ค่าว รถเก่า
ค่าว รถเก่า
--------------
ตุ๊กใจ๋แต๊เล่า รถเก่านี้หนา ตั้งแต่ซื้อมา ได้ก่าซ้อมเสี้ยง
ตังนอกสดใส ตังในขี้เมี้ยง ขี่มอกไปเวียง ก็หลุ
ขนาดตั๋วถัง ยังต้องปะผุ ประตู๋ผ่อลุ ฮูมี
ใค่เปลี่ยนใหม่แต๊ แต่ตังค์บ่มี๋ อย่างเดียวดูดี มีหลังคากุ้ม (มอกบังแดดฝน ดีเหลือรถเครื่องหน้อย)
หมายเลขบันทึก: 437058เขียนเมื่อ 26 เมษายน 2011 10:35 น. ()แก้ไขเมื่อ 11 ธันวาคม 2012 13:42 น. () สัญญาอนุญาต: ไม่สงวนสิทธิ์ใดๆจำนวนที่อ่านจำนวนที่อ่าน:
ความเห็น (2)
- สวัสดีครับ
- อ่านแล้วม่วนล้ำ ลำนำค่าวสร้อย มาอู้มากอยเรื่องรถ
- บ่ว่าซื้อผ่อน กาว่าจ่ายสด กิ๋นเหมือนกั๋นมด น้ำมัน
- ขี่รถถีบเฒ่า สาวเปิ้นบ่หัน ว่าอ้ายนี้มันต๊กยุค
- พอซื้อรถเก่า ซ่อมหลายเลยตุ๊ก แถมยังเป๋นยุค น้ำมันแปง (แย่นักแก.. นายเฮย)
- มาร่วมอนุรักษ์ค่าวกำเมืองครับ ผิดถูกจะใด อภัยเน้อครับ ฝึกขับลองเขียนกำเมือง
ยินดียิ่งแล้ว แขกแก้วนักหนา ตึงKUDALA ก็มาอ่านถ้อง
พี่อ้ายชำนาญ สำราญเกี่ยวข้อง เอาค่าวฮอมปอง ข้านี้
ค่าวม่วนแต่งสม อารมณ์บ่ลี้ จ่วยเสริมแต่งอี้ มีมา
จ่วยแต่งฮอมซ้อน เสริมต้อนภาษา กวีล้านนา ยินดีฮับต้อน