ค่าว บ่มีหมวดหมู่
26 มีนาคม 2554
แต่งโต้ตอบกับเจ้าหมู่ บ่มีตี่ลงเลยเอามาไว้นี้
บ่าอ้ายคนนี้ อู้ดีเข้าตั๋ว เอาเรื่องครอบครัว คนอื่นมาเล่น
กิ๋นกั๋นจาดหลาย นายยังบ่เน้น ไฉนตื่นเต้น เรื่องนี้
แผ่นดินมันไหว ต้องได้หลบลี้ กลั๋วต๋ายเป๋นหนี้ ละเมีย
บ่าวเฒ่าสูนะ ขะใจ๋มีเหีย บ่ตันมีเมีย จะต๋ายเหียเฒ่า
---------
โบราณว่าไว้ ใค่อยู่สุขี อยู่คนเดียวดี บ่มีห่วงต้อง
สองคนบ่สุข แต่สนุกก้อง เลือกเอาสองกอง แห่งนี้
ผมบ่ว่าไผ ต๋ามใจ๋จ่องจี้ ต๋ามกรรมก่อนกี้ มีมา
ผมกับเมียนี้ อยู่ดีแล้วหนา แต่ก่ายแต๊นา เขาหาแซวเล่น
-----------
มีเรื่องอู้ย้อน ต๋อนแผ่นดินไหว โทรศัพท์เมืองไทย ใจ๊ก๋านบ่ได้
ยามเมื่อสับสน คนตึงเหนือใต้ ติดต่อคนใด บ่พบ
แม้แต่ทีวี บ่มีน่าคบ บ่พบข่าวแจ้ง กำใด
ยามเมื่อฮ้อนฮ้าย บ่ใจ่โทษไผ ระบบของไทย เตือนภัยบ่กุ้ม
------------
ถ้าว่างเว้นแล้ว จะไปแอ่วหา จะเอาสุรา ไปฝากสักหน้อย
จะเอาผสม กำลมค่าวส้อย กะโลงฮอมปอย มิ่งมิตร
จะพกแว่นหวี ดูดีสักนิด เผื่อติดออกกล้อง ทีวี
หากว่าไปจ้า จะไปว่าหนี เหตุขัดข้องมี ตี่ด่านตรวจเหล้า
ความเห็น (0)
ไม่มีความเห็น