มื้อได้ลำม่วนฟ้อน 
โฮมแห่บุญกฐิน
ฮ่วมในศีลกินในธรรม 
ศรัทธานำถวายน้อม
บ้านหนองแสงเพียงพ่ำพ้อม 
ดอมไมตรีพาม่วน
ซวนสนุกครึกครื้น 
ยืนมั่นซื่นใจ

พ้อกันใหม่ปีหน้าได้ 
จัดงานใหญ่กว่าเดิม
ส่งเสริมฮีตครองเฮา 
เก่านานเจริญก้าว
คราวหน้าหลานสิมาฟ้อน 
เกี้ยวกลอนลำนำอีกใหม่
บ่ลาไกลจากพี่น้อง 
หนองแสงนี้ที่ฮักแพง แท้นา

ฝั่งเวียง : 18 พฤศจิกายน 2556