๘/๐๑/๒๕๕๗

*********

ค่าว “หมาสมัยนี้”

 

หมาเหยหมา        หมาสมัยนี้                 บ่อเหมือนก่อนกี้          ตี่เกยผ่อหัน

หมาบางตั๋วนั้น      มันตึงมาหวัน               ทำตั๋วสำคัญ              บ่อหันตังก้น

กระโดดใส่ตั๋ว       เล่นหัวแง็บส้น             น่องขาเสียจน              จ้ำฟก

ไก่น้อยอยู่ไหน     โดดใส่ไล่วก               ต้อนคุบจนได้               ปุ้นนา

ดุยิ่งกว่านี้           ไล่จี้รถหนา                รถเก๋งก๋ายมา               ปากันฮุมได้

รถถีบเหมือนกั๋น    ออดแอดมาใกล้           ปากั๋นโดดใส่                ไวนัก

ใต้ถุนตี้ดี             บ่อมี๋นอนพัก               หลับเฝ้าอยู่ใต้              ชายคา

นอนกั๋นเต๋มล้น     ถนนของหมา               รถบีบแตรมา               หมาบ่อกลั๋วใบ้

ปาไปหากิ๋น        ดงถิ่นไกล๋ใกล้             หวังก้าบสัตว์ใน             ตี้ฮก

หันก้าหน้าหมา    โตยมาเหี่ยซก              บ่อวกสัตว์ได้                เลยนา

หมาสมัยนี้         หยังอี้กั๋นหา                 เลี้ยงเสียเวลา              เปิ้งปาบ่อได้ ๆ