มาเด้อมากินเข่านำกัน

กินข้าวแลงกับหยังหล่า ขอผญาถามข่าว ต้มปลาดุกค่อค้าว หรือขาวกั้งกะเดิดเข็ง หรือแม่นลาบหมู่เก้ง มวลหมู่หมูเหน อ่อมกระเต็นกระแตหาง บ่อนทางอีสานเค้า มีอาหารกับเข่า พอบรรเทาอีหยังแหน่ อ้ายหอดหิวคักแท้ จั่งมาเว้ากล่าวถาม แท้นา

มื้อนี่ แนวกินมีซุบหน่อไม่ ป่นปลาเข็ง ปลาทอด(จากน้ำมันบักกอก)

ผักกาดฮิน ของหวาน บักเขียบสุก มาซุมกินเข่านำกัน กับครูติ่ง ครูแขก

ครูอิ๋ว แซบคัก ...ครูติ่งจ่มว่าปวดขา กินซุบหน่อไม่บ่ได้ ครูมุกกะเลยบอกว่า

กินโลดบ่เป็นหยังดอก ขั่นเฮาเฮ็ดใส่ใบยานางอยู่ ใบยานางสิส่อยต้านกรดยูลิก

ในหน่อไม่ได้ (ภูมิปัญญาชาวบ้าน) ผักกาดฮีนกะคือกัน ครูมุกล้างแล้วเอามาแซน้ำ

ทับทิม(เจือจาง) 15 นาที กินแบบซำบายใจโลด บักเขียบกะเก็บมาจากสวน

หลังบ้าน รับรองบ่มีสารพิษ ...ว่าแล้วกะลุยตั้วเฮา...แซบคักมื่อนี่

...แต่ว่าเข่าเหนียว อย่ากินหลายเด้อ เบาหวานถามหาเด้....แฮ่ๆ

ผักกาดฮิน ป่นปลาเข็ง ซุบหน่อไม่ ปลาทอดอนามัย บักเขียบสุก

ฝากผญา จัก กลอนแน่เด้อ สิได้เข่าบรรยากาศ เนาะ

กินเข่ากับหยังหล่า

กินข้าวแลงกับหยังหล่า ขอผญาถามข่าว
ต้มปลาดุกค่อค้าว หรือขาวกั้งกะเดิดเข็ง
หรือแม่นลาบหมู่เก้ง มวลหมู่หมูเหน
อ่อมกระเต็นกระแตหาง บ่อนทางอีสานเค้า
มีอาหารกับเข่า พอบรรเทาอีหยังแหน่
อ้ายหอดหิวคักแท้ จั่งมาเว้ากล่าวถาม แท้นา

จาก ศรีสะท้าน นักปราชญ์เมืองอีสาน ศิลปินนักแต่ง ผญา

เขียนใน GotoKnow โดย ครูมุก
ใน บ้านเฮา...เก่าก่อนมา

คำสำคัญ (Tags): #อาหารพื้นบ้านอีสาน

หมายเลขบันทึก: 547793เขียนเมื่อ 9 กันยายน 2013 21:10 น. ()แก้ไขเมื่อ 9 กันยายน 2013 22:06 น. ()สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-ไม่ดัดแปลงจำนวนที่อ่าน