ท่านเข้าใจภาษาอีสานแค่ไหน

  

  

 

เพลงอดีตรักมักสาวครู     

                                         มนต์แคน  แก่นคูน

 

            (ลำล่อง)  ฟังเสียงสายลมต้อง  จากฮิมคลอง   แถวทง

  ปงมัดก้าไว้แล้ว  เถียงนาน้อย  ค่อยพักเซา

 หยับขึ้นมากินเข่า เซามีแฮง  เบิงจักหน่อย 

นังคึดไปลอย ลอย  ถึงอดีตผู่ข่า  สิเป็นบ้าย้อนมักครู

เฮาคือควายบักตู้   หน้าต่ำหนอเทิงดำ

งานประจำคือไถนา  ก่นโพน เกาฮี้น

ใจถวิล  นอ  นำน้อง..อือ..  คือสิบ่สมปอง เด้อโตน้อง นอ กับพี

เธอแม่  พิมพ์  คนดี พีชาวนาต่ำต้อย เอออ..

บ่คอยได้  แมนฮวมเฮียงโอย ... เออออ   สาวครูเอ้ย....

 

          (ลำเดิน  ทำนอง ขอนแก่น)  ......เธออยู่บ้านหล้งโตอันโอ่อ่า     ฉันนอนนา บ้านเรือนเหมือนรังหนู   เธอร่ำเรียนพากเพียรได้เป็นครู ช่างหดหู่เศร้าหมองเสียจริงเรา  

       เธอไปเรียนฉันไปนามันน่าเศร้า  ทางเดินเรานับวันห่างต่างศักดิ์ศรี  อนาคตของน้องต้องผู้ดี  ส่วนตัวพี่หมองหม่นทนทำนา    

      เหลือใจหล่า ใจหล่า  เห็นน้องจบครูมาน้ำตาอ้ายไหลหย่าว  คึดเห็นคราวแต่กี้  เฮาเล่นฮ่วมกัน  โตอ้ายนั้นเรียนอยู่ ป.สาม  ส่วนว่าครูคนงามอยู่ ป.สองเด้อน้อง  สองเฮาเว้านำกันคักแน่  บ่ลืมกันคักแท้  คำมั่นลั่นความ  ปีน้ำท่วมน้องยังขี่หลังชาย  บัดได้บายปริญญา  ช่างลืมนางน้อง 

      นั่งมองแม่พิมพ์คนใหม่  น้ำตาพี่ไหลอาบลงใบหน้า  ไม่อยากโทษ

บุญวาสนา  เรามันอีกาส่วนน้องยาหงส์ทอง  ขอมองให้เต็มตาหน่อย  ถึงแม้นบุญน้อย  ก็ยังคอยเหลียวแล  ได้เวลาต้องไปป้านคันแท  บ่ายมาแบกแหลงน้ำตามเคย 

      อกเฮาเอ้ยอย่าไปหวังเขาเลย  เฮามันเชยไร้ค่า  เฮาอีกาต่ำต้อย  บ่คอยได้คู่หงส์  เลาะเลียบซ่งตามท่งหากิน  ใจถวิลสาวครู  สิซ่ำได๋น้อนี่  ดำขี่หลี่ชาวนาคือพี่  อ้ายคิดเห็นแต่กี้  ยังมีน้องอยู่นำ  คิดอ้ำล้ำนำตั้งแต่ตอนเด็ก  ตอนที่เฮายังเล็ก  พี่บ่ลืมนางน้อง  สองเฮาเว้านำกันอ่อมอ่อม  ปิ้งกะปอมป่นแง้อยู่โพนแต้เลาะเถียง  นกอีเอี้ยงเคียงคู่จู๋จี๋  ฮักกันมาหลายปี  พี่บ่มีวันเคลื่อน 

     ลงเฮือนเพื่อนชวนเดินเตร๋  มาคักหลายเด้  ครูสวยเก๋จังเลย  หนุ่มชาวนาได้แต่มองเฉยเฉย  ใจคิดอยากกกเกย  บ่คิดเอ่ยวาจา  ชาวนาอย่างเราเฝ้าแอบ  ผลลัพธ์คือเจ็บแสบไม่ได้แนบเคียงกาย  หัวใจคงได้แต่มั่นหมาย  เห็นน้องเดินกายไปสอนนักเรียน 

 เวียนหลายมื้อ  อยากไปเรียนหนังสือนำน้องคือเก่า  แนวฮักบ่กล้าเว้า  เฮานั้นต่ำสกุล  ใจว้าวุ่นแก้มจู่นพูนมองหา  วาสนาชาวนาสิซำพอเพียงนี้.....  (จบ)

   ใครอยากฟังกลอนลำนี้บ้าง ยกมือขึ้น... เดี๋ยวจัดให้  ม่วนคักเด้อ