ການປັບປຸງການແກ້ເລກຈຳນວນໃນພື້ນ ຖານສິບຂອງນັກຮຽນຫ້ອງ ມ 1 “
I. ບົດນຳ
1.1 ຄວາມເປັນມາ ແລະ ຄວາມສໍາຄັນຂອງບັນຫາ
ໂຮງຮຽນມັດທະຍົມຕອນຕົ້ນບ້ານຫຸນຕັ້ງຢູ່ເມືອງຕາະໂອ້ຍແຂວງສາລະວັນຫ່າງຈາກເທດສະບານເມືອງ
ຕະໂອ້ຍປະມານ 1 ມີຈໍານວນຄູອາຈານທັງໝົດ 10 ຄົນ, ຍິງ 5 ຄົນ, ຈໍານວນຫ້ອງຮຽນທັງໝົດ 4 ຫ້ອງ,ໃນນັ້ນຫ້ອງ ມ1ມີຈໍານວນນັກຮຽນທັງໝົດ 20 ຄົນ, ຍິງ 9 ຄົນ.
ອີງຕາມການລາຍງານສະພາບການຮຽນ-ການສອນ ຄູປະຈຳລາຍວິຊາຄະນິດສາດຫ້ອງ ມ1 ພົບວ່າເຄື່ອງມື ແລະ ອຸປະກອນຮັບໃຊ້ເຂົ້າໃນກິດຈະກໍາການຮຽນ-ການສອນ ທາງໂຮງຮຽນບໍ່ສາມາດຕອບສະໝອງຕາມຄວາມຮຽກຮ້ອງຕ້ອງການ ສະນັ້ນ, ຈິ່ງເຮັດໃຫ້ການຮຽນ-ການສອນພາກປະຕິບັດຕົວຈິງບໍ່ໄດ້ປະຕິບັດໄດ້ດັ່ງທີ່ຄວນຈິ່ງສົ່ງຜົນສະທ້ອນໃຫ້ແກ່ນັກຮຽນຄື: ຮຽນອ່ອນ, ຂາດຄວາມສາມາດໃນການສະແດງອອກ, ແກ້ເລກຈໍານວນພື້ນສິບບໍ່ໄດ້. ຈຶ່ງເຮັດໃຫ້ການຮຽນ-ການສອນໃນວິຊາຄະນິດສາດພົບຄວາມຫຍຸ້ງຍາກ ແລະ ເຮັດໃຫ້ນັກຮຽນຈຳນວນໜຶ່ງບໍ່ສົນໃຈໃນການສຶກສາຮໍ່າຮຽນ ເປັນຕົ້ນແມ່ນໃນລາຍວິຊາຄະນິດສາດຫ້ອງ ມ1 ເຊິ່ງມີຈຳນວນນັກຮຽນ 20 ຄົນ, ຍິງ 9 ຄົນ. ໃນຂະນະນ້ອງສອນທີ່ໂຮງຮຽນແຫ່ງນີ້ໄດ້ສຶກສາອົບຮົມ ແລະ ແນະນໍາໃຫ້ເຂົາເຈົ້າເອົາໃຈໃສ່ຕໍ່ບົດຮຽນ ເຫັນວ່ານັກຮຽນສ່ວນຫຼາຍມີຄວາມເອົາໃຈໃສ່ຕໍ່ການຮຽນ ແລະ ຮຽນໄດ້ດີ ແຕ່ຍັງມີນັກຮຽນຈໍານວນໜຶ່ງທີ່ບໍ່ເອົາໃຈໃສ່ຕໍ່ການຮຽນວິຊາຄະນິດສາດ, ໃນເວລາຄູມອບກິດຈະກໍາໃຫ້ເຮັດເຂົາເຈົ້າບໍ່ສົນໃຈເຮັດກິດຈະກໍານໍາໝູ່, ບໍ່ສົນໃຈຕໍ່ການຮຽນ, ບໍ່ຕອບຄໍາຖາມຄູ ແລະ ບໍ່ແກ້ວຽກບ້ານທີ່ຄູມອບໝາຍໃຫ້ການຮຽນວິຊາຄະນິດສາດ ໂດຍສະເພາະການແກ້ເລກພື້ນຖານສິບ ແມ່ນມີຄວາມສຳຄັນຫຼາຍທີ່ສຸດໃນການດໍາລົງຊີວິດປະຈໍາວັນເຊັ່ນ: ການຄິດໄລ່ໃນການກໍ່ສ້າງເຄຫາສະຖານ-ການຄົມມະນາຄົມ, ການຄ້າຂາຍ, ການແລກປ່ຽນວັດຖຸສິ່ງຂອງ ແລະ ອື່ນໆ ແຕ່ວ່າຄູສອນພັດບໍ່ໄດ້ຍົກໃຫ້ນັກຮຽນໄດ້ເຫັນກ່ຽວກັບຄວາມສໍາຄັນໃນການຄິດໄລ່ ແລະ ຄຸນປະໂຫຍດຂອງເລກຈຳນວນໃນພື້ນຖານສິບ.
ສະນັ້ນ, ຂ້າພະເຈົ້າຈິ່ງມີຄວາມສົນໃຈຢາກເຮັດການວິໄຈກ່ຽວກັບເລື່ອງນີ້ຄື: “ການປັບປຸງການແກ້ເລກຈຳນວນໃນພື້ນ ຖານສິບຂອງນັກຮຽນຫ້ອງ ມ 1 “
1.2ຈຸດປະສົງ
- ເພື່ຶອໃຫ້ນັກຮຽນສາມາດແກ້ເລກຈໍານວນໃນພື້ນຖານສິບໄດ້
- ເພື່ຶອໃຫ້ນັກຮຽນສາມາດນໍາໃຊ້ເລກຈໍານວນໃນພື້ນຖານເຂົ້າໃນຊີວິດປະຈໍາວັນໄດ້
- ວິທີດໍາເນີນການວິໄຈ
2.1. ສຶກສາສະພາບບັນຫາ
ໃນເບື້ອງຕົ້ນການສຶກສາສະພາບບັນຫາ ເພື່ອຄວາມສະດວກໃນການເກັບກຳຂໍ້ມູນຕ່າງໆ ທີ່ຈະມາຮັບໃຊ້ໃນການເຮັດການວິໄຈຂ້າພະເຈົ້າໄດ້ປຶກສາຫາລືກັບຄູ່ຮ່ວມງານ ອາຈານ ແກ້ວດອກໄມ້ ວໍລະສານ ກະກຽມເຄື່ອງມືອຸປະກອນ ແລະ ສ້າງເຄື່ອງມື, ສ້າງຮ່າງບັນທຶກການເຂົ້າຮ່ວມໂມງສອນສົນທະນາປຶກສາຫາລືກັບຄູສອນວິຊາຄະນິດສາດຄູປະຈຳຫ້ອງມ 1, ເຂົ້າຮ່ວມໂມງສອນຄູສອນຄະນິດສາດ .
ເມື່ອຮອດມື້ນັດໝາຍວັນທີ 2/10/2012 ຂ້າພະເຈົ້າໄດ້ເຂົ້າຮ່ວມໂມງສອນອາຈານ ແກ້ວດອກໄມ້ ວໍລະສານ ຄູປະຈຳວິຊາປະຈຳຊັ້ນ ມ1 ວິຊາຄະນິດສາດ ບົດທີ8 ຈຳນວນໃນພື້ນຖານຕ່າງໆ ຂ້າພະເຈົ້າເຂົ້າຮ່ວມສັງເກດຢູ່ຂ້າງຫຼັງເພື່ອບັນທຶກເຫດການຕ່າງໆໃນເວລາຄູດຳເນີນກິດຈະກຳການຮຽນ-ການສອນຜ່ານການສັງເກດເຫັນວ່າຄູໄດ້ເນັ້ນໃຫ້ນັກຮຽນທ່ອງແມ່ບັ້ງສູດແຕ່ບັ້ງສອງຮອດບັ້ງສິບເປັນສໍາຄັນ, ສື່ທີ່ຄູນໍາໃຊ້ປະກອບເຂົ້າໃນການຮຽນ-ການສອນມີພຽງປຶ້ມແບບຮຽນ, ປຶ້ມບັນທຶກນັກຮຽນ, ຄູ່ມືຄູ ແລະ ຄູໄດ້ຂຽນກິດຈະກໍາໃສ່ກະດານລະອຽດລຸ່ມນີ້:
ກິດຈະກໍາທີ 1
- ຈົ່ງຂຽນຈຳນວນຕໍ່ໄປນີ້ ເປັນຈຳນວນທຳມະຊາດດ້ວຍຕົວເລກກຣິດ
- MDXXXVII b. CDLXXIII c. MMCMVI
ກິດຈະກຳທີ 2
- ປ່ຽນຈຳນວນທຳມະຊາດລຸ່ມນີ້ ເປັນຈຳນວນພື້ນຖານ
A = 132 B = 17 C = 280
ຜ່ານການດໍາເນີນກິດຈະກໍາການຮຽນ-ການສອນຂອງຄູສັງເກດເຫັນ ແລະ ໄດ້ບັນທຶກທຸກເຫດການທີ່ເກີດຂຶ້ນລະອຽດລຸ່ມນີ້:
- ນັກຮຽນບໍ່ສົນໃຈຕໍ່ກິດຈະກໍາຂອງຄູ
- ນັກຮຽນສົນທະນາກັນໃນເວລາຄູອະທິບາຍບົດຮຽນ
- ນັກຮຽນອອກມາແກ້ເລກຫານຢຸ່ກະດານບໍ່ໄດ້
- ນັກຮຽນບໍ່ອອກມາແກ້ເລກຢູ່ກະດານ
- ນັກຮຽນບໍ່ຕອບຄໍາຖາມຂອງຄູ
ພາຍຫຼັງເຂົ້າຮ່ວມໂມງສອນຄູສຳເລັດແລ້ວ ຂ້າພະເຈົ້າຜູ້ວິໄຈໄດ້ບັນທຶກທຸກເຫດການທີ່ເກີດຂຶ້ນ ແລະ ໄດ້ພົບບັນຫາຫຼາຍຢ່າງ ບັນຫາທີ່ໄດ້ມາໃນຄັ້ງນີ້ ພວກເຮົາບໍ່ສາມາດສະຫຼຸບໄດ້ວ່າສາຍເຫດທີ່ແທ້ຈິງຂອງບັນຫາທີ່ເກີດຂຶ້ນກັບນັກຮຽນຂອງຂ້າພະເຈົ້າມັນແມ່ນຫຍັງແທ້ ສະນັ້ນ ຂ້າພະເຈົ້າຍັງບໍໍ່ທັງໄດ້ບັນຫາເຂົ້າໃນການຕັ້ງຫົວຂໍ້ວິໄຈ ຂ້າພະເຈົ້າຜູ້ວິໄຈຈິ່ງໄດ້ປຶກສາຫາລືກັນຄູ່ຮ່ວມງານອາຈານ ແກ້ວດອກໄມ້ ວໍລະສານ ວ່າຈະເຂົ້າຮ່ວມໂມງສອນໄດ້ຕົກລົງເຫັນດີກຳນົດວັນທີນັດໝາຍ, ເມື່ອຮອດມື້ນັດໝາຍຄື ໃນວັນທີ 9/10/2012 ໄດ້ເຂົ້າຮ່ວມໂມງສອນອາຈານ ແກ້ວດອກໄມ້ ວໍລະສານ ເປັນຜູ້ສອນຕົວຈິງໃນຫ້ອງ ມ1 ວິຊາຄະນິດສາດ ບົດທີ 8( ຕໍ່ ) ຈຳນວນໃນພື້ນຖານຕ່າງໆ
ຜ່ານການດໍາເນີນກິດຈະກໍາການຮຽນ-ການສອນຂອງຄູສັງເກດເຫັນ ແລະ ໄດ້ບັນທຶກທຸກເຫດການທີ່ເກີດຂຶ້ນລະອຽດລຸ່ມນີ້:
- ນັກຮຽນບົນແຊວໃນເວລາຮຽນ
- ນັກຮຽນບໍ່ມີສ່ວນຮ່ວມໃນການສອນຂອງຄູ
- ນັກຮຽນແກ້ເລກຄູນຈໍານວນຖ້ວນມີລັກສະນະສັບປ່ຽນບ່ອນບໍ່ໄດ້
- ນັກຮຽນບໍ່ຕອບຄຳຖາມຂອງຄູ
ຫຼັງຈາກສຳເລັດການເຂົ້າຮ່ວມໂມງສອນໃນຄັ້ງນີ້ແລ້ວ ຂ້າພະເຈົ້າຜູ້ວິໄຈຍັງບໍ່ທັນມີຄວາມແນ່ໃຈເທື່ອ ແລະ ຂ້າ ພະເຈົ້າຜູ້ວິໄຈໄດ້ປຶກສາຫາລືກັບຄູ່ຮ່ວມງານວິໄຈ ເພື່ອເກັບກຳຂໍ້ມູນຕື່ມອີກ ແລະ ຫາສາເຫດທີ່ແທ້ຈິງຂອງບັນຫາວ່າມັນເປັນຍ້ອນຫຍັງກັນແທ້ ດັ່ງນັ້ນ, ຈິ່ງກັບໄປຫາຕົ້ນເຫດຂອງບັນຫາ ໄດ້ລົງສຳພາດຄູສອນ ແລະ ນັກຮຽນກຸ່ມ ເປົ້າໝາຍ, ໃນວັນທີ 17/10/2012 ໄດ້ສະພາດຄູປະຈໍາວິຊາຄະນິດສາດ ແລະ ໄດ້ຂໍ້ມູນດັ່ງນີ້: ເປັນຄົນມັກຂາດຮຽນ, ບໍ່ມີສ່ວນຮ່ວມໃນການປະຕິບັດກິດຈະກຳຂອງຄູ, ເອື້ອອີງໃສ່ແຕ່ໝູ່, ຄວາມຮັບຮູ້ຊ້າ
- ທ້າວ ນ້ອຍ ເປັນຄົນບໍ່ມັກປາກ, ເວລາຄູອະທິບາຍບໍ່ມັກຕັ້ງໃຈຟັງ, ເຂົ້າໃຈບົດຮຽນຍາກແຕ່ລາວໄດ້ເຮັດກິດຈະກຳກັບໝູ່ເພື່ອນ
- ທ້າວ ອາກຽນ ມັກຂາດຮຽນ, ຮຽນບໍ່ໄດ້, ຄວາມຮັບຮູ້ຊ້າ, ບໍ່ມີສ່ວນຮ່ວມນຳໝູ່ໃນເວລາຄູມອບກິດຈະກຳ
ໃນວັນທີ18/10/2012ໃຊ້ເວລາ 1 ຊົ່ວໂມງໄດ້ໄປຢ້ຽມຢາມທີ່ເຮືອນ ທ້າວ ນ້ອຍ ໄດ້ສໍາພາດແມ່ຂອງລາວເຊິ່ງເພິ່ນກໍ່ໃຫ້ການຮ່ວມມືເປັນຢ່າງດີເພິ່ນໃຫ້ຂໍ້ມູນວ່າ: ທ້າວນ້ອຍໄປໂຮງຮຽນແຕ່ເຊົ້າທຸກມື້, ບໍ່ໄດ້ຄົ້ນຄວ້າບົດຮຽນ, ມັກໄປທ່ຽວເບິ່ງໜັງຍາມກາງຄືນ, ບໍ່ມີປື້ມແບບຮຽນ.
ວັນທີ 19/10/2012ໃຊ້ເວລາ 1 ຊົ່ວໂມງໄປຢ້ຽມຢາມທີ່ເຮືອນ ທ້າວ ອາກຽນ ໄດ້ສໍາພາດພໍ່ແມ່ຂອງລາວເພິ່ນໃຫ້ຂໍ້ມູນວ່າ: ບ້ານໄກ, ພໍ່ແມ່ທຸກຍາກ, ບໍ່ໄດ້ຄົ້ນຄວ້າບົດຮຽນ, ບໍ່ມີປື້ມແບບຮຽນ, ບໍ່ມີໃຜຊ່ວຍວຽກພໍ່ແມ່.
ຫຼັງຈາກສຳເລັດການສຳພາດນັກຮຽນກຸ່ມເປົ້າໝາຍຈຳນວນ 2 ຄົນ ຜ່ານການສຳພາດນັກຮຽນກຸ່ມເປົ້າໝາຍໃນຄັ້ງນີ້ຂ້າພະເຈົ້າຜູ້ວິໄຈໄດ້ຂໍ້ມູນ ແລະ ສາມາດຕີລາຄາລະອຽດລຸ່ມນີ້:
- ບໍ່ມັກຮຽນວິຊາຄະນິດສາດ
- ບໍ່ມີປື້ມແບບຮຽນໃນລາຍວິຊາຄະນິດສາດ
ເມື່ອໄດ້ຂໍ້ມູນຈາກການເຂົ້າຮ່ວມໂມງສອນຄູປະຈໍາວິຊາຄະນິດສາດ, ສໍາພາດນັກຮຽນກຸ່ມເປົ້າໝາຍຄືແນວນັ້ນ ຂ້າພະເຈົ້າຜູ້ວິໄຈ ຈິ່ງໄດ້ປຶກສາຫາລືກັບຄູ່ຮ່ວມງານສ້າງແຜນດຳເນີນການວິໄຈ ໃນຫ້ອງ ມ1 ຮູ້ຄວາມຈິງທີ່ຊັດເຈນຂຶ້ນ ແລະ ຂ້າພະເຈົ້າໄດ້ຄັດເລືອກເອົາໝຶ່ງບັນຫາມາເຮັດການວິໄຈ ແລະ ຕັ້ງຫົວຂໍ້ວິໄຈຄື: “ການປັບປຸງການແກ້ເລກຈຳນວນໃນພື້ນ ຖານສິບຂອງນັກຮຽນຫ້ອງ ມ 1 “.
ຈາກບັນຫາທີ່ໄດ້ມາຂ້າງເທິງນັ້ນ ຂ້າພະເຈົ້າຈິ່ງໄດ້ຕັ້ງຄຳຖາມວິໄຈຂຶ້ນມາ:
ຄໍາຖາມວິໄຈ
“ ໃນຖານະເປັນຄູພວກເຮົາຈະເຮັດແນວໃດ ເພື່ອໃຫ້ນັກຮຽນສາມາດແກ້ເລກຈໍານວນໃນພື້ນຖານສິບໄດ້”
2.2 ວາງແຜນ 1
ພາຍຫຼັງສຶກສາສະພາບບັນຫາເປັນທີ່ຮຽບຮ້ອຍແລ້ວໃນຄັ້ງວັນທີ 25/10/2012 ຂ້າພະເຈົ້າຜູ້ວິໄຈແລະຄູ່ຮ່ວມງານໄດ້ປຶກສາຫາລືຮ່ວມກັນ ວາງແຜນແກ້ໄຂບັນຫາທີ່ເກີດຂຶ້ນກັບນັກຮຽນກຸ່ມເປົ້າໝາຍ, ແລກປ່ຽນແນວຄວາມຄິດຮ່ວມກັນກັບຄູ່ຮ່ວມງານຖອດຖອນບົດຮຽນນໍາກັນເພື່ອເລັ່ງໃສ່ໃຫ້ການຊ່ວຍເຫຼືອນັກຮຽນກຸ່ມເປົ້າໝາຍໄດ້ພັດທະນາແນວຄວາມຄິດຂອງເຂົາເຈົ້າໃຫ້ມີການປ່ຽນແປງຢ່າງຮິບດ່ວນ ກໍານົດແຜນລະອຽດລຸ່ມນີ້:
- ຮ່ວມກັນແຕ່ງບົດສອນວິຊາຄະນິດສາດບົດທີ 8 ຈໍານວນໃນພື້ນຖານຕ່າງໆ
- ຄູໃຫ້ຄວາມໃກ້ຊິດຕິດແທດກັບນັກຮຽນຢ່າງທົ່ວເຖິງ
- ຄູແນະນໍາ ຫຼື ອະທິບາຍບົດຮຽນໃຫ້ມີຄວາມຈະແຈ້ງ ແລະ ໃຫ້ມີຄວາມລະອຽດຖີ່ຖ້ວນ
- ຄູແກ້ກິດຈະກໍາໃຫ້ນັກຮຽນໄດ້ສັງເກດເບິ່ງ 2-3 ຕົວຢ່າງເພື່ອໃຫ້ນັກຮຽນທໍາຄວາມເຂົ້າໃຈບົດຮຽນຫຼາຍຂຶ້ນ
2.3 ການປະຕິບັດ ແລະ ສັງເກດ 1
ຫຼັງຈາກການສໍາເລັດການວາງແຜນແລະນໍາເອົາແຜນທີ່ວາງໄວ້ໄປຈັດຕັ້ງປະຕິບັດຢູ່ຫ້ອງມ 1 ໃນຄັ້ງວັນທີ30/10/2012 ສອນວິຊາຄະນິດສາດບົດທີ 8 ຈໍານວນໃນພື້ນຖານຕ່າງໆ, ອາຈານແກ້ວອຸດອນເປັນຜູ້ສອນຕົວຈິງຄູໄດ້ນໍາກິດຈະກໍາລະອຽດລຸ່ມນີ້:
ກິດຈະກໍາທີ 1
ໃນຍຸກສະໄໝເອເລັກໂຕຣນິກເພິ່ນໄດ້ນຳໃຊ້ເຄື່ອງຄິດໄລ່ເອເລັກໂຕຣນິກ ( ຄອມພິວເຕີ ) ເຂົ້າໃນການຄຳນວນຕ່າງໆແຕ່ເຄື່ອງເອເລັກໂຕຣນິກສາມາດອ່ານຕົວເລກໄດ້ສອງຕົວເທົ່ານັ້ນຄື: 0 ແລະ 1 ( ກະແສໄຟບໍ່ຜ່ານແມ່ນ 0, ກະແສໄຟຜ່ານແມ່ນ 1)
ຈຳນວນທີ່ຂຽນແບບກະຈາຍໂດຍໃຊ້ 0 ແລະ 1 ເອີ້ນຈຳນວນວ່າຈຳນວນໃນພື້ນຖານສອງເຊັ່ນ:
|
ຈຳນວນໃນພື້ນຖານສິບ |
ຈຳນວນໃນພື້ນຖານສິບ |
|
11 |
|
|
101 |
|
|
1101 |
ຈົ່ງຕື່ມຕາຕະລາງລຸ່ມນີ້ໃຫ້ຖືກຕ້ອງແລະຄົບຖ້ວນ
|
ຈຳນວນໃນພື້ນຖານສິບ |
ຈຳນວນໃນພື້ນຖານສິບ |
|
111 |
.... |
|
1111 |
.... |
|
110111 |
.... |
ຄູແບ່ງນັກຮຽນອອກເປັນ 5 ກຸ່ມຕາມຄວາມເໝາະສົມຂອງຫ້ອງຮຽນ, ຄູມອບໝາຍໃຫ້ນັກຮຽນກຸ່ມເປົ້າໝາຍເປັນຫົວໜ້າກຸ່ມເພື່ອຂຶ້ນລາຍງານ, ຄູຢາຍໃບກິດຈະກໍາໃຫ້ແຕ່ລະກຸ່ມໄດ້ປະຕິບັດກິດຈະກໍາ, ຄູຕິດຕາມການປະຕິບັດກິດຈະກໍາຂອງນັກຮຽນແຕ່ລະກຸ່ມຢ່າງໃກ້ຊິດຕິດແທດຈາກນັ້ນ, ຄູຍັງແນະນໍາໃຫ້ນັກຮຽນເກັ່ງຊ່ວຍເຫຼືອນັກຮຽນກຸ່ມເປົ້າໝາຍຂໍ້ທີ່ຍັງຄົງຄ້າງ ຫຼື ຈຸດທີ່ບໍ່ເຂົ້າໃຈ, ຄູໄດ້ແນະນໍານັກຮຽນທຸກຄົົນເບິ່ງການແກ້ຕົວຢ່າງຂອງຄູ 2-3 ຕົວຢ່າງຈາກນັ້ນ, ຄູໄດ້ບົ່ງຕົວນັກຮຽນກຸ່ມເປົ້າໝາຍອອກມາແກ້ເລກຢູ່ກະດານ, ຄູໄດ້ໃຫ້ແຮງຈູງໃຈກະຕຸກຊຸ້ກຍູ້ສົ່ງເສີມຢ່າງໃກ້ຊິດຕິດແທດໂດຍເນັ້ນໃສ່ນັກຮຽນກຸ່ມເປົ້າໝາຍເປັນພິເສດ.
ຜ່ານການນໍາເອົາແຜນໄປຈັດຕັ້ງປະຕິບັດໃນຫ້ອງມ 1 ໃນຄັ້ງນີ້ ເຫັນວ່ານັກຮຽນກູ່ມເປົ້າໝາຍມີການພັດທະນາທັກສະທາງດ້ານການຮຽນດີຂຶ້ນ, ຫັນມາສົນໃຈຕໍ່ບົດຮຽນມີຄວາມຮັບຜິດຊອບຫຼາຍຂຶ້ນ, ກ້າສະແດງຄວາມສາມາດ, ເຊິ່ງມັນສະແດງອອກໃນການອອກມາແກ້ເລກຢູ່ກະດານສາມາດເຮັດໄດ້ຖືກໆຜິດໆໂດຍໄດ້ຮັບການແນະນໍາຊ່ວຍເຫຼຶອຈາກຄູ-ອາຈານ ແລະ ໝູ່ເພື່ອນຮ່ວມຫ້ອງ ແຕ່ເຂົາເຈົ້າກໍມີລັກສະນະເຂີນອາຍ, ອອກອາການເລັກໝ້ອຍແຕ່ສາມາດເອົາຕົວລອດໄດ້.
2.4 ການສະທ້ອນຄືນຄັັ້ງທີ 1
ຜ່ານການປະຕິບັດ ແລະ ສັງເກດຄັ້ງທີ 1 ປະກົດເຫັນວ່າ ນັກຮຽນກຸ່ມກຸ່ມເປົ້າໝາຍຈໍານວນ 2 ຄົນ, ມີ 1 ຄົນ, ສາມາດແກ້ເລກຈຳນວນພື້ນຖານສິບໄດ້ ເຊິ່ງມັນສະແດງໃນການອອກມາແກ້ເລກຢູ່ກະດານ, ເຖິງວ່າ 1 ຄົນບໍ່ສາມາດແກ້ເລກຈຳນວນໃນພື້ນຖານໄດ້ກໍຈິງແຕ່ມັນສ່ອງແສງໃຫ້ເຫັນເຖິງການນຳໃຊ້ທິດສະດີການສອນທີ່ສອດຄ່ອງກັບຜູ່ຮຽນ ຫຼື ສອດຄ່ອງກັບຄວາມຕ້ອງການຂອງຜູ່ຮຽນເຊັ່ນວ່າ: ນັກຮຽນຍັງຕ້ອງການຄວາມຊ່ວຍເຫຼືອຈາກຄູ ແລະ ໜູ່ຄູ່ພາຍໃນຫ້ອງ, ການຈັດກິດຈະກໍາການຮຽນ-ການສອນທີ່ໃຫ້ນັກຮຽນຄິດຫາວິທີແກ້ບັນຫາດ້ວຍຕົນເອງໃນວິຊາຄະນິດສາດ ຫຼື ວິຊາອື່ນໆ ມັນແມ່ນສ້າງໃຫ້ນັກຮຽນມີຄວາມຮັບຮູ້ຄວາມສາມາດຂອງຕົນເອງ ເຖິງວ່າຈະຜິດ ຫຼື ຖືກ ກໍຍັງແມ່ນຄຸເປັນຜູ່ທີ່ໃຫ້ຄໍາປຶກສາແກ່ຜູ່ຮຽນ, ກິດຈະກຳທີ 1 ຈຶ່ງມີຄວາມເໝາະສົມສະເພາະນັກຮຽນເປັນຈຳນວນຫຼວງຫຼາຍ, ໃນຂະນະດຽວກັນນັ້ນ ມັນພັດບໍ່ສອງຄ່ອງກັບນັກຮຽນທີ່ມີຄວາມຮັບຮູ້ຊ້າ ໂດຍສະເພາະ ແມ່ນນັກຮຽນໃນກຸ່ມເປົ້າໝາຍທີ່ກ່າວມາຂ້າງເທິງນັ້ນ ເຊິ່ງບັນຫາແມ່ນ ຍັງບໍ່ຮູ້ການນຳໃຊ້ຄຸນລັກສະນະຂອງເລກຈຳນວນໃນພື້ນຖານຕ່າງໆ, ຈຳແນກຕົວເລກພື້ນຖານບໍ່ໄດ້, ສະນັ້ນ ຂ້າພະເຈົ້າຈິງວາງແຜນຄືນໃໝ່.
2.5 ການວາງແຜນຄັ້ງທີ 2
ໃນວັນທີ 2 / 11 / 2012 ຜູ່ວິໄຈໄດ້ນຳເອົາສິ່ງທີ່ຄົງຄ້າງໃນການປະຕິບັດຜ່ານມາເພື່ອມາປຶກສາຫາລືກັນກັບຄູ່ຮ່ວມງານເພື່ອມາປັບປຸງການວາງແຜນດັ່ງນີ້
- ຮ່ວມກັນແຕ່ງແລະປັບປຸງບົດສອນວິຊາຄະນິດສາດບົດທີ 8 ຈໍານວນໃນພື້ນຖານຕ່າງໆໃຫ້ສອດຄ່ອງກັບຜູ້ຮຽນໂດຍເນັ້ນໃສ່ນັກຮຽນກຸ່ມເປົ້າໝາຍໃຫ້ມີສ່ວນຮ່ວມໃນການປະຕິບັດກິດຈະກຳຫຼາຍຂຶ້ນ
- ໃກ້ຊິດ, ຊ່ວຍເຫຼືອ ແລະ ໃຫ້ກຳລັງໃຈໃນການຮຽນ
- ໃຫ້ນັກຮຽນທຳຄວາມເຂົ້າໃຈກ່ຽວກັບໃຈຄວາມໃນບົດຮຽນ, ໃຫ້ນັກຮຽນໄດ້ເຮັດດ້ວຍຕົນເອງຫຼາຍຂຶ້ນເພື່ອໃຫ້ສອດຄ່ອງກັບຜຸ່ຮຽນ.
- ຄູອະທິບາຍບົດຮຽນໃຫ້ຈະແຈ້ງ ຊັດເຈນ ແລະ ຍົກຕົວຢ່າງ ຫຼື ແກ້ໃຫ້ນັກຮຽນໄດ້ສັງເກດວິທີແກ້ຂອງຄູ 3-4 ຄັ້ງ
ຂ້າພະເຈົ້າຜູ້ວິໄຈ ແລະ ຄູ່ຮ່ວມງານວິໄຈໄດ້ວາງແຜນໄວ້ແລ້ວນຳໄປຈັດຕັ້ງປະຕິບັດ ເພື່ອໃຫ້ນັກຮຽນກຸ່ມເປົ້າໝາຍຈຳນວນ 2 ຄົນ, ມີການປ່ຽນແປງພຶດຕິກຳ ແລະ ຫັນມາສົນໃຈຕໍ່ການຮຽນ ໂດຍສະເພາະໃຫ້ນັກຮຽນອະທິບາຍວິທີີແກ້ກ່ຽວກັບເລກພື້ນຖານສິບ ເຊິ່ງມັນສະແດງອອກລາຍລະອຽດຢູ່ໃນຂັ້ນຕອນນຳໄປຈັດຕັ້ງປະຕິບັດຄື: ນັກຮຽນກຸ່ມເປົ້າໝາຍຈຳນວນ 2 ຄົນ ໄດ້ມີການປ່ຽນແປງພຶດຕິກໍາ
2.6 ປະຕິບັດ ແລະ ສັງເກດຄັ້ງທີ 2
ໃນຄັ້ງວັນທີ 6 / 11 / 2012 ສອນວິຊາຄະນິດສາດບົດທີ8 ( ຕໍ່)ຈໍານວນໃນພື້ນຖານຕ່າງໆອາຈານແກ້ວອຸດອນເປັນຜູ້ສອນຕົວຈິງຄູໄດ້ນໍາກິດຈະກໍາລະອຽດລຸ່ມນີ້:
ກິດຈະກໍາທີ 2
ຕົວຢ່າງ:
ທຽບເທົ່າກັບ10ໃນພື້ນຖານສອງ
ທຽບເທົ່າກັບ11ໃນພື້ນຖານສອງ
ທຽບເທົ່າກັບ11011 ໃນພື້ນຖານສອງ
ຈົ່ງຂຽນຈຳນວນໃນພື້ນຖານສິບລຸ່ມນີ້
- 8 b. 15 c. 21 d. 86 e. 1010 f. 10110
ຄູໄດ້ເປີດໂອກາດໃຫ້ນັກຮຽນຕອບ, ສ່ວນນັກຮຽນກຸ່ມເປົ້າໝາຍກໍໄດ້ອອກມາແກ້ເລກຢູ່ກະດານ ແລະ ເຂົາເຈົ້າກໍສາມາດແກ້ໄດ້ດ້ວຍຕົນເອງ ແລະ ເຫັນວ່າມີການພັດທະນາໃນທາງທີ່ດີຂຶ້ນຄູຍັງແນະນໍາໃຫ້ນັກຮຽນເກັ່ງຊ່ວຍເຫຼືອນັກຮຽນກຸ່ມເປົ້າໝາຍຂໍ້ທີ່ຍັງຄົງຄ້າງ ຫຼື ຈຸດທີ່ບໍ່ເຂົ້າໃຈ, ຄູໄດ້ແນະນໍານັກຮຽນທຸກຄົນເບິ່ງກະດານເບິ່ງການແກ້ຕົວຢ່າງຂອງຄູ 2-3 ຕົວຢ່າງຈາກນັ້ນ, ຄູໄດ້ບົ່ງຕົວນັກຮຽນກຸ່ມເປົ້າໝາຍອອກມາແກ້ເລກຢູ່ກະດານ, ຄູໄດ້ໃຫ້ແຮງຈູງໃຈກະຕຸກຊຸ້ກຍູ້ສົ່ງເສີມຢ່າງໃກ້ຊິດຕິດແທດໂດຍເນັ້ນໃສ່ນັກຮຽນກຸ່ມເປົ້າໝາຍເປັນພິເສດ.
ຜ່ານການນໍາເອົາແຜນໄປຈັດຕັ້ງປະຕິບັດໃນຫ້ອງມ 1 ໃນຄັ້ງນີ້ ເຫັນວ່ານັກຮຽນກຸ່ມເປົ້າໝາຍມີການພັດທະນາທັກສະທາງດ້ານການຮຽນດີຂຶ້ນ, ຫັນມາສົນໃຈຕໍ່ບົດຮຽນມີຄວາມຮັບຜິດຊອບຫຼາຍຂຶ້ນ, ກ້າສະແດງຄວາມສາມາດ, ເຊິ່ງມັນສະແດງອອກໃນການອອກມາແກ້ເລກຢູ່ກະດານສາມາດໄດ້ຖືກຕ້ອງ ແລະມີຄວາມຄ່ອງແຄ້ວຂຶ້ນກວ່າເດີມພາຍຫຼັງສຳເລັດການລາຍງານ, ຄູໃຫ້ນັກຮຽນກຸ່ມອື່ນຕິດຕາມຄຳຕອບທັງມີຄຳເຫັນຕໍ່ຄຳຕອບ. ຄູສະຫຼຸບບົດຮຽນຕອນທ້າຍຊົ່ວໂມງຄູໄດ້ວັດຜົນການຮຽນດ້ວຍການຕັ້ງບົດຮຽນໃສ່ກະດານໃຫ້ນັກຮຽນແກ້ ເພື່ອເອົາຄະແນນລາຍບຸກຄົນ. ທົດສອບ ( ເອົາຄະແນນບຸກຄົນ ).
2.7 ສະທ້ອນຄືນຄັ້ງທີ 2
ຜ່ານການປະຕິບັດ 2 ຊົ່ວໂມງຜ່ານໄປ ໄດ້ສັງເກດເຫັນວ່າ ຂ້າພະເຈົ້າໄດ້ໃຫ້ຄວາມໃກ້ຊິດ ແລະ ໃຫ້ກຳລັງ
ໃຈນັກຮຽນຈັດນັກຮຽນອອກເປັນກຸ່ມຍ່ອຍ ສະແດງໃຫ້ເຫັນຢ່າງຈະແຈ້ງວ່າ ນັກຮຽນຍັງມີຄວາມຕ້ອງການໃຫ້ກຳລັງໃຈການຊຸກຍູ້, ການແນະນໍາ ແລະ ການຮຽນຮ່ວມກັນຈະເຮັດໃຫ້ນັກຮຽນມີກຳລັງໃຈທີ່ຢາກຮຽນຫຼາຍຂຶ້ນ, ອີກປະການໜຶ່ງຜົນການປະເມີນການຮຽນກໍຍັງເຮັດໃຫ້ຮູ້ເຖິງວິທີສອນ-ການຮຽນຂອງຄູ ແລະ ນັກຮຽນ ສາມາດນຳມາພັດທະນາທາງດ້ານການຮຽນຮູ້ວິຊາຄະນິດສາດ ເຊິ່ງເຮັດໃຫ້ຜູ່ຮຽນມີຄວາມພາກພູມໃຈຕໍ່ຕົນເອງ, ກ້າຄິດ ກ້າສະແດງອອກຫຼາຍຂຶ້ນຜູ່ຮຽນເກີດມີຄວາມກະຕືລືລົ້ນຢາກຮຽນ ແລະ ມີທັດສະນະທີ່ດີຕໍ່ຜູ່ຮຽນວິຊາຄະນິດສາດ ຜົນການທົດລອງດັ່ງກ່າວສັງເກດເຫັນວ່ານັກຮຽນກຸ່ມເປົ້າໝາຍຈຳນວນ 2 ຄົນ, ສາມາດແກ້ເລກຈຳນວນໃນພື້ນຖານສິບໄດ້ .
ຜ່ານຈາກການປະຕິບັດ ແລະ ສັງເກດ 2 ຄັ້ງ ສະທ້ອນໃຫ້ເຫັນວ່າ: ນັກຮຽນເປົ້າໝາຍທັງ 2 ຄົນ, ສາມາດແກ້ເລກຈຳນວນພື້ນຖານສິບໄດ້, ການດຳເນີນການຮຽນ-ການສອນຂອງຄູ ແລະ ນັກຮຽນວິຊາຄະນິດສາດຢູ່ຫ້ອງ ມ1 ມັດທະຍົມຕົ້ນບ້ານຫຸນຄ່ອຍໆໄດ້ຮັບການພັດທະນາດີຂຶ້ນ, ນັກຮຽນສ່ວນຫຼາຍພາຍໃນຫ້ອງ ມ1 ໄດ້ມີສ່ວນຮ່ວມໃນການຮຽນຢ່າງງມ່ວນຊື່ນ ອັນເນື່ອງມາຈາກການວາງແຜນດຳເນີນການວິໄຈມີຄວາມຄ່ອງກັບສະພາບຈິງຂອງຫ້ອງຮຽນ ແລະ ການນຳໃຊ້ກິດຈະກໍາເໝາະສົມເຊັ່ນ: ກິດຈະກໍາຍ່ອຍ ເຊິ່ງເປັນກິດຈະກຳທີ່ຊ່ວຍໃຫ້ນັກຮຽນໄດ້ມີການສົນທະນາແລກປ່ຽນຄວາມຮູ້
3. ສະຫຼຸບ
ຜ່ານການປະຕິບັດວິໄຈພາກປະຕິບັດໃນຫົວຂໍ້ “ການປັບປຸງການແກ້ເລກຈໍານວນໃນພື້ນຖານສິບຂອງນັກຮຽນຫ້ອງມ1” ເປັນຜົນງານທີ່ໄດ້ບົ່ງບອກເຖິງຂະບວນການສຶກສາວິທີຮຽນ ແລະ ວິທີສອນວິຊາຄະນິດສາດ ເຊິ່ງ ຂະບວນການໃນການດໍາເນີນການວິໄຈແມ່ນປະຕິບັດຕາມຮອບວຽນການວິໄຈ . ສັງເກດເຫັນວ່າ: ນັກຮຽນໃນກຸ່ມເປົ້າໝາຍຫ້ອງມ1 ຈຳນວນ 2 ຄົນ, ຍິງ 0 ຄົນ, ໄດ້ມີການປ່ຽນແປງພຶດຕິກໍາ.
ສິ່ງທີ່ເປັນໜ້າປະທັບໃຈໃນການດໍາເນີນການວິໄຈຄັ້ງນີ້ແມ່ນນັກຮຽນທີ່ນອນໃນກຸ່ມເປົ້າໝາຍມີຄວາມສາມາດຮັບຮູ້ເຂົ້າໃຈໃນການຈັດຕັ້ງນຳພາເຮັດກິດຈະກຳຕ່າງໆນັ້ນກໍໝາຍຄວາມວ່າເຂົາເຈົ້າມີຄວາມພໍໃຈຕໍ່ການສອນ ຫຼື ເວົ້າອີກຢ່າງໜຶ່ງວ່າ ເຂົາເຈົ້າມີຄວາມພ້ອມທີ່ຈະຮຽນວິຊານີ້ໃນບົດຕໍ່ໄປໃຫ້ໄດ້ ສະແດງອອກຢ່າງຈະແຈ້ງທີ່ສຸດແມ່ນເຂົາມີຄວາມຫ້າວຫັນໃນການສົນທະນາ ແລະ ໃຊ້ພາສາທາງຄະນິດສາດໄດ້ດີ, ເຂົາເຈົ້າມີຄວາມສາມາດໃນການເຄື່ອນໄຫວ ແລະ ມີສ່ວນຮ່ວມໃນຫ້ອງກັບໝູ່ຄູ່, ມີຄວາມສະໜິດສະໝົມກັັບໜູ່ຄູ່ ແລະ ອາຈານໄດ້ໃນ ລະດັບດີ ພ້ອມດຽວກັນນັ້ນ ໜູ່ຄູ່ກໍໃຫ້ຄວາມອົບອຸ່ນຕອບຮັບໃນຄວາມບົກຜ່ອງຂອງເຂົາເຈົ້າໃນຜ່ານມາ ແລະ ພ້ອມແລ້ວທີ່ຈະໃຫ້ຄວາມຊ່ວຍເຫຼືອການຮຽນໃນຕໍ່ໄປອີກ.
ການຕອບຄໍາຖາມເພື່ອການວິໄຈ ກໍຄືການຊອກຫາວິທີແກ້ໄຂບັນຫາຂອງນັກຮຽນທີ່ແກ້ເລກຈໍານວນໃນພື້ນຖານບໍ່ໄດ້ທີ່ສາມາດແກ້ໄຂບັນຫາໄດ້ແມ່ນ “ ການສ້າງກິດຈະກໍາເພື່ອຝຶກທັກສະ“ ທີ່ໄດ້ປະຕິບັດໃນຄັ້ງທີ 1 ແລະ 2 ເຫັນວ່າມີຄວາມເໝາະສົມກັບເນື້ອໃນບົດຮຽນ ແລະ ຄວາມຕ້ອງການແຫ່ງການຮຽນຮູ້ຂອງຜູ່ຮຽນ ເພາະກິດຈະກຳທີ່ສ້າງຂຶ້ນໄດ້ລວມເອົາທັງແນວຄິດທາງຄະນິດສາດ, ການຄິດຄຳນວນ ແລະ ການສະຫຼຸບເປັນຫຼັກການທາງຄະນິດສາດ, ຜູ່ວິໄຈໄດ້ຮຽນຮູ້ວິທີສ້າງກິດຈະກຳທີ່ຫຼາກຫຼາຍສາມາດນຳໃຊ້ ຫຼັກເກນ ແລະ ຄຸນລັກສະນະຂອງເລກຈຳນວນພື້ນຖານຕ່າງໆຢ່າງສອດຄ່ອງຖືກຕ້ອງເຮັດໃຫ້ນັກຮຽນໃນຫ້ອງ ແລະ ນັກຮຽນກຸ່ມເປົ້າໝາຍ ມີຄວາມສາມາດຄິດຄຳນວນຖືກຕ້ອງທີ່ສຸດ ດັ່ງທ່ານ ທອງເຄນ ຄໍາສຸກຖາວົງ ແລະ ພິມມະສອນ ວໍລະຍຸດໄດ້ຂຽນການສ້າງກິດຈະກຳໃນການຝຶກທັກສະວ່າ: “ ເມື່ອນັກຮຽນໄດ້ຮຽນຮູ້ເນື້ອໃນໃໝ່, ຄົ້ນພົບຫຼັກການ ແລະ ວິທີການແລ້ວ ກໍຕ້ອງຝຶກການນໍາເອົາສິ່ງທີ່ຄົ້ນພົບ ຫຼື ການສະຫຼຸບໄດ້ນັ້ນໄປໃຊ້ໃຫ້ມີຄວາມຄ່ອງແຄ້ວ, ວ່ອງໄວ, ຖືກຕ້ອງ ແລະ ຊັດເຈນ ເພື່ອສ້າງໃຫ້ຜູ່ຮຽນມີຄວາມຈື່ຈຳໄດ້ດົນຂອງບັນດາຫຼັກການ, ວິທີ ການຄໍານວນໃຫ້ເກີດມີຄວາມໜັ້ນໃຈໃນການແກ້ບົດເລກ “
4. ຂໍ້ສະເໜີແນະ
4.1 ຂໍ້ສະເໜີແນະຜົນການວິໄຈ
ໂຮງຮຽນຄວນຈັດຕັ້ງເຜີຍແຜ່ຜົນການວິໄຈໃນຫ້ອງຮຽນເພື່ອນຳເອົາຜົນຂອງການວິໄຈໄປຈັດຕັ້ງປະຕິບັດໃນການຮຽນ-ການສອນໃຫ້ມີຄຸນະພາບດີຂຶ້ນ.
4.2 ຂໍ້ສະເໜີແນະໃນການວິໄຈຄັ້ງຕໍ່ໄປ
ຄູຄວນສືບຕໍ່ດຳເນີນການວິໄຈຊັ້ນອື່ນ ແລະ ວິຊາອື່ນພາຍໃນໂຮງຮຽນ
ความเห็น (0)
ไม่มีความเห็น