ทำบุญบ้างก็ดีนะ

 

  • ความลับบ่มีให้เถิงสาม ความงามบ่ให้เถิงสี่ ความมิดความมี่บ่ให้เถิงห้าเถิงหก
  • ความดีฝังไว้เก้าศอก ความชั่วชักออกมาเก้าวา
  • ใจหนักได้กินข้าว ใจเบาได้กินกลอยหัวใหญ่
  • เจ้านายดีบ่เห็นแก่เงินแสนไถ่ แต่เห็นแก่ไพร่แสนเมือง
  • เอาลูกใภ้มาเลี้ยงย่า ปานเอาห่ามาใส่เฮือน
    เอาย่ามาอยู่นำลูกใภ้ ปานเอาไข้มาใส่เฮือน
    เอาลูกเขยมาเลี้ยงพ่อเฒ่า ปานได้ข้าวเต็มเล้าเต็มเยีย
  • หนูกินม้อน จั่งเห็นคุณแมว ลูกแขวนแอว จั่งเห็นคุณพ่อแม่
  • กินแม่นปาก อยากแม่นท้อง เทียวขี้แม่นขา
  • แจงแวงน้ำ ทาวหาบ่เห็นต่อน ซดแต่น้ำ คาแข้วแสม่งตาย
  • ไฟไหม้ป่าจั่งเห็นหน้าหนู น้ำท่วมฮูจั่งเห็นจิหล่อ
  • บ่มีความฮู้อย่าเว้าการเมือง บ่นุ่งผ้าเหลืองอย่าเว้าการวัด
  • เป็นนายให้ฮักไพร่ เป็นใหญ่ให้ฮักลูกบ้าน ขี้คร้านให้ค่อยเพียรจา
  • อย่าได้ไลลืมถิ้มผักกะเดาทวนเก่า บาดได้กินลาบก้อย ยังสิโอ้อ่าวหา
  • เข่า (ข้าว) เต็มเล้านั่งเว้ากะคือ เงินเต็มถังเว้าหยังกะได้
  • ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น
  • ทังหลายเพิ่นแพงซิ้นปูปลายามอึดอยาก ความปากความเว้าบ่ได้ซื้อแพงไว้เฮ็ดอิหยัง

    • มีแล้วอย่าหยิ่ง

    เห็นว่ามีสุขแล้วผักตำนิลบ่อยากเบิ่ง
    เห็นว่ามีสุขแล้วบ่เหลียวแลพวกเพื่อน
    ในโลกนี้บ่ห่อนอยู่เดียวเป็น
    คันว่ามีผืนผ้าบ่หาแพรพาดบ่า

    คันได้กินต่อนซิ้นปลากั้งบ่อยากเหลียว
    คันบ่สุขอยู่เรื่อยสิเหลียวหน้าเบิ่งไผ
    อยู่แต่คนเดียวดายบ่ห่อนเป็นเมืองบ้าน
    สินุ่งแต่ผ้าไปได้จั่งใด๋