เพื่อนพี่แพงน้อง เมืองสรองนคร๋า ฮูปงามโสภา งามต๋าบ่หน้อย
ได้ยินกำจ๋า ว่าพระลอสร้อย แห่งแมนสรวงจอย สง้า
กึ๊ดอยากไค่หัน เติงตันบ่จ๊า สมิงพรายกล้า ทำคม
ส่งคนซอจ๊อย ป่าวถ้อยจึ่งสม พระลอนิยม หลงคมลมอ้าง
จึ่งกลอุบาย เข้าไพรป่ากว้าง เปื้อหวังปะนาง สองไท้
มีไก่ตั๋วงาม นำตางองค์ไท้ ลุเข้าเถิงได้ อุทยาน
ตึงสามองค์ไท้ ต่างได้ขับขาน จึ่งสองนงคราญ ฮักท่านลอเจ้า
เจ้าย่าแค้นใจ๋ ในก๋ารณ์ก่อนเหง้า ตี้เกยฮบเอา ไพร่ฟ้า
จึ่งอ้างโองก๋าร สังหารอย่าจ๊า เหล่าต๊ะหารกล้า โรมรัน
เพื่อนแพงสองไท้ ตกใจ๋เมื่อหัน เอาองค์เข้าบัน กั๋นพระลอเจ้า
ร้อยดอกธนู พรั่งพรูสู่เป้า สามองค์ปล๋งเนา มรณะ
เหลือเป๋นต๋ำนาน เล่าขานวาต๊ะ เพื่อนแพงแลพระ ลอองค์
สังก๋าแต๊ตั๊ก ความฮักกความหลง ญะหื้อสามองค์ ปล๋งจีวาจ้อย.
ค่าวพระลอม่วนแต๊ๆเจ้า
ผมภูมิใจมากที่เกิดมามีแม่เป็นคนแพร่และพ่อคนสตูลได่รู้อะไรหลากหลายเท่านี่ก็กำไรชีวิตแล้วคับ By..nitro คับ
ขอบคุณมากครับผม วรรณคดีไทยน่าประทับใจจริงๆครับ