"เฮียนภาษาลาว"

มื้อนี้ได้เฮียนฮู้
ฝึกอ่านเทิงเขียน
ภาษาลาว
ต่อเติมเสริมแต้ม
มีหลายข้อ
วิทยากรอ้างเอ่ย
นำกล่าวซี้
ไขแจ้งส่องแยง

ฝึกเขียนเบื้อง
อักษรโตลาว
วรรณยุกต์
สระตามวางฮูป
เทียบเคียงข้าง
คำไทยกะบ่ต่าง
หากว่าแล้ว
เขียนได้ง่ายดี

เฮานี้จั่งฮอมฮู้
พื้นถิ่นของตน
คนอีสานกับลาว
บ่ต่างกันไกลแท้
สองฝั่งน้ำ
วัฒนธรรมล้ำค่า
ถือว่าเป็นพี่น้อง
ยืนมั่นบ่ห่างหนี แท้นา

.................................................
อบรมวัฒนธรรมและภาษาลาว
โสมคำปัญญา ลือนาม
๘ กุมภาพันธ์ ๕๗