ตำราการดูหญิงตามปราชญ์อีสาน....สืบทอดตำนานพื้นเมือง ตอนที่ ๑

ตำราการดูหญิงตามปราชญ์อีสาน....สืบทอดตำนานพื้นเมือง

                                                                                                                                                โดย  ศุภฤกษ์  ภมรรัตนปัญญา

                ตำราใบลานผูกที่ ๑๗ ที่ข้าพเจ้าได้มาจากผู้เฒ่าที่อำเภอ วานรนิวาร จังหวัดสกลนคร ได้บรรยายถึงลักษณะที่ควรจะนำมาเป็นคู๋ครอง นับว่าเป็นศาสตร์ที่ควรจะสืบสานต่อให้ลูกหลานได้ทราบถึงหลักการดูหญิงเพื่อที่จะนำมาเป็นคู๋ชีวิต  เป็นแม่ศรีเรือนที่ควรคู่กับการครอบครอง โดยท่านได้ระบุหลักการดูหญิงไว้ในตำราใบลานดังต่อไปนี้

-                   หญิงใตโยนีส้วย คือปลีกล้วยตีบ ญิงนั้น  สุขยิ่งล้นคำไฮ้บ่มี แท้แหล่ว  ก็หากสัตว์ซื่อแท้ ตั้งต่อผัวตนจักเทียระฆาคงอยู๋ยืนเถิงเฒ่านั้นแหล่ว

-                   ญิงใด นมสี่เต้า เชื่อชาตินามหมา มันนั้นใจพาโลหนัก ถ่อยคนควรเว้น แม่นจักทำการสร้างอันใดบ่มีฮุ่งฮืองแหล่ว  เลี้ยงลูกเต้า สอนได้กะบ่ฟัง

-                   ญิงใจ ขี้แมงวันจับอยู๋ ฮิมปากข้างซ้าย ญิงนั้นสมบัติหลาย บุญหากมีเหลือล้น ผู้ใดโอบเอาได้ เป็นเมียแสนประเสริฐ ญิงนั้น ตั่งว่าฮักซื่อแท้ ตั้งต่อผัวตน  ยู๋ถางเทียระฆาคงต่อถองเถิ่งเฒ่า

-                   ญิงใด เบะเหยะหน้า สมปานฮ้องไห้อยู่ ญิงนั้น ตั้งถ่อยฮ้าย ใจซ่ำบ่ดี แท้แหล่ว ใผผู้โอบเอาได้ เป็นเมียสอนยากจริงแหล่ว ดีท่อเฮ็ดหยืบหยึ้ง ความฮู้ก็บ่มี

-                   ญิงใด  ปากกล่าวต้าน ขังอยู๋ในดัง ใผได้เอาเมีย บ่ดีพ่อฮ้าย แม้นว่าโฉมงามเพี้ยง สาวสวรรค์ปุนเปรียบก็ดีถ้วน มันนั้นใจเลวทราม อย่าได้เอาเที่ยมซ้อน

-                   ญิงใต แขนกลมส้วย ขาวงามผิวอ่องใผได้เข้าอยู่ซ้อน ปานกั่งฮ่มเขียว

-                   ญิงใด นิ้วมือปมข้อ กางกลมกกกิ่ว ญิงนั้น ทุกข์บ่มั่ว ถือหม้อเที่ยวขอ

-                   ญิงใด คอกลมป้อง เอวกลมเอิกใหญ่ ญิงนั้นมีลูกเต้า เหลือล้นมากมูล

-                   ญิงใด เสียงใสเกลี้ยง เว้าม่วนแกมหัว ยามเมื่อไขว่าจา ท่าทางคือยิ้ม ญิงนั้น คำไฮ้บ่มี ควรเอานางมาซ้อนเป็นมิ่งเมียขวัญ  บุญนางมีหลาย จักบ่เคือง ความฮ้อนแท้แหล่ว

-                   ญิงใด เสียงม่วนแม้ง คอกลมคิ้วก่อง ปลีน่องส่วยงามล้วนผิวผมดำเลื่อม ใสงามปีกแมงภู่ บ่ได้ดัดบ่ได้ย้อมงามพร้อมอยู๋เลิง ญิงนั้นควรค่าล้านคำเข้มคำแสน ใผคิดไคร่ได้เป็นมิ่งเมียแก้ว ควรให้รีบเอามาเทียม ค่ำคูณดีแท้

-                   ญิงใด ตีนมือส่วย ขาวเหลือก่ำเกิง ญิงนั้นใจต่อตั่งการเหย้าแม่เฮือน เจ้าเอย

-                   ญิงใด ผมดำเลือม เป็นเงางามยิ่ง ไผได้เป็นอยู่ซ้อนเป็นเจ้าเศรษฐี

-                   ญิงใด คอยาวส่วยตะโบกนางยานหย่อน ญิงนั้นมีทุกข์ฮ้อน ความฮ้ายแล่นเลิง

-                   ญิงใด ริมฝีปาก ยาวยื่นออกมา แต่หันตาฟันนั้น ถี่สิ้น  ญิงนั้นอายุมั่นยืนยาวเทียรยิ่ง จวบฮวดฮ้าย จึ่งสิม้วยชีวัง

-                   ญิงใด บาทาเท้ายาวไปดูแปลก ญิงนั้นในโลกเลี้ยวมีชู้จากผัว

 

....................................................................................................................

ติดตามต่อตอนที่ ๒