กะโลงลองหัดแต่ง

แลงลงหาผ่อร้าน นั่งกิ๋น

หันร้านตูบติดดิน เหมาะล้ำ

กิ๋นแล้วจ่ายเช็คบิล มวลหมู่ มึนงง

ห้าร้อยจ่ายเน้นย้ำ บ่เว้นจ่ายกู่คน

[โสภณ เปียสนิท]

เริ่มดีเริ่มสนุกแล้วครับ

เขียนต่อไปเรื่อยๆ นะครับ

[ชูชาติ ใจแก้ว]

ขอบพระคุณยิ่งแล้ว แรงใจ๋

โสภณพี่ส่งไฟ มอบหื้อ

อุตส่าห์แล้วแต่งไป ทนอ่าน เอาแล

คำนาบ่ได้ซื้อ ตื่นเต้นแต่งต่อนา

[สนั่น]

กะโลงโคลงบ่าเก่า เล่าต่อ กันฟัง

เขียนที่คนอื่นยัง บ่ฮู้

วานพี่หนานลมหลวง จุ่งช่วย กำแหน่

หมู่เฮาจาวเหนือนี้ จะได้รอฟัง

ลมหลวงคืออากาศ กวาดกว้าง มาไกล๋

หวังกึ๊ดสร้างสิ่งใด สำเร็จ

ขอจุ่งเป๋นพละ ดลสู่ สิ่งดี

บ่าหล้างพลาดพลั้ง เป๋นก่าลมลวง...

[ชูชาติ ใจแก้ว]

สนั่นท่านป่อเจ้า  ยกยอ

เสริมส่งกะโลงซอ แต่เหง้า

พิจร่ำแต่งแต่ปอ พญ๋าม่อนมี

ลมบ่หมดข้าเล้า ต่อสร้างกะโลงนา

*ขอบพระคุณครับพ่อครูบุญมี ผมจะพยายามแต่งต่อครับ ผิดพลาดประการใดจ่วยชี้แนะตวยเน้อครับ มือใหม่อยู่ครับ*

[สนั่น]

  ถึงมือใหม่ใจ๋สู้   ว่าเด็ด แน่แน่

บ่ท้อทนบ่เข็ด     ขวนขวาย

หากลมมีชีวา       บ่วาย ก่อนนา

สูเฮาเจ้าข้านั้น     สมชื่อ"ลมหลวง"

 

[หนุ่มเอม]

กำเก่ามาเล่าสู่ กันฟัง

ใจ๋จุ้มกำเก่ายัง  สืบไว้

ลมหลวงปี้เริ่มตั้ง ก่อเก๊า กำดี

ฮักษาสิ่งดีไว้  สืบสาน ฮีตฮอย

  เตื้อแรกตี้ขีดเขียน ฮ่วมสร้าง

ยังอ่อนจ้วยจี้ตาง เผื่อก๊าน

ลมหลวงเปิ้นเผ้ววาง จุดก่อ สุมไฟ

ดลใจ่หื้อกึ๊ดอ่าน ฮ่วมสรรค์ สร้างงาน

[สนั่น]

  อันเพชรดีมีค่า         มากล้น อีหลี

สานส่อถ้อยวจี๋          มากกว่า

กำคร่าวกะโลงครั้ง     ก่อนอั้น บ่ลืม

ฮ่วมงานฮ่วมสานสร้าง   กล่าวอ้างเป๋นดี