ປັບປຸງການບວກເລກມີຈື່ຂອງນັກຮຽນຫ້ອງ ປ 4

1. ບົດ​ນຳ

1.1 ຄວາມ​ເປັນ​ມາ​ ແລະ ຄວາມສຳຄັນຂອງ​ບັນ​ຫາ.

      ຄະນິດສາດຢູ່ຊັ້ນປະຖົມແມ່ນແນ່ໃສ່ພັດທະນາຄວາມສາມາດໃນການຄົ້ນຄິດ, ການຄໍານວນ, ຮູ້ໄຕ່ຕອງຫາເຫດຜົນສ້າງຄວາມຊິນເຄີຍໃນລະບຽບແບບແຜນທັງສາມາດສະແດງແນວຄິດ  ແລະ ພຶດຕິກຳຂອງຕົນອອກຢ່າງຊັດເຈນ. ທັງໝົດນີ້ແມ່ນເພື່ອໃຫ້ນັກຮຽນສາມາດນຳໃຊ້ເຄື່ອງມືໃນການຮຽນວິຊາອື່ນໆ ແລະ ໃນການດຳລົງຊີວິດປະຈຳວັນໃຫ້ມີຄຸນະພາບນອກຈາກນີ້ແລ້ວຄະນິດສາດຢູ່ຂັ້ນປະຖົມຍັງແນໃສ່ປູກຝັງ ແລະ ສົ່ງເສີມທັດສະນະຄະຕິທີ່ດີຕໍ່ຄະນິດສາດ. [1]

​​      ໂຮງຮຽນປະຖົມ​ສົມບູນ​ໄຊຊະນະ​ແມ່ນໂຮງຮຽນໜຶ່ງ​ທີ່​ຂຶ້ນ​ກັບ​ຫ້ອງ​ການ​ສຶກສາ​ທິການ ​ແລະ ​ກິລາ​ເມືອງ​ດາກ​ຈຶງເຊິ່ງ​ມີ​ຄວາມ​ຍາວ​ປະມານ 20 ກິ​ໂລ​ແມັດ,​ເປັນ​ໂຮງຮຽນຕັ້ງ​ທາງ​ທິດຕາ​ເວັນ​ຕົກ​ຂອງ​ບ້ານ, ​ຄູ​ອາຈານ​ທັງໝົດ 4 ຄົນ, ຍິງ 3 ຄົນ, ​ມີ 5 ຂັ້ນ​ຮຽນ​ແຕ່​ ປ 1- ປ 5. ຈໍານວນ​ນັກຮຽນທັງໝົດ 67 ຄົນ, ຍິງ 32 ຄົນ.

ສະພາບ​ການ​ຈັດການ​ຮຽນ-ການ​ສອນ​ທີ່​ຜ່ານ​ມາ​ໃນ​ໂຮ​ງຮຽນປະ​ຖົມ​ໄຊຊະນະ​ແມ່ນ​ໄດ້​​ເອົາ​ຄູ​ເປັນ​ໃຈກາງ​ອັນ​ເນື່ອງ​ມາ​ຈາກ​ວ່າ​ອຸປະກອນ​ການ​ຮັບ​ໃຊ້​ໃນ​ການ​ຮຽນ-ການ​ສອນ​ບໍ່ພຽງພໍ​ກັບ​ຈຳນວນ​ນັກຮຽນ​ເຊັ່ນ: ປຶ້ມ​ຕຳລາ, ປຶ້ມ​ຄູ່​ມື​ຄູຊຶ່ງ​ມີ​ຄວາມ​ຫຍຸ້ງຍາກ​ໃນ​ການ​ຮຽນ-ການ​ສອນ​ໂດຍ​ສະ​ເພາະ​ແມ່ນ​ວິຊາ​ຄະນິດສາດ​ຊຶ່ງ​ເປັນວິຊາ​ສຳຄັນຫຼາຍ​ໃນ​ຊີວິດ​ປະຈຳ​ວັນ ​ແລະ ​ເວລາ​ດຳ​​ເນີນ​ການ​ຮຽນ-ການ​ສອນ​ໄດ້​ນຳໃຊ້ຫຼັກການ​ສອນ​ແບບ​ດາວ 5​ແຈ​ເຊັ່ນ: ການ​ໃຊ້​ຄຳ​ຖາມ​, ການ​ຈັດ​ກິດຈະກຳ, ການ​ຈັດ​ກຸ່ມ, ການ​ສອນ​ທີ່​ຕິດ​ພັນ​ກັບ​ຊີວິດ​ປະຈຳ​ວັນ​ ແລະ ​ການ​ນຳ​ໃຊ້ອຸປະກອນ​ທັງໝົດທີ່ກ່າ​ວມາ​ຂ້າງ​ເທິງ​ນີ້​ເຫັນ​ວ່າ​ມີ​ຄວາມ​ຈຳ​ເປັນ ​ແລະ ​ສຳຄັນ​ໃນ​ການສອນວິຊາ​ຄະນິດສາດ​ໂດຍ​ສະ​ເພາະ​ກໍ່​ແມ່ນ​ການ​ບວກ​ເລກມີ​ຈື່ເພາະ​ການ​ບວກ​ເລກ​ເປັນ​ການ​ນຳ​ໃຊ້​ໃນ​ຊີວິດ​ປະຈຳ​ວັນ.

​      ຫ້ອງ ​ປ 4​ເຊິ່ງມີ​ຈຳນວນ​ນັກຮຽນທັງໝົດ 17 ຄົນ, ຍິງ 6 ຄົນ, ​ແມ່ນ​ໄດ້​ພົບ​ເຫັນ​ບັນຫາຫຼາຍຢ່າ​ງ​ເຊັ່ນ:

1.    ນັກຮຽນບໍ່ມັກ​ສົນ​ໃຈ​ຕໍ່ການ​ຮຽນ

2.   ນັກຮຽນວົນ​ແຊວ​ໃນ​ຫ້ອງ​ເວລາ​ຄູ​ສອນ​

3.   ນັກຮຽນມີທັກສະການຄິດຄຳນວນໃນຂັ້ນພື້ນຖານທີ່ບໍ່ຖືກຕ້ອງ

4.   ນັກຮຽນ​ແກ້​ເລກ​ບວກ​ມີ​ຈື່​ບໍ່ໄດ້

5.   ​ນັກຮຽນບໍ່ຕອບ​ຄຳຖາມ​ຂອງ​ຄູ ​ແລະ ​ນັກຮຽນບໍ່ຕັ້ງ​ໃຈບໍ່​ໄດ້​ຮ່ວມກິດຈະ​ກຳ​ນຳໝູ່

       ຈາກສາຍເຫດທີ່ກ່າວມາຂ້າງເທິງນີ້ ເຮັດໃຫ້ພັດທະນາການໃນການຮຽນຄະນິດສາດຂອງນັກຮຽນບໍ່ດີເທົ່າທີ່ຄວນ ດັ່ງນັ້ນ ຜູ່ວິໄຈຈິ່ງຄິດຫາແນວທາງແກ້ໄຂບັນຫາດັ່ງກ່າວ ເຊິ່ງຈາກການຈັດການຮຽນ-ການສອນແລ້ວພົບວ່າ: ທັກສະຄິດຄຳນວນຂອງນັກຮຽນຊັ້ນປະຖົມສຶກສາຫ້ອງ ປ 4 ຈໍານວນ 2 ຄົນ, ຍັງມີຂໍ້ບົກພ່ອງຢູ່ຫຼາຍ ຜູ່ວິໄຈຈິ່ງມີແນວຄິດທີ່ຈະພັດທະນາທັກສະການຄິດຄໍານວນຂອງນັກຮຽນກຸ່ມນີ້ເພື່ອເປັນແນວທາງໃນການແກ້ບັນຫາ.

1.2 ຈຸດປະ​ສົງ

     - ​ເພື່ອ​ໃຫ້​ນັກຮຽນກຸ່ມ​ເປົ້າໝາຍສາມາດ​ບວກ​ເລກມີ​ຈື່​​ໄດ້.

     - ເພື່ອ​ໃຫ້ການ​ຈັດ​ກິດຈະກຳ​ການ​ຮຽນ-ການສອນຂອງ​ການ​ບວກ​ເລກ​ມີ​ຈື່ໃຫ້​ດີ

["พี่หนาน"]

อาจารย์จันครับ ตัวนี้  "ເລກມີຈື່"   อ่านและหมายความว่าอย่างไร