນຕໍ່ປະຊາຊົນຫຼາຍຂື້ນ ແລະ ເຄົາລົບກະຕິກາຮ່ວມກັນຫຼາຍຂື້ນ ທັງຍັງເຮັດໃຫ້ມີສະຖານະທາງນິຕິບຸກຄົນເປັນອົງກອນນລະຫວ່າງລັດຖະບານ (Intergovernmental Organization) ໂດຍຜູ້ນຳອາຊຽນໄດ້ຮ່ວມກັນລົງຍາມໃນກອງປະຊຸມສຸດຍອດອາຊຽນຄັ້ງທີ 13 ວັນທີ 18-22.11.2007ທີ່ ສິງກະໂປ ໃນໂອກາດຄົບຮອບ 40 ປີ ຂອງການສ້າງຕັ້ງອາຊຽນ ແລະ ປະກາດໃຊ້ວັນທີ 15ທັນວາ 2008 ຢູ່ຈາກາຕາ ປະເທດ ອິນໂດນິເຊຍເປັນຕົ້ນມາ.

ຄວາມສຳຄັນຂອງກົດບັດອາຊຽນ
ຫຼັກການຂອງກົດບົດອາຊຽນ

ຄວາມສຳຄັນຂອງກົດບັດອາຊຽນດ້ານເສດຖະກິດ: ເພື່ອສ້າງຕະຫຼາດ ແລະພື້ນຖານການຜະລິດດຽວທີ່ມີສະຖຽນລະພາບ, ໝັ້ນຄົງ ແລະມີຄວາມສາມາດໃນການແຂ່ງຂັນສູງ ມີການຮວມຕົວທາງດ້ານເສດຖະກິດທີ່ມີການເຄື່ອນຍ້າຍເສລີຂອງສິນຄ້າ, ການບໍລິການ, ການລົງທຶນ ແລະແຮງງານ ການເຄື່ອນຍ້າຍທຶນເສລີຫຼາຍຂື້ນ

ດ້ານການເມືອງຄວາມໝັ້ນຄົງ: ເພື່ອປົກປັກຮັກສາ ສະຖຽນນະພາບທາງການເມືອງ ໃນພາກພື້ນໃຫ້ພົ້ນຈາກການປໍລະປັກ ລະຫວ່າງປະເທດມະຫາອຳນາດ ແລະ ເພື່ອເສີມສ້າງເນັ້ນຄຸ້ມຄອງສິດທິມະນຸດ ແລະ ເສລີພາບຂັ້ນພື້ນຖານ ເສີມສ້າງປະຊາທິປະໄຕ ເພື່ອເພີ່ມພູນທຳາມາພິບານ ແລະ ຫຼັກນິຕິທໍາ ຕອບສະໜອງຕໍ່ສີ່ງທ້າທາຍຄວາມໝັ້ນຄົງເຊັ່ນ ການກໍ່ການຮ້າຍ, ປົກປັກຮັກສາອາຊີຕາເວັນອອກສຽງໃຕ້ໃຫ້ເປັນເຂດປອດອາວຸດນິວເຄຼຍ ແລະບໍ່ມີອາວຸດທີ່ມີອານຸພາບໃນການທໍາລາຍລ້າງສູງທຸກຊະນິດ.

ດ້ານຄວາມໝັ້ນຄົງຂອງມະນຸດ: ເພື່ອບັນເທົາຄວາມຍາກຈົນ ແລະຫຼຸດຊ່ອງວ່າງການພັດທະນາພາຍໃນອາຊຽນ ໂດຍຜ່ານຄວາມຊ່ວຍເຫຼືອເຊີ່ງກັນ ແລະກັນ ພ້ອມກັບການສົ່ງເສີມພັດທະນນາຊັບພະຍາກອນມະນຸດຜ່ານຄວາມຮ່ວມມືດ້ານການສຶກສາ, ດ້ານການຮຽນຮູ້ຕະຫຼອດຊີວິດໃນດ້ານວິທະຍາສາດ ແລະເຕັກໂນໂລຊີເພື່ອສ້າງພະລັງປະຊາຊົນແລະເສີມສ້າງຄວາມເຂັ້ມແຂງແຫ່ງປະຊາຄົມອາຊຽນ.

ດ້ານສັງຄົມ:ສົ່ງເສີມອາຊຽນທີ່ມີປະຊາຊົນເປັນສູນກາງສ້າງສັງຄົມທີ່ປອດໄພໝັ່ນຄົງຈາກຢາເສບຕິດ ເພີ່ມພູນຄວາມກິນດີຢູ່ດີຂອງປະຊາຊົນອາຊຽນ ຜ່ານໂອກາດທີ່ເທົ່າທຽມກັນໃນການເຂົ້າເຖິງການພັດທະນາມະນຸດ ແລະ ຄວາມຍຸຕິທຳ.

ດ້ານວັດທະນະທຳ: ສົ່ງເສີມເອກະລັກຂອງອາຊຽນໂດຍເຄົາລົບຄວາມຫຼາກຫຼາຍທາງວັດທະນະທໍາ ແລະ ມໍລະດົກຂອງພາກພື້ນ ລວມທັງຮ່ວມກັນອະນຸລັກມໍລະດົກທາງວັດທະນະທຳ.

ດ້ານສິ່ແວດລ້ອມ:ສະໜັບສະໜູນການພັດທະນາຢ່າງໝັນຄົງທີ່ຄຸ້ມຄຄອງສະພາບແວດລ້ອມຄວາມຍືນຍົງຂອງຊັບພະຍາກອນທຳມະຊາດ.

ກົດບັດອາຊຽນໄດ້ກໍານົດໃຫ້ການບັງຄັບໃຊ້ຢູ່ບົນພື້ນຖານຂອງກົດໝາຍລະຫວ່າງປະເທດ ຄື: ການບໍ່ແຊກແຊງວຽກງານພາຍໃນຕັດສິນຂໍ້ພິພາດໂດຍສັນຕິວິທີ ແລະ ເນັ້ນໜັກໃຫ້ມີການລວມສູນຄວາມສຳພັນ ກັບ ພາຍນອກຈຶ່ງເຮັດໃຫ້ກົດບັດກາຍເປັນເສົາຫຼັກຂອງການສ້າງປະຊາຄົມອາຊຽນ ແລະ ເນັ້ນໜັກເຖິງຂໍ້ຜູກພັນທາງກົດໝາຍຂອງຂໍ້ຕົກລົງອາຊຽນຕ່າງໆ.

ກົນໄກອາຊຽນທີ່ປະຊຸມສຸດຍອດອາຊຽນເປັນອົງກອນສູງສຸດໃນການກໍານົດນະໂຍນບາຍຂອງອາຊຽນໂດຍມີການປະຊຸມສຸດຍອດ ປີລະ 2 ຄັ້ງ ມີຄະນະລັດຖະມົມົນຕີປະສານງານອາຊຽນ ທີ່ມາຈາກລັດຖະມົນຕີ ລະຫວ່າງປະເທດເປັນຜູ້ບໍລິຫານງານທົ່ວໄປ ແລະ ຄະນະລັດຖະມົນຕີປ ະຊາຄົມອາຊຽນດຳເນີນຕາມພັນທະກໍລະນີໃນແຕ່ລະສາຂາ ເລຂາທິການເປັນຫົວໜ້າ ເຈົ້າໜ້າທີ່ບໍລິຫານສຳລັບ ຕິດຕາມກວດກາຄວາມຄືບໜ້າໃນກິນຈະການຕ່າງໆ ຂອງອາຊຽນ ລວມທັງມີຄະນະຜູ້ແທນຖາວອນປະຈຳອາຊຽນເພື່ອສະໜັບສະໜຸນການເຮັດວຽກຂອງຄະນະລັດຖະມົນຕີປະຊາຄົມອາຊຽນ

ເມື່ອເດືອນທັນວາ 1997 ໃນການປະຊຸມສຸດຍອດອາຊຽນ ທີ່ກົວລາລໍາເປີ ເຊິ່ງເປັນກອງປະຊຸມທີ່ບໍ່ເປັນທາງການ ບັນດາຜູ້ນໍາປະເທດສາມະຊິກອາຽນໄດ້ຮ່ວມປະກາດ ວິໄສທັດ 2ົ020 (Asean Vision 2010) ໂດຍກຳນົດເປົ້າໝາຍວ່າພາຍໃນປີ 2020 ອາຊຽນຈະມີຮູບແບບຄວາມຮ່ວມມືທີ່ພັນທະນາໄກ້ຊິດໃຫ້ຫຼາຍຂື້້ນກວ່າເກົ່າ.

ຕໍ່ມາໃນການປະຊຸມຜູ້ນຳອາຊຽນຄັ້ງທີ 9 ວັນທີ 7-8.10.2003ທີ່ບາຫຼີ ໄດ້ລົງນາມປະຕິນຍາວ່າດ້ວຍການຮ່ວມມືອາຊຽນເພື່ອໃຫ້ເກີດປະຊາຄົມອາຊຽນ ພາຍໃນປີ 2020ໂດຍຈະປະກອບ 3 ເສົາຫຼັກ(pillars) ຄື: ປະຊາຄົມຄວາມໝັ້ນຄົງອາຊຽນ(ASEAN Security Community–ASC), ປະຊາຄົມເສດຖະກິດອາຊຽນ(ASEAN Economic Community-AEC) ແລະ ປະຊາຄົມສັງຄົມ-ວັດທະນະທຳອາຊຽນ(ASEAN Socio-Cultural Community-ASCC).

ຕໍ່ມາໃນວັນທີ 29-30.11.2004 ໄດ້ມີການປະຊຸມຜູ້ນໍາອາຊຽນຄັ້ງທີ 10 ທີ່ວຽງຈັນ ອາຊຽນຊື່ງໄດ້ສະໜັບສະໜຸບການຈັດການກົດບັດເພື່ອຮອງຮັບການຈັດຕັ້ງປະຊາຄົມອາຊຽນໃນປີ 2020.

ໃນວັນທີ12-14.10.2005 ໄດ້ປະຊຸມອາຊຽນຄັ້ງທີ 11ທີ ກົວລາລຳເປີ ບັນດາຜູ້ນຳໄດ້ຮ່ວມກັນປະກາດ ຫຼັກການສຳຄັນໃນການຈັດທຳກົດບັດອາຊຽນມອບໝາຍໃຫ້ ຄະນະຜູ້ຊົງວຸດທິ ເຊີ່ງຄະນະຜູ້ຊົງວຸດທິກໍ່ໄດ້ປະຊຸມຫາລືຮ່ວມກັບພາກສ່ວນຕ່າງໆ.

ໃນວັນທີ 11-14.1.2006 ໄດ້ປະຊຸມອາຊຽນຄັ້ງທີ 12 ທີ ຊາບູ ບັນດາຜູ້ນໍາໄດ້ຮ່ວມກັນປະກາດຮັບຮອງລາຍງານຂອງຄະນະຜູ້ຊົງວຸດທິ ມອບໃຫ້ ຄະນະທຳງານລະດັບສູງທີ່ມີຄວາມຊ່ຽວຊານໃຫ້ພິຈະລະນາ.

ຕໍ່ມາວັນທີ18-22.11.2007 ກອງປະຊຸມຄັ້ງທີ 13 ທີ ສິງກະໂປ ບັນດາຜູ້ນໍາໄດ້ມີການກວດສອບ ຮັບຟັງຄວາມຄິດເຫັນ ແລ້ວລົງນາມ .

ກົດບັດອາຊຽນໄດ້ຖືກລົງນາມໃນວັນທີ 20 ພະຈິກ 2007 ໂດຍບັນດາປະມຸກລັດ ຫຼື ຫົວໜ້າລັດຖະບານຂອງ 10 ປະເທດສະມາຊິກອາຊຽນ ທີ່ສິງກະໂປ ໃນໂອກາດກອງປະຊຸມສຸດຍອດຄັ້ງທີ 13 ໄດ້ມີຜົນບັງຄັບໃຊ້ໃນວັນທີ 15 ທັນວາ 2008 .ໃນກົດບັດອາຊຽນປະກອບມີ 13 ໝວດ, 55 ມາດຕາ ແລະ 4 ເອກະສານຊ້ອນທ້າຍ

ບັນດາຜູ້ນຳແຕ່ລະປະເທດຕາງໜ້າເຂົ້າຮ່ວມລົງນາມໃນການກົດບັດອາຊຽນມີຄື:

ຕາງໜ້າ ບຣູໄນ ດາຣູສະລາມ(ລົງນາມ) Haji Hassanal BOLKIAH
ຊຸນຕານ ແຫ່ງ ບຣູໄນ ດາຣູສະລາມ
ຕາງໜ້າລາຊະອານາຈັກກຳປູເຈຍ (ລົງນາມ) Samdech hun sen
ນາຍຍົກລັດຖະມົນຕີ
ຕາງໜ້າສາທາລະນະລັດ ອິນໂດນິເຊຍ (ລົງນາມ) Dr.Susilo Bambang yudhoyono ປະທານະທິບໍດີ
ຕາງໜ້າ ມາເລເຊຍ (ລົງນາມ)Dato’seri abdullah ahmad badawi
ນາຍຍົກລັດຖະມົນຕີ
ຕາງໜ້າສາທາລະນະລັດ ປະຊາທິປະໄຕ ປະຊາຊົນລາວ (ລົງນາມ)
ຕາງໜ້າ ສາທາລະນະລັດ ຟີລິບປິນ (ລົງນາມ)Gloria macapagal-arroyo
ປະທານາທິບໍດີ
ຕາງໜ້າ ສະຫະພາບ ມຽນມາ (ລົງນາມ) ພົນເອກ thein sien ນາຍຍົລັດຖະມົນຕີ
ຕາງໜ້າ ຣາຊະອານາຈັກໄທ (ລົງນາມ) ພົນເອກ Surayud chulanont
ນາຍົກລັດຖະມົນຕີ
ຕາງໜ້າ ສາທາລະນະລັດ ສັງຄົມນິຍົມ ຫວຽດນາມ (ລົງນາມ) Ngunyen tan dung ນາຍົກລັດຖະມົນຕີ
ຕາງໜ້າ ສາທາລະນະລັດ ສິງກະໂປ (ລົງນາມ) Lee Hsien Loong
ນາຍົກລັດຖະມົນຕີ.

ພະນະທ່ານ ບົວສອນ ບຸບຜາວັນນາ ຍົກລັດຖະມົນຕີ

ໃນກົດບັດອາຊຽນປະກອບມີ 13 ໝວດ, 55 ມາດຕາ ແລະ 4 ເອກະສານຊ້ອນທ້າຍມີດັ່ງນີ້:

ໝວດທີ 1 ເປົ້າໝາຍ ແລະ ຫຼັກການ
ໝວດທີ 2 ຖານະນິຕິບຸກຄົນ
ໝວດທີ 3 ການເປັນສະມາຊິກ

ໝວດທີ 4 ບັນດາອົງກອນ
ໝວດທີ 5 ບັນດາອົງກອນທີ່ມີການພົວພັນກັບອາຊຽນ
ໝວດທີ 6 ອະພິສິດ ແລະ ເອກະສິດ
. ໝວດທີ 7 ການກໍານົດຂໍ້ຕົກລົງ
. ໝວດທີ 8 ການແກ້ໄຂຂໍ້ຂັດແຍ່ງ
ໝວດທີ 9 ງົບປະມານ ແລະ ການເງິນ
ໝວດທີ 10 ການບໍລິຫານ ແລະ ຂັ້ນຕອນດໍາເນີນການ
ໝວດທີ 11 ເອກະລັກ ແລະ ສັນຍາ
ໝວດທີ 12 ການພົວພັນກັບພາຍນອກ
ໝວດທີ 13 ບົດບັນຍັດທົ່ວໄປ ແລະ ບັນຍັດສຸດທ້າຍ
ເອກະສານຊ້ອນທ້າຍທີ່ 2:ບັນດາອົງກອນຕ່າງໆທີ່ພົວພັນກັບອາຊຽນ:
ເອກະສານຊ້ອນທ້າຍ 3: ທຸງອາຊຽນ

ມາດຕາ7 ກອງປະຊຸມສດຍອດອາຽນ
ມາດຕາ8 ສະພາປະສານງານອາຊຽນ
ມາດຕາ 8 ບັນດາສະພາປະຊາຄົມອາຊຽນມາດຕາ10ບັນດາອົງກອນລັດຖະມົນຕີ ຂະແໜງການຂອງອາຊຽນ
ມາດຕາ11 ເລຂາທິການໃຫ່ຍ ແລະທກອງເລຂາອາຊຽນ
ມາດຕາ 12 ຄະນະກໍາມະການຜູ້ຕ່າງໜ້າຖາວອນປະຈໍາອາຊຽນ
ມາດຕາ13 ກອງເລຂາອາຊຽນແຫ່ງຊາດ
ມາດຕາ14 ອົງກອນສິດທິມະນຸດອາຊຽນ
ມາດຕາ15 ມູນນິທິອາຊຽນ.

ມາດຕາ16 ບັນດາອົງກອນທີ່ມີການພົວພັນກັບອາຊຽນ

ມາດຕາທີ່17 ອະພິສິດ ແລະ ເອກະສິດຂອງອາຊຽນ
ມາດຕາ20 ການປຶກສາຫາລື ແລະ ການເຫັນດີເປັນເອກະສັນ
ມາດຕາ21 ການຈັດຕັ້ງປະຕິບັດ ແລະ ຂັ້ນຕອນດຳເນີນການ
ມາດຕາ22 ຫຼັກການທົ່ວໄປ
ມາດຕາ23 ການປະສານງານ, ການປະນີປະນອມ ແລະ ການໄກ່ເກ່ຍ
ມາດຕາ24 ກົນໄກການແກ້ໄຂຂໍ້ຂັດແຍ່ງໃນບັນດາເອກະສານສະເພາະ
ມາດຕາ25 ການສ້າງຕັ້ງບັນດາກົນໄກການແກ້ໄຂຂໍ້ຂັດແຍ່ງ
ມາດຕາ26 ຂໍ້ຂັດແຍ່ງທີ່ບໍ່ໄດ້ຮັບການແກ້ໄຂ
ມາດຕາ27 ການປະຕິບັດຕາມ
ມາດຕາ28 ບົດບັນຍັດຂອງກົດບັດ ແລະ ລະບຽບສາກກົນອື່ນທີ່ກ່ຽວຂ້ອງ.

ມາດຕາ18 ອະພິສິດ ແລະ ເອກະສິດ ຂອງເລຂາທິການໃຫຍ່ອາຊຽນແລະ ພະນັກງານຂອງກອງເລຂາອາຊຽນ

ມາດຕາ19 ອະພິສິດ ແລະເອກະສິດຂອງຜູ້ຕາງໜ້າຖາວອນ ແລະ ເຈົ້າໜ້າທີ່ທີ່ປະຕິບັດໜ້າທີ່ວງກງານອາຊຽນ.

ມາດຕາ29 ຫຼັກການທົ່ວໄປ
ມາດຕາ30 ງົບປະມານການບໍລິຫານ ແລະ ການເງິນຂອງກອງເລຂາອາຊຽນ

ມາດຕາ31 ປະທານອາຊຽນ
ມາດຕາ32 ບົດບາດຂອງປະທານອາຊຽນ
ມາດຕາ33 ພິທີການ ແລະ ການປະຕິບັດທາງການທູດ
ມາດຕາ34 ພາສາທີ່ໃຊ້ເຮັດວຽກງານຂອງອາຊຽນ

ມາດຕາ35 ເອກະລັກຂອງອາຊຽນ
ມາດຕາ36 ຄໍາຂວັນອາຊຽນ
ມາດຕາ37 ທຸງອາ່ຊຽນ
ມາດຕາ38 ກົດໝາຍອາຊຽນ
ມາດຕາ 39 ວັນອາຊຽນ
ມາດຕາ40 ເພງສັນລະເສີນອາຊຽນ

ມາດຕາ41 ການດໍາເນີນການພົວພັນກັບພາຍນອກ
ມາດຕາ42 ປະເທດປະສານງານກັບຄູ່ເຈລະຈາ
ມາດຕາ43 ບັນດາຄະນະກໍາມະການອາຊຽນຢູ່ປະເທດທີສາມ ແລະ ບັນດາອົງການຈັດຕັ້ງອາຊຽນ
ມາດຕາ44 ສະຖານະພາບ ຂອງຄູ່ຮ່ວມພາຍນອກ
ມາດຕາ45 ການພົວພັນກັບລະບົບຂອງອົງການສະຫະປະຊາຊາດ ແລະ ບັນດາອົງການຈັດຕັ້ງ ແລະ ສະຖາບັນສາກົນ
ມາດຕາ46 ການໃຫ້ການຮັບຮອງຜູ້ຕ່າງໜ້າຂອງບັນດາປະເທດທີ່ບໍ່ແມ່ນສະມາຊິກອາຊຽນປະຈໍາອາຊຽນ.

ມາດຕາ47 ການລົງນາມ, ການໃຫ້ສັດຕະຍາບັນ, ການເກັບຮັກສາ ແລະ ການມີຜົນບັງຄັບໃຊ້
ມາດຕາ48 ການດັດແກ້
ມາດຕາ49 ພາລະບົດບາດ ແລະຫຼັກການດໍາເນີນການ
ມາດຕາ50 ການທົບທວນຄືນ
ມາດຕາ51 ການຕີຄວາມໝາຍຂອງກົດບັດອາຊຽນ
ມາດຕາ52 ຄວາມຕໍ່ເນື່ອງທາງດ້ານກົດໝາຍ
ມາດຕາ53 ຕົ້ນສະບັບກົດບັດອາຊຽນ
ມາດຕາ54 ການຂຶ້ນທະບຽນກົດບັດອາຊຽນ
ມາດຕາ55 ຊັບສິນຂອງອາຊຽນ.

ເອກະສານຊ້ອນທ້າຍ1: ບັນດາອົງກອນ ລັດຖະມົນຕີຂະ

ແໜງການອາຊຽນ.

ມີປະຊາຄົມການເມືອງ-ຄວາມໝັ້ນຄົງອາຊຽນ (ASC)
ປະຊາຄົມເສດຖະກິດອາຊຽນ ( AEC)
ປະຊາຄົມສັງຄົມ-ວັດທະນາທໍາອາຊຽນ (ASCC)

ລັດຖະສະພາ
ອົງກອນພາກທຸລະກິດ.
ສະຖາບັນຄົ້ນຄ້ວາ ແລະ ວິຊາການ.
ອົງການຈັດຕັ້ງສັງຄົມພົນລະເຮືອນ
ອົງການອື່ນໆທີ່ມີສ່ວນຮ່ວມໃນອາຊຽນ

ທຸງອາຊຽນທີ່ນໍາໃຊ້ເຂົ້ົ້າໃຊ້ໃນກອງປະຊຸມຕ່າງໆຂອງອາຊຽນມີ 4 ປະເພດຄື:ທຸງຕັ້ງໂຕະ, ທຸງປະດັບຫ້ອງ,ທຸງປະດັບລົດ ແລະ ທຸກພາກສະໜາມ ເຊິ່ງ ແຕ່ລະປະເພດມີສີຄືກັນ ແຕ່ມີຂະໜາດ ແລະ ວັດສະດຸທີ່ແຕກຕ່າງກັນ ທຸງອາຊຽນແມ່ນສະແດງເຖິງອາຊຽນ ທີ່ມີສະຖຽນລະພາບ, ສັນຕິພາບ, ເອກະພາບ ແລະ ຄວາມເຂັ້ມແຂງ

ສີຟ້າ ໝາຍເຖິງສັນຕິພາບ ແລະ ສະຖຽນລະພາບ.
ສີແດງ ໝາຍເຖິງຄວາມກ້າຫານ ແລະ ເຂັ້ມແຂງ
ສີຂາວ ໝາຍເຖິງຄວາມສະອາດສົດໃສ
ສີເຫຼືອງ ໝາຍເຖິງສັນຍາລັກແຫ່ງຄວາມອຸດົມສົມບູນ
ຮວງເຂົ້າ ສະແດງເຖິງຄວາມຝັນຂອງບັນພະບູລຸດ ຜູ້ສ້າຕັ້ງອາຊຽນ ທີ່ປະກອບດ້ວຍບັນດາປະເທດໃນອາຊີຕາເວັນອອກສ່ຽງໃຕ້ ທີ່ຜູກພັນກັນດ້ວຍມິດຕະພາບ ແລະ ຄວາມສາມັກຄີ
ວົງກົມ ໝາຍເຖິງຄວາມເປັນເອກະພາບຂອງອາຊຽນ

ເອກະສານຊ້ອນທ້າຍ4: ກາໝາຍອາຊຽນ

ກາໝາຍອາຊຽນແມ່ນ ຕົ້ນເຂົ້າສີເຫຼອງ 10 ຕົ້ນ ມັດລວມກັນໄວ້ ເຊິ່ງສະແດງເຖິງອາຊຽນລວວມກັນເປັນມິດຕະພາບ ,ຄວາມເປັນນ້ຳໜຶ່ງໃຈດຽວກັນ ທີ່ມີສະຖຽນລະພາບ, ສັນຕິພາບ, ເອກະພາບ ແລະ ຄວາມເຂັ້ມແຂງ

ສີຟ້າ ໝາຍເຖິງສັນຕິພາບ ແລະ ສະຖຽນລະພາບ.
ສີແດງ ໝາຍເຖິງຄວາມກ້າຫານ ແລະ ເຂັ້ມແຂງ
ສີຂາວ ໝາຍເຖິງຄວາມສະອາດສົດໃສ
ສີເຫຼືອງ ໝາຍເຖິງສັນຍາລັກແຫ່ງຄວາມອຸດົມສົມບູນ
ຮວງເຂົ້າ ສະແດງເຖິງຄວາມຝັນຂອງບັນພະບູລຸດ ຜູ້ສ້າຕັ້ງອາຊຽນ ທີ່ປະກອບດ້ວຍບັນດາປະເທດໃນອາຊີຕາເວັນອອກສ່ຽງໃຕ້ ທີ່ຜູກພັນກັນດ້ວຍມິດຕະພາບ ແລະ ຄວາມສາມັກຄີ
ວົງກົມ ໝາຍເຖິງຄວາມເປັນເອກະພາບຂອງອາຊຽນ
ແບບຕົວໜັງສືໃຊ້ສຳລັບຄຳວ່າ “ASEAN” ໃນກາໝາຍແມ່ນຂຽດ້ວຍແບບຕົວໜັງສື Helvetica ເປັນຕົວໜັງສືເຂັ້ມຢູ່ລຸ່ມຂອງຮວງເຂົ້າ.

ກ່ອນມີການກົດບັດອາຊຽນ
ຫຼັງມີການກົດບັດອາຊຽນ

- ອາຊຽນເນັ້ນຄວາມຮ່ວມມືລະຫວ່າງປະເທດສະມາຊິກໃນຄວາມສໍາພັນລະຫວ່າງລັດຕໍ່ລັດເປັນສໍາຄັນ.

- ຮູບແບບຄວາມຮ່ວມມືຂອງອາຊຽນມີມິດຕະພາບ ປະເທດສະມາຊິກໄດ້ໃຫ້ຄວາມໄວ້ເນື້ອເຊື່ອໃຈຊື່ງກັນ ແລະກັນ.

- ສ່ວນໃຫຍ່ບໍ່ມີການກໍານົດສິດທິໜ້າທີ່ ຕາມກົດໝາຍລະຫວ່າງປະເທດ ດ້ວຍເຫດນີ້ອາຊຽນຈື່ງບໍ່ໄດ້ສ້າງລັດຖະທໍາມະນູນ.

- ໂຄງສ້າງຂອງອາຊຽນ ມີກົນໄກຄວາມຮ່ວມມືພັດທະນາເປັນແບບຄ່ອຍໆເປັນຄ່ອຍໆໄປ.

ໃນໄລຍະທີ່ຍັງບໍ່ມີການກົດບັດອາຊຽນ ກອງປະຊຸມສຸດຍອດອາຊຽນບໍ່ໄດ້ຈັດຂື້ນຕໍ່ເນື່ອງ ແຕ່ຈະຈັດຂື້້ນບົນພື້ນຖານ ຄວາມພ້ອມຂອງບັນດາປະເທດສະມາຊິກ ຫຼື ເມື່ອມີບັນຫາຮີບດ່ວນ ທີ່ສົມຄວນຕ້ອງໄດ້ມີການຈັດກອງປະຊຸມຂື້ນ ດັ່ງທີ່ໄດ້ສະແດງອອກເມື່ອ ກອງປະຊຸມສຸດຍອດອາຊຽນຄັ້ງທຳອິດປີ 1976 ທີ່ມີພຽງ 5 ປະເທດທີ່ເປັນສະມາຊິກຄື: ອິນໂດເນເຊຍ,ມາເລຍເຊຍ,ຟິລິບປິນ,ສິງກະໂປ ແລະ ໄທ. ເຊິ່ງໄດ້ໝູນວຽນກັນເປັນເຈົ້າພາບຈັດກອງປະຊຸມ ແລະສັງເກດເຫັນວ່າ ໃນໄລຍະນີ້ຈຸດປະສົງຕົ້ນຕໍໃນການຈັດຄອງປະຊຸມ ແມ່ນເພື່ອເຮັດຮັດແໜ້ນຄວາມສາມະຄີພາຍໃນປະເທດສາມະຊິກ. ຕໍ່ມາເນື່ອງຈາກໄລຍະຫ່າງໃນການຈັດກອງປະຊຸມ ຄັ້ງທີ 2 ແລະ ຄັ້ງປີ 3 ແມ່ນຫ່າງໄກກັນ 10 ປີ. ໃນກອງປະຊຸມສຸດຍອດອາຊຽນຄັ້ງທີ 3 ທີ່ ມະລິນາ; ປີ 1988 ບັນດາຜູ້ນຳອາຊຽນຂື້ນເປັນທຸກໆ 5 ປີ ເຖິງແນວໃດກໍ່ຕາມ; ໃນກອງປະຊຸມອາຊຽນຄັ້ງຕໍ່ມາທີ່ປະເທດ ສິງກະໂປ. ປີ 1992 ກໍໄດ້ສະເໜີໃຫ້ຈັດກອງປະຊຸມສຸດຍອດອາຊຽນເປັນທຸກໆ 3 ປີແທນ. ຕໍ່ມາປີ 2001 ບັນດາຜູ້ນຳອາຊຽນໄດ້ສະເໜີໃຫ້ຈັດກອງປະຊຸມ 1 ຄັ້ງຕໍ່ປີ ເພື່ອແກ້ໄຂ້ປະເດັນບັນຫາດ່ວນທີ່ສົ່ງຜົນກະທົບໃນພື້້ນທ່ີ່ ປະເທດສະມາຊິກທີ່ຈະໄດ້ຮັບເລືອກໃຫ້ເປັນເຈົ້າພາບ ຈັດກອງປະຊຸມຂືນໂດຍລຽງຕາມຕົວອັກສອນ ຍົກເວັ້ນປະເທດ ມຽນມ້າ ເຊິ່ງຖືກຍົກເຍິກເປັນເຈົ້າພາບກອງປະຊຸມໃນປີ 2006 ເນື່ອງຈາກວ່າບັນຫາ ທາງດ້ານສິດທິມະນຸດເຊີ່ງມີແຮງດັນ ຈາກສະຫະລັດອາເມລິກາ ແລະ ສະຫະພາບເອີລົບ ມາຕັ້ງແຕ່ປີ 2004 .

ອາຊຽນໄດ້ເພີ່ມໜ່ວຍງານຫຼາຍຂື້ນຄື:

ກໍານົດກອງປະຊຸມສຸດຍອດອາຊຽນເປັນປີລະ 2 ຄັ້ງ.
ຕັ້ງຄະນະລັດຖະມົນຕີປະຈໍາປະຊາຄົມອາຊຽນຕາມ3ເສົາຫຼັກ
ຄື: ການເມືອງ,ເສດຖະກິດ, ວັດທະນາທໍາ-ສັງຄົມ.
ແຕ່ງຕັ້ງທູດປະຈໍາອາຊຽນຂອງແຕ່ລະປະເທດໄປປະຈໍາທີ່
ກຸງຈາກາຕາ.
ເພີ່ມຄວາມແໜ້ນແພ້ນໂດຍການບໍ່ແຊກແຊງເຂົ້າໃນກິດຈະການພາຍໃນ.

ພາຍຫຼັງທີ່ມີການກົດບັດອາຊຽນໄດ້ປະກາດໃຊ້ຢ່າງເປັນທາງການໃນວັນທີ 15ທັນວາ 2008 ກົດບັດອາຊຽນໄດ້ກໍານົດໃຫ້ມີການຈັດກອງປະຊຸມສຸດຍອດອາຊຽນເປັນປີລະ 2 ຄັ້ງ ກໝູນວຽນກັນຈັດຕາມຕົວອັກສອນ ໂດຍລັດສາມະຊິກທີ່ດຳຕຳແໜ່ງປະທານອາຊຽນໃນປີນັ້ນໆ ເປັນເຈົ້າພາບຜູ້ຈັດກອງປະຊຸມ ແລະ ໃຫ້ລັດສະມາຊິກເປັນປະທານອາຊຽນໃນກອງປະຊຸມອີກດ້ວຍ ແຕ່ເຖີງວ່າປະເທດທີ່ເປັນເຈົ້າພາບເປັນຜູ້ກຳນົດວັນ ເວລາ ແລະ ສະຖາມທີ່ປະຊຸມເອງ ແຕ່ກໍຕ້ອງ ໝົດ ຫາກມີເຫດຕ້ອງຍົກເຍີກ ຫຼື ເລື່ອນກອງປະຊຸມ ລວມທັງຍ້າຍສະຖານທີ່ປະຊຸມກໍຕ້ອງໄດ້ຮັບໄດ້ຮັບສັນທາມະຕິຈາກລັດສາມະຊິກທັງໝົດ.

ເອກະສານອ້າງອິງ

ກົດບັດອາຊຽນ ສະບັບພາສາລາວ
ກົມອາຊຽນ,ກະຊວງການຕ່າງປະເທດ ປະຫວັດ ແລະ ຄວາມເປັນມາຂອງອາຊຽນ, 1997
ສົມກຽດ ອ່ອນວິມົນ,ຄໍລຳບັນທຶກອາຊຽນ, ໂຄງຮ່າງ ແລະ ການເຮັດວຽກຂອງອາຊຽນ: ກອງປະຊຸມອາຊຽນ
http://www.asean.org
http://www.wiki.kpi.ac.th
www.youtube.com กำนืดอาเชืยน
www.thai-aec.com
http://th.m.wikipedia.org
www.mfa.go.th

ความเห็น

บทความในวันเดียวกัน