ຖະແຫຼງການລະຫວ່າງ ສປປລາວກັບ ສະຫະລັດ

ຖະແຫຼງການຮ່ວມລະຫວ່າງ ສປປ ລາວ ແລະ ສະຫະລັດອາເມຣິກາ

1. ເນື່ອງໃນໂອກາດການ ຢ້ຽມຢາມຄັ້ງປະຫວັດສາດຢູ່ ສປປ ລາວ, ປະທານາທິບໍດີ ບາຣັກ ໂອບາມາ ແລະ ປະທານ ປະເທດ ບຸນຍັງ ວໍລະຈິດ ໄດ້ພົບ ປະກັນໃນມື້ນີ້ຢູ່ທີ່ນະຄອນ ຫຼວງວຽງຈັນ, ຊຶ່ງຜູ້ນຳທັງສອງ ໄດ້ພ້ອມກັນຖະແຫຼງຢ່າງເປັນ ທາງການກ່ຽວກັບການເປັນຄູ່ ຮ່ວມມືແບບກວມລວມລະ ຫວ່າງ ສປປ ລາວ ແລະ ສະ ຫະລັດອາເມຣິກາ. ຜ່ານການ ເປັນຄູ່ຮ່ວມແບບກວມລວມ ດັ່ງກ່າວ, ສປປ ລາວ ແລະ ສະ ຫະລັດອາເມຣິກາໄດ້ພ້ອມກັນ ໄຂສັງກາດໃໝ່ໃນການພົວພັນ ສອງຝ່າຍບົນພື້ນຖານຂອງ ການເຄົາລົບນັບຖືຊຶ່ງກັນ ແລະ ກັນ, ມີຜົນປະໂຫຍດຮ່ວມກັນ ແລະ ຄວາມມຸ່ງມາດປາຖະ ໜາຮຳບາດແຜທີ່ມີມາໃນອະ ດີດ ແລະ ສ້າງພື້ນຖານສຳລັບ ອະນາຄົດ.

2. ປະທານປະເທດ ບຸນຍັງ ວໍລະຈິດ ແລະ ປະທານາທິບໍດີ ບາຣັກ ໂອບາມາ ໄດ້ພ້ອມ ກັນເຫັນດີສ້າງການເປັນຄູ່ຮ່ວມມື ແບບກວມລວມລະຫວ່າງ ສປປ ລາວ ແລະ ສະຫະລັດ ອາເມລິກາ ເພື່ອເສີມຂະ ຫຍາຍການພົວພັນ. ຜູ້ນຳທັງ ສອງ ໄດ້ຢືນຢັນ ຫຼັກການຂອງ ການເປັນຄູ່ຮ່ວມມືແບບກວມ ລວມທີ່ກວມເອົາ ການເຄົາລົບ ນັບຖືກົດບັດສະຫະປະຊາ ຊາດ, ກົດໝາຍລະຫວ່າງຊາດ ແລະ ການເຄົາລົບຕໍ່ລະບອບ ການເມືອງ, ເອກະລາດ, ອະທິ ປະໄຕ ແລະ ຜືນແຜ່ນດິນອັນ ຄົບຖ້ວນຂອງກັນ ແລະ ກັນ. ຜູ້ນຳທັງສອງໄດ້ຖະແຫຼງວ່າ ການເປັນຄູ່ຮ່ວມມືແບບກວມ ລວມແມ່ນແນໃສ່ປະກອບ ສ່ວນສ້າງສັນຕິພາບ, ສະຖຽນ ລະພາບ, ການຮ່ວມມື ແລະ ຄວາມວັດທະນາຖາວອນຢູ່ໃນ ປະເທດທັງສອງ, ຢູ່ໃນພາກພື້ນ ແລະ ໃນໂລກ. ການເປັນ ຄູ່ຮ່ວມມືແບບກວມລວມດັ່ງ ກ່າວຈະເປັນກົນໄກສຳລັບ ການຮ່ວມມືຢູ່ໃນດ້ານຕ່າງໆ ເຊັ່ນ: ການພົວພັນທາງດ້ານ ການເມືອງ ແລະ ການທູດ, ການພົວພັນດ້ານເສດຖະກິດ ແລະ ການຄ້າ, ວິທະຍາສາດ ແລະ ເຕັກໂນໂລຊີ, ການສຶກ ສາ ແລະ ການຝຶກອົບຮົມ, ການຮັກສາສະພາບແວດ ລ້ອມ, ສາທາລະນະສຸກ, ການ ຮ່ວມມືທາງດ້ານມະນຸດສະ ທຳ, ການແກ້ໄຂບັນຫາທີ່ຕົກ ຄ້າງມາຈາກສົງຄາມ, ຄວາມ ໝັ້ນຄົງ, ການປົກປ້ອງ ແລະ ສົ່ງເສີມສິດທິມະນຸດ ແລະ ການພົວພັນລະຫວ່າງປະຊາ ຊົນ-ປະຊາຊົນ. ການຮ່ວມມືທາງດ້ານການ ເມືອງ ແລະ ການທູດ

3. ໃນນາມເປັນພາກສ່ວນ ໜຶ່ງຂອງການເປັນຄູ່ຮ່ວມມືແບບ ກວມລວມ, ທັງສອງຝ່າຍໄດ້ ມຸ່ງໝັ້ນທີ່ຈະເພີ່ມທະວີການ ແລກປ່ຽນການຢ້ຽມຢາມໃນ ລະດັບສູງ, ໄປພ້ອມກັບມີການ ຕິດຕໍ່ພົວພັນກັນໃນທຸກລະດັບ ເພື່ອເພີ່ມທະວີການປຶກສາຫາ ລື ແລະ ກົນໄກຂອງການຮ່ວມ ມືກັນ. ປະທານາທິບໍດີ ໂອບາ ມາໄດ້ຢືນຢັນເຖິງການຄ້ຳປະ ກັນຂອງສະຫະລັດອາເມຣິກາ ໃຫ້ແກ່ເອກະລາດ, ອະທິປະ ໄຕ, ຄວາມວັດທະນາຖາວອນ ແລະ ການເຊື່ອມໂຍງເຂົ້າຢູ່ ໃນ ປະຊາຄົມສາກົນຂອງ ສປປ ລາວ. ປະທານປະເທດ ບຸນຍັງ ວໍລະຈິດ ສະແດງຄວາມຍິນດີ ຕໍ່ການເພີ່ມທະວີການໃຫ້ຄວາມ ຮ່ວມມືຂອງສະຫະລັດອາເມ ຣິກາຢູ່ໃນພາກພື້ນອາຊີ-ປາຊີ ຟິກ ຊຶ່ງເປັນການປະກອບສ່ວນ ໃຫ້ແກ່ສັນຕິພາບ, ສະຖຽນລະ ພາບ ແລະ ຄວາມວັດທະນາ ຖາວອນຢູ່ໃນພາກພື້ນນີ້.

4. ຜູ້ນຳທັງສອງໄດ້ສະ ແດງຄວາມຍິນດີຕໍ່ການດຳ ເນີນການປຶກສາຫາລືເປັນລະ ບົບປົກກະຕິລະຫວ່າງກະຊວງ ການຕ່າງປະເທດຂອງທັງສອງ ປະເທດ, ການຊຸກຍູ້ການປຶກ ສາຫາລື ແລະ ການພົວພັນ ແລກປ່ຽນລະຫວ່າງບັນດາສະ ຖາບັນລວມ ທັງພັກການເມືອງ ຂອງທັງສອງປະເທດ.

5. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີ ໂອບາມາ ໄດ້ຕົກລົງ ທີ່ຈະເພີ່ມທະວີການຮ່ວມມືກັນ ໃນເວທີພາກພື້ນ ແລະ ສາກົນ. ນັບທັງປະຊາຄົມອາຊຽນ, ເວ ທີປຶກສາຫາລືຂັ້ນພາກພື້ນ ຂອງອາຊຽນ (ARF), ກອງປະ ຊຸມສຸດຍອດ ອາຊີຕາເວັນອອກ (EAS) ແລະ ກອງປະຊຸມລັດ ຖະມົນຕີປ້ອງກັນປະເທດອາ ຊຽນບວກ (ADMM+) ເພື່ອ ການຄ້ຳປະກັນໃຫ້ແກ່ສັນຕິ ພາບ, ສະຖຽນລະພາບ, ການ ຮ່ວມມື ແລະ ການພັດທະນາຢູ່ ໃນພາກພື້ນອາຊີ-ປາຊີຟິກ. ທັງສອງຜູ້ນຳ ໄດ້ຢືນຢັນການ ສະໜັບສະໜູນຂອງຕົນ ເພື່ອ ການແກ້ໄຂຄວາມຂັດແຍ່ງ ຕ່າງໆໂດຍສັນຕິວິທີທີ່ສອດ ຄ່ອງກັບກົດໝາຍລະຫວ່າງ ຊາດ. ທັງສອງຜູ້ນຳຍັງໄດ້ຢືນ ຢັນການສະໜັບສະໜູນຂອງ ຕົນຕໍ່ຫຼັກການ ບໍ່ນຳໃຊ້ການ ຂົ່ມຂູ່ ຫຼື ບໍ່ນຳໃຊ້ກຳລັງໃນ ການ ແກ້ໄຂບັນຫາຂໍ້ຂັດແຍ່ງໃດໆ.

6. ທັງສອງຜູ້ນຳສະແດງ ຄວາມຍິນດີຕໍ່ຄວາມກ້າວໜ້າ ຂອງໂຄງການລິເລີ່ມແມ່ນ້ຳ ຂອງຕອນລຸ່ມ (LMI) ແລະ ຂໍ້ ລິເລີ່ມຂອງເພື່ອນປະເທດລຸ່ມ ແມ່ນ້ຳຂອງ (FLM) ໃນປີທີ່ ຜ່ານມາ. ພ້ອມກັນນັ້ນ, ຜູ້ນຳ ທັງສອງຍັງໄດ້ຢືນຢັນຄຳໝັ້ນ ສັນຍາໃນການເຮັດວຽກຮ່ວມ ກັນຢ່າງໃກ້ຊິດ, ຮ່ວມກັນກັບ ບັນດາປະເທດສະມາຊິກໂຄງ ການ LMI ແລະ FLM, ເພື່ອ ສືບຕໍ່ສ້າງຄວາມເຂັ້ມແຂງໃນ ການຮ່ວມມື ໂດຍຜ່ານການ ຈັດຕັ້ງປະຕິບັດແຜນງານສຳ ລັບໄລຍະ 2016-2020 ແລະ ການຮ່ວມມືກັນສ້າງພື້ນຖານ ໂຄງລ່າງແບບຍືນຍົງ, ເພື່ອ ເສີມຂະຫຍາຍການເຊື່ອມ ຈອດໃນພາກພື້ນ, ລວມທັງ ສົ່ງເສີມການຫຼຸຸດຜ່ອນຄວາມ ແຕກໂຕນທາງດ້ານການພັດ ທະນາລະຫວ່າງປະເທດສະ ມາຊິກດ້ວຍກັນ ແລະ ເພື່ອ ຄວາມສົມບູນ ພູນສຸກຂອງປະ ຊາຊົນໃນພາກພື້ນແມ່ນ້ຳຂອງ. ບັນຫາຕົກຄ້າງສົງຄາມ

7. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີ ໂອບາມາ ໄດ້ຢືນຢັນ ການຮ່ວມມືທີ່ມີການຂະຫຍາຍ ຕົວໃນການແກ້ໄຂບັນຫາທີ່ຕົກ ຄ້າງຈາກສົງຄາມ ເພື່ອແນໃສ່ ເພີ່ມທະວີຄວາມເຊື່ອໝັ້ນຊຶ່ງ ກັນ ແລະ ກັນ ທີ່ຈະເອື້ອ ອຳນວຍ ໃຫ້ທັງສອງປະເທດ ເສີມຂະ ຫຍາຍສາຍພົວພັນໃນອະນາ ຄົດ. ປະທານາທິບໍດີ ໂອບາມາ ໄດ້ຖະແຫຼງທີ່ຈະເພີ່ມການຊ່ວຍ ເຫຼືອໃຫ້ແກ່ ສປປ ລາວ ຈຳ ນວນ 90 ລ້ານໂດລາສະຫະລັດ ໃນໄລຍະ 3 ປີຕໍ່ໜ້າສຳລັບ ວຽກງານການສຳຫຼວດກ່ຽວກັບ ລະເບີດບໍ່ທັນແຕກໃນຂອບ ເຂດທົ່ວປະເທດ ແລະ ການ ເກັບກູ້ລະເບີດບໍ່ທັນແຕກ (UXO) ແລະ ຊ່ວຍເຫຼືອແກ້ໄຂ ຜົນກະທົບທີ່ເກີດຈາກການ ເກັບກູ້ລະເບີດໃນ ສປປ ລາວ. ປະທານປະເທດ ບຸນຍັງ ວໍລະຈິດ ສະແດງຄວາມຍິນດີຕໍ່ຄວາມ ມຸ່ງໝາຍຂອງສະຫະລັດອາເມ ຣິກາທີ່ຈະສືບຕໍ່ຊ່ວຍເຫຼືອວຽກ ງານເກັບກູ້ລະເບີດບໍ່ທັນແຕກ, ຊ່ວຍເຫຼືອຜູ້ປະສົບເຄາະຮ້າຍ ຈາກລະເບີດບໍ່ທັນແຕກ, ປ້ອງ ກັນໄພຈາກລະເບີດທີ່ບໍ່ທັນ ແຕກໃນອະນາຄົດ ແລະ ເພີ່ມ ທະວີການພັດທະນາບຸກຄະລາ ກອນແຫ່ງຊາດເພື່ອຮັບປະກັນ ຄວາມຍືນຍົງຂອງວຽກງານນີ້. ການຮ່ວມມືທາງດ້ານມະ ນຸດສະທຳ.

8. ປະທານາທິບໍດີ ໂອ ບາມາ ໄດ້ຕີລາຄາສູງຕໍ່ການ ສືບຕໍ່ໃຫ້ຄວາມຮ່ວມມືຂອງ ສປປ ລາວ ໃນວຽກງານຊອກ ຫາຜູ້ສູນຫາຍໃນປາງສົງຄາມ, ລວມທັງບາດກ້າວຄືບໜ້າໃນ ການເພີ່ມປະສິດທິຜົນຂອງ ຄວາມພະຍາຍາມໃນການຄົ້ນ ຫາຮ່ວມກັນ. ທັງສອງຝ່າຍຈະ ສືບຕໍ່ດຳເນີນການພົບປະກັນ ສອງຄັ້ງຕໍ່ປີເພື່ອຫາລືທາງດ້ານ ວິຊາການໃນການວາງແຜນລົງ ປະຕິບັດງານ ແລະ ໃນການ ອອກແຮງເພື່ອເຮດສຳເລັດ ວຽກງານດັ່ງກ່າວຢ່າງວ່ອງໄວ ແລະ ມີປະສິດທິຜົນ. ການພົວພັນດ້ານເສດຖະ ກິດ ແລະ ການຄ້າ.

9. ປະທານປະເທດ ບຸນ ຍັງ ວໍລະຈິດ ແລະ ປະທານາທິ ບໍດີ ໂອບາມາ ສະແດງຄວາມ ຍິນດີຕໍ່ການລົງນາມເມື່ອຕົ້ນປີ ນີ້ໃນສັນຍາຂອບວ່າດ້ວຍການ ຄ້າ ແລະ ການລົງທຶນລະຫວ່າງ ສອງປະເທດ. ສັນຍາດັ່ງກ່າວ ຈະເປັນການສືບຕໍ່ເພີ່ມທະວີ ການພົວພັນທາງດ້ານການຄ້າ ແລະ ປະກອບເປັນພື້ນຖານໃຫ້ ແກ່ການເປີດກວ້າງການພົວ ພັນທາງດ້ານການຄ້າລະ ຫວ່າງສອງຊາດ.

10. ທັງສອງຜູ້ນຳໄດ້ຮັບ ຮູ້ເຖິງຄວາມສຳຄັນຂອງການ ປົກປ້ອງປະຊາກອນທີ່ຍັງມີ ຄວາມຫຍຸ້ງຍາກຂາດເຂີນໄປ ຄຽງຄູ່ກັບການສືບຕໍ່ພັດທະນາ ທາງດ້ານເສດຖະກິດ, ການຄ້ຳ ປະກັນມາດຕະຖານແຮງງານ ສາກົນພ້ອມທັງຮ່ວມມືກັນໃນ ການປາບປາມໃຊ້ແຮງງານ ເດັກ, ການໃຊ້ແຮງງານແບບ ບັງຄັບ ແລະ ການຄ້າມະນຸດ.

11. ປະທານາທິບໍດີ ໂອ ບາມາ ໄດ້ສະແດງຄວາມຍິນດີ ຕໍ່ຄຳຢືນຢັນຂອງປະທານປະ ເທດ ບຸນຍັງ ວໍລະຈິດ ໃນການ ສືບຕໍ່ປະຕິບັດເພື່ອຄ້ຳປະກັນ ມາດຖານແຮງງານສາກົນທີ່ ຈະກ້າວສູ່ການອະນຸມັດ ໂດຍ ສະຫະລັດອາເມຣິກາ ກ່ຽວກັບ ສິດທິພິເສດທາງດ້ານການຄ້າ ໃຫ້ແກ່ ສປປ ລາວ. ການຮ່ວມມືດ້ານການ ສຶກສາ

12. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີ ໂອບາມາ ໄດ້ຢືນຢັນ ກ່ຽວກັບຄວາມຕ້ອງການໃນ ການເພີ່ມທະວີການພົວພັນ ຮ່ວມມື ໃນດ້ານການສຶກສາ, ວັດທະນະທຳ ແລະ ສາຍພົວ ພັນ ລະຫວ່າງປະຊາຊົນຂອງ ສປປ ລາວ ແລະ ສະຫະລັດ ອາເມຣິກາ. ປະທານາທິບໍດີ ໂອບາມາ ໄດ້ປະກາດຂໍ້ລິເລີ່ມ ໂຄງການການສຶກສາຂັ້ນພື້ນ ຖານ ຊຶ່ງກວມເອົາການຮຽນ ອ່ານ ໃນຊັ້ນປະຖົມຂັ້ນຕົ້ນ ແລະ ສປປ ລາວ ຈະເປັນປະເທດ ໄດ້ຮັບທຶນການສຶກສາຈາກລັດ ຖະບານອາເມຣິກາ ສຳລັບໂຄງ ການໃຫ້ເດັກຍິງໄດ້ເຂົ້າຮັບ ການສຶກສາ. ທັງສອງຜູ້ນຳໄດ້ ສະແດງຄວາມຍິນດີກ່ຽວກັບ ຜົນໃນທາງບວກຂອງໂຄງການ ອາຫານ ສຳລັບໂຮງຮຽນ ຊຶ່ງ ລັດຖະບານອາເມຣິກາ ພວມ ມີການສະໜອງການຊ່ວຍ ເຫຼືອ ໃນມູນຄ່າ 27 ລ້ານ ໂດລາ ໃນໄລຍະ 5 ປີ. ທັງ ສອງຜູ້ນຳໄດ້ໃຫ້ການສັງເກດຕີ ລາຄາກ່ຽວກັບການເພີ່ມຂຶ້ນ ຢ່າງໄວວາຂອງໂຄງການອົບ ຮົມພາສາອັງກິດຢູ່ ສປປ ລາວ ແລະ ຢືນຢັນວ່າ: ການຮ່ວມມື ຢ່າງໃກ້ຊິດ ໃນຂົງເຂດການ ສຶກສາ ແລະ ການຝຶກອົບຮົມ ຈະເປັນອົງ ປະກອບທີ່ສຳຄັນ ຂອງການພົວພັນຮ່ວມມືໃນ ຂັ້ນຕໍ່ໄປ. ຜູ້ນຳທັງສອງໄດ້ເນັ້ນ ໜັກວ່າ: ການສອນພາສາອັງ ກິດແບບເລັ່ງລັດຈະຊ່ວຍປະ ກອບສ່ວນໃຫ້ ສປປ ລາວ ສາ ມາດຮ່ວມມືກັບບັນດາປະເທດ ໃນກຸ່ມອາຊຽນໄດ້ສະດວກຂຶ້ນ ໃນການພັດທະນາ ທາງດ້ານ ການສຶກສາ, ວັດທະນະທຳ ແລະ ສັງຄົມ ພ້ອມທັງມີຄວາມ ອາດສາມາດໃນການແຂ່ງຂັນ ໃນເສດຖະກິດຂອງໂລກຢູ່ໃນ ສະຕະວັດທີ 21. ປະທານປະ ເທດ ບຸນຍັງ ວໍລະຈິດ ແລະ ປະທານາທິບໍດີ ໂອບາມາ ໄດ້ ຕີລາຄາຜົນສຳເລັດຂອງຂໍ້ລິ ເລີ່ມ ໃນການແລກປ່ຽນທາງ ດ້ານການສຶກສາ ລະຫວ່າງສອງ ຝ່າຍ, ສະເພາະແລ້ວແມ່ນໂຄງ ການຟູນບະໄຣ (Fulbright). ທັງສອງຜູ້ນຳໄດ້ຍົກໃຫ້ເຫັນ ເຖິງຄວາມຕ້ອງການທີ່ຈະສືບ ຕໍ່ການສົນທະນາກ່ຽວກັບໂຄງ ການອາສາສະໝັກ Peace Corps ຢູ່ລາວ. ສາທາລະນະສຸກ ແລະ ໂພຊະນາການ

13. ຜູ້ນຳທັງສອງໄດ້ສະ ແດງຄວາມຍິຍດີຕໍ່ການສ້າງຕັ້ງ ສະຖາບັນໂພຊະນາການລາວ -ອາເມຣິກາທີ່ສອດຄ່ອງກັບ ຄວາມພະຍາຍາມຂອງ ສປປ ລາວ ໃນການບັນລຸເປົ້າໝາຍ ຂອງການພັດທະນາແບບຍືນ ຍົງ ແລະ ເປັນການຮັບປະກັນ ໃຫ້ເດັກນ້ອຍລາວໄດ້ຮັບການ ສະໜອງທາງດ້ານໂພຊະນາ ການທີ່ຕ້ອງການ ສຳລັບການ ເຕີບໃຫຍ່ຂອງເດັກຢ່າງມີສຸຂະ ພາບສົມບູນດີ. ຜູ້ນຳທັງສອງ ຍັງໄດ້ເນັ້ນເຖິງໂຄງການໃນໄລ ຍະສາມປີຕໍ່ໜ້າຂອງອົງການ ຢູເສດ (USAID) ໃນມູນຄ່າ 6 ລ້ານໂດລາທີ່ຈະຊຸກຍູ້ໃຫ້ແກ່ ໂຄງການອະນາໄມຂອງຊຸມ ຊົນ ແລະ ສະບຽງອາຫານ ສຳ ລັບແມ່ ແລະ ເດັກຢູ່ໃນຕົວ ເມືອງກຸ່ມເປົ້າໝາຍ ໂດຍສອດ ຄ່ອງກັບແຜນດຳເນີນງານກ່ຽວ ກັບຄວາມໝັ້ນຄົງດ້ານສະບຽງ ອາຫານ ແລະ ໂພຊະນາການ. ປະທານາທິບໍດີ ໂອບາມາ ຢືນ ຢັນເຖິງຄວາມມຸ່ງໝັ້ນຂອງສະ ຫະລັດອາເມຣິກາ ທີ່ຈະສືບ ຕໍ່ສະໜອງການຊ່ວຍເຫຼືອໃນ ດ້ານການປິ່ນປົວທາງການ ແພດ ແລະ ການເບິ່ງແຍງ ອື່ນໆ ສຳລັບຄົນພິການ ໂດຍ ບໍ່ຂຶ້ນກັບວ່າມີສາເຫດມາຈາກ ອັນໃດ. ປະທານປະເທດ ບຸນ ຍັງ ວໍລະຈິດ ໄດ້ຕີລາຄາສູງ ຕໍ່ການສືບຕໍ່ສະໜັບສະໜູນ ຂອງລັດຖະບານສະຫະລັດ ອາເມຣິກາ ໂດຍຜ່ານແຜນ ງານສຸກເສີນສຳລັບການປິ່ນ ປົວໂຣກເອດສຳລັບຄວາມພະ ຍາຍາມຂອງ ສປປ ລາວ ໃນ ການສ້າງລະບົບປ້ອງກັນ ແລະ ປິ່ນປົວໂຣກເອດແບບຍືນຍົງ.

14. ປະທານປະເທດ ບຸນຍັງ ວໍລະຈິດ ແລະ ປະທານາ ທິບໍດີໂອບາມາ ມີຄວາມມຸ່ງ ໝັ້ນທີ່ຈະຮ່ວມກັນສ້າງຄວາມ ກ້າວໜ້າ ໃນດ້ານຄວາມໝັ້ນ ຄົງທາງດ້ານສາທາລະນະສຸກ ໂລກ (GHSA) ນັບທັງການສະ ໜັບສະໜູນຢ່າງເປັນທາງການ ໂດຍຜ່ານການຮ່ວມມືສອງ ຝ່າຍເພື່ອພັດທະນາແຜນການ 5 ປີ ໃນການກະຕຸກຊຸກຍູ້ຄວາມ ອາດສາມາດຂອງ ສປປ ລາວ ໃນການປ້ອງກັນ, ການກວດ ພົບ ແລະ ການຮັບມືຕໍ່ໄພຂົ່ມ ຂູ່ທາງຊີວະພາບ ແລະ ໃນການ ປະຕິບັດອີງຕາມລະບຽບການ ສາທາລະນະສຸກສາກົນ, ໃນ ຖານະເປັນສ່ວນໜຶ່ງຂອງຄວາມ ມຸ່ງໝາຍດັ່ງກ່າວ ສປປ ລາວ ຈະເຂົ້າເປັນສະມາຊິກເຄືອ ຂ່າຍສ້າງຄວາມໝັ້ນຄົງດ້ານສາ ທາລະນະສຸກໂລກ (GHSA) ໃນປີ 2016 ເພື່ອຈະໄດ້ມີການ ເຜີຍແຜ່ກ່ຽວກັບການປະເມີນ ຜົນໃນດ້ານຄວາມອາດສາ ມາດແຫ່ງຊາດ ສະຫະລັດອາ ເມຣິກາຫາກໍ່ໄດ້ເຮັດການເຜີຍ ແຜ່ກ່ຽວກັບການປະເມີນຜົນ ດັ່ງກ່າວເມື່ອບໍ່ດົນມານີ້. ການຮັກສາສິ່ງແວດລ້ອມ

15. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີໂອບາມາ ຢືນຢັນວ່າ ຈະໃຫ້ຄວາມສຳຄັນໃນການ ແກ້ໄຂບັນຫາການປ່ຽນແປງ ດິນຟ້າອາກາດ ແລະ ໄດ້ຕົກ ລົງສະໜັບສະໜູນການປະຕິ ບັດງານໃຫ້ມີປະສິດທິພາບ ແລະ ໃຫ້ສອດຄ່ອງ ກັບຂໍ້ຕົກ ລົງປາຣີ, ພາຍຫຼັງທີ່ສະຫະລັດ ອາເມຣິກາ ໄດ້ໃຫ້ສັດຕະຍາ ບັນຕໍ່ຂໍ້ຕົກລົງປາຣີ, ປະທານ ປະເທດ ບຸນຍັງ ວໍລະຈິດ ໄດ້ ຖະແຫຼງວ່າ ສປປ ລາວ ໄດ້ສຳ ເລັດຂັ້ນຕອນຢູ່ພາຍໃນສຳລັບ ການໃຫ້ສັດຕະຍາບັນ ແລະ ການເຂົ້າຮ່ວມໃນຂໍ້ຕົກລົງດັ່ງ ກ່າວພາຍໃນປີນີ້. ທັງສອງຜູ້ນຳ ຮຽກຮ້ອງໃຫ້ທຸກໆປະເທດສະ ໜັບສະໜູນໃຫ້ຂໍ້ຕົກລົງດັ່ງ ກ່າວມີຜົນສັກສິດພາຍໃນປີ 2016 ນີ້, ຜູ້ນຳທັງສອງມີຄວາມ ມຸ່ງໝັ້ນທີ່ຈະຮັບຮອງອະນຸສັນ ຍາ Montreal ເພື່ອມາດຕະ ການຫຼຸຸດພາວະໂລກຮ້ອນທີ່ໄດ້ ມີການປັບປຸງແກ້ໄຂໃນປີ 2016 ແລະ ສະໜັບສະໜູນ ການຮັບຮອງເອົາມາດຕະການ ທີ່ຈະວາງອອກ ໂດຍອົງການ ການບິນ ພົນລະເຮືອນສາກົນ ເພື່ອເລີ່ມປະຕິບັດແຕ່ປີ 2020.

16. ປະທານປະເທດ ບຸນ ຍັງ ວໍລະຈິດ ແລະ ປະທານາທິ ບໍດີໂອບາມາ ໄດ້ສະແດງຄວາມ ຍິນດີຕໍ່ການຮ່ວມມືກັນທີ່ເພີ່ມ ຂຶ້ນລະຫວ່າງສອງຝ່າຍເພື່ອ ຊຸກຍູ້ໃຫ້ແກ່ການພັດທະນາ ແຫຼ່ງໄຟຟ້ານ້ຳຕົກຢ່າງມີ ຄວາມຮັບຜິດຊອບ, ການພັດ ທະນາປ່າໄມ້ ແບບຍືນຍົງ ເຊັ່ນ ດຽວກັນກັບການປັບຕົວເຂົ້າ ກັບການປ່ຽນແປງຂອງດິນຟ້າ ອາກາດ ແລະ ການຮັບມືກັບ ໄພພິບັດທຳມະຊາດ ທັງສອງ ປະເທດຢືນຢັນທີ່ຈະສົ່ງເສີມ ຊ່ອງທາງໄປສູ່ການຫຼຸຸດພາວະ ໂລກຮ້ອນ, ລວມທັງການສົ່ງ ເສີມການນຳ ໃຊ້ແຫຼ່ງພະລັງ ງານສະອາດທີ່ຫຼຸຸດຜ່ອນຜົນກະ ທົບຕໍ່ສິ່ງແວດລ້ອມ ແລະ ສະ ພາບດິນຟ້າອາກາດ.

17. ຜູ້ນຳທັງສອງຍັງໄດ້ ຕົກລົງທີ່ຈະຮ່ວມມືກັນຮ່ວມ ກັບບັນດາເພື່ອນຂອງປະເທດ ລຸ່ມແມ່ນ້ຳຂອງ (LMI) ເພື່ອ ສົ່ງເສີມການຄົ້ນຄວ້າວິທະ ຍາສາດ, ການເພີ່ມທະວີຂີດ ຄວາມສາມາດ, ການລົງທຶນ ແລະ ການປຶກສາຫາລື ເພື່ອ ຄ້ຳປະກັນໃຫ້ແກ່ ການພັດທະ ນາທີ່ຍືນຍົງຂອງແມ່ນ້ຳຂອງ. ທັງສອງຜູ້ນຳຍັງໄດ້ຢືນຢັນທີ່ ຈະເພີ່ມທະວີການຮ່ວມມືກັນ ເພື່ອຫຼຸຸດຜ່ອນການລັກລອບຄ້າ ຂາຍສັດປ່າຜິດກົດໝາຍ ແລະ ອາຊະຍາກຳຕໍ່ສິ່ງແວດລ້ອມ ໂດຍສອດຄ່ອງກັບສົນທິສັນ ຍາສາກົນ ວ່າດ້ວຍການ ຫ້າມ ຄ້າຂາຍຊະນິດພັນສັດປ່າ ແລະ ພືດທີ່ໃກ້ຈະສູນພັນ (CITES). ຄວາມໝັ້ນຄົງ

18. ປະທານປະເທດ ບຸນຍັງ ວໍລະຈິດ ແລະ ປະ ທານາທິບໍດີໂອບາມາ ໄດ້ຢືນ ຢັນວ່າ ສປປ ລາວ ແລະ ສະ ຫະລັດອາເມຣິກາ ຈະສືບຕໍ່ ຮ່ວມມືກັນໃນດ້ານການປ້ອງ ກັນຊາດ ແລະ ປ້ອງກັນຄວາມ ສະຫງົບ ໂດຍຜ່ານກົນໄກການ ປຶກສາຫາລືໃນ ດ້ານການປ້ອງ ກັນຊາດສອງຝ່າຍໃນແຕ່ລະປີ ໂດຍສົມທົບກັບການພົບປະ ຫາລືທາງດ້ານວິຊາການ. ຜູ້ນຳ ທັງສອງຕົກລົງທີ່ຈະຂະຫຍາຍ ການຮ່ວມມືທີ່ມີຜົນຊຶ່ງກັນ ແລະ ກັນ ເພື່ອເພີ່ມທະວີຄວາມ ອາດສາມາດໃນວຽກງານເກັບ ກູລະເບີດ, ການຕອບໂຕ້ ແລະ ຊ່ວຍເຫຼືອກູໄພຈາກໄພພິບັດ. ທັງສອງຝ່າຍຍັງໄດ້ເນັ້ນໜັກ ເຖິງຄວາມສຳຄັນຂອງການ ເພີ່ມທະວີການຮ່ວມມືແບບພິ ເສດ (ທີ່ບໍ່ເປັນປະເພນີ) ໃນ ດ້ານການປ້ອງກັນຄວາມສະ ຫງົບ ແລະ ຕົກລົງທີ່ຈະເຮັດ ວຽກນຳກັນ ຢ່າງໃກ້ຊິດໃນ ການ ຕ້ານການກໍ່ການຮ້າຍ, ອາດ ຊະຍາກຳຂ້າມຊາດ, ນັບທັງ ການປາບປາມຢາເສບຕິດ, ການຄ້າມະນຸດ ແລະ ພ້ອມທັງ ການປ້ອງກັນອາດຖຊະຍາກຳ ດ້ານເຕັກໂນໂລຊີລະດັບສູງ ແລະ ທາງອິນເຕີເນັດ. ການປ້ອງກັນ ແລະ ສົ່ງ ເສີມສິດທິມະນຸດ.

19. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີໂອບາມາ ໄດ້ໃຫ້ການ ສັງເກດຕີລາຄາຜົນປະໂຫຍດ ຂອງການດຳເນີນການປືກສາ ຫາລືຢ່າງຈິງຈັງ ແລະ ເປີດອົກ ເປີດໃຈທີ່ແນໃສ່ເພີ່ມທະວີ ຄວາມເຂົ້າອົກເຂົ້າໃຈຊຶ່ງກັນ ແລະ ກັນ ພ້ອມທັງຫຼຸຸດຜ່ອນ ຄວາມແຕກຕ່າງ ໃນດ້ານຄຳ ເຫັນກ່ຽວກັບສິດທິມະນຸດ. ທັງ ສອງຜູ້ນຳ ໄດ້ເນັ້ນເຖິງຄວາມ ສຳຄັນຂອງການປົກຄອງ ແລະ ສົ່ງເສີມດ້ານສິດທິມະນຸດ, ການປົກຄອງດ້ວຍກົດໝາຍ ແລະ ສິດທິຂອງຜູ້ເຊື່ອຖືທາງ ສາສະໜາ, ໃນຂອບຂອງວຽກ ງານດັ່ງກ່າວນີ້, ປະທານາທິ ບໍດີໂອບາມາ ໄດ້ຍົກໃຫ້ເຫັນ ເຖິງຄວາມສຳຄັນຂອງບົດ ບາດອັນຈຳເປັນຂອງສັງຄົມ ພົນລະເຮືອນ. ທັງສອງຝ່າຍ ຢືນຢັນເຖິງຄວາມມຸ່ງໝາຍ ເພື່ອປະຕິບັດຕາມກົດບັດຂອງ ສະຫະປະຊາຊາດ ແລະ ຖະ ແຫຼງການສາກົນວ່າດ້ວຍສິດທິ ມະນຸດ ສປປ ລາວ ແລະ ສະຫະລັດອາເມຣິກາ ຍັງໄດ້ຢືນ ຢັນການຈັດໃຫ້ມີການພົບປະ ຫາລືບໍ່ເປັນທາງການໃນດ້ານ ສິດທິມະນຸດເຂົ້າໃນການປຶກ ສາຫາລືຮອບດ້ານລະຫວ່າງ ສອງຝ່າຍໃນແຕ່ລະປີ. ການພົວພັນ ລະຫວ່າງ ປະຊາຊົນດ້ວຍກັນ.

20. ປະທານປະເທດ ບຸນຍັງ ວໍລະຈິດ ແລະ ປະທາ ນາທິບໍດີໂອບາມາ ໄດ້ຍົກໃຫ້ ເຫັນຄວາມສຳຄັນຂອງການ ເພີ່ມທະວີການຮ່ວມມື ໂດຍ ຜ່ານການສົ່ງເສີມສາຍພົວພັນ ລະຫວ່າງປະຊາຊົນດ້ວຍກັນ. ທັງສອງຜູ້ນຳໄດ້ຕີລາຄາຜົນ ຂອງການ ປະກອບສ່ວນໃນ ທາງບວກຂອງປະຊາຊົນ ສປປ ລາວ ແລະ ສະຫະລັດອາເມຣິ ກາ, ນັບທັງຂອງຊຸມຊົນຊາວ ອາເມຣິກາເຊື້ອຊາດລາວ, ໃນ ການເສີມຂະຫຍາຍການພົວ ພັນສອງຝ່າຍ. ຜູ້ນຳທັງສອງ ໄດ້ ຊຸກຍູ້ສົ່ງເສີມໃຫ້ມີການພົວພັນ ແລກປ່ຽນ ເພີ່ມ ຂຶ້ນລະຫວ່າງ ປະຊາຊົນຂອງສອງປະເທດ ທີ່ ແນໃສ່ການແກ້ໄຂສິ່ງທ້າທາຍ ຕ່າງໆຂອງໂລກ, ສະເພາະ ແລ້ວແມ່ນການສົ່ງເສີມການ ນຳພາ ແລະ ການປະກອບ ການຂອງຊາວໝຸ່ມ.

บันทึกนี้เขียนที่ GotoKnow โดย  ใน ສັງລວມບົດຮຽນ



ความเห็น (0)