คันได้กินปลาแล้ว อย่าลืมปูปะป่อย ลางเทื่อปลาขาดข้อน ยังสิได้ป่นปู คันเจ้าได้ขี่ซ้าง กั้งฮ่มเป็นพระยา อย่าได้ลืมเสนา ผู้แฮ่นำตีนซ้าง คันเจ้าได้แหแล้ว อย่าลืมซิงหางกระต่าย คันเจ้าได้ข่ายแล้ว อย่าลืมแฮ้วนกไก่นา คันได้ยินคำเว้า ขมในๆ อย่าฟ้าวจ่ม ลางเทือขมขี้เพี้ย เมือหน้าหากสิดี คันได้กินลาบก้อย อย่าลืมแจ่วแพวผัก คันได้กินพาเงินพาคำ ก็อย่าลืมกะเบียนฮ้าง คันว่าใจประสงค์สร้าง ทุงไซไว้ให้อาด ดีแต่คันหากสั้น แขวนไว้ก็บ่ปลิว
