หมวด ค 3

หน้า 13

 

 

 

คันได้ฟังธรรมแล้ว           บ่ทำตามก็ไร้ค่า

เหมือนมียา ถ้าบ่กินใส่ท้อง โรคาไข้ก็บ่หาย

คอยแต่บุญมาค้ำ              บ่ทำเอาก็บ่แม่น

แสนสิทุกข์ยากเยื้อน        เพียรท้อนหากสิมี

คันเจ้าได้ไถแล้ว               อย่าลืมควายกับแอก

ถืกท่าเข้าบาดพร้อม         ยังสิโอ้อ่าวหา

คันว่าใจประสงค์แล้ว        กลางดงก็ว่าท่ง

คันว่าใจขี้คร้าน                กลางบ้านก็ว่าดง

คึดไปหลายนับมื้อหยุ้ง     มุงมาคือฮากไผ่

คิดไปหลายบ่อยากพ้อ     พอแล้วบ่อยากเห็น

คันสิขายเข้าให้                ถามนอสาก่อน

หากว่านอบ่พร้อม            สิแพงไว้อุ่นถง