ฮัก


ฮักอั่งเอ้าเอาใจใส่จนเต็มทีบ่มีหนีหนหายห่างไกลพอน่อยคอยแต่ทางสิไปพ้อรอเพียงใจได้จดจ่อ

ยามพอใจหลายป้ออยากรอไปฮอดซาติอื่นยามใจฝืนพออยากลี่หน่ายหนีหนี้โพดกว่าตาย คือกันกับฮักใคร่เวลาฮักบ่จั๊กหยังเวลาซังพออยากมุดแผ่นหินหนีจ้อยฯ

คอยเวลาบุญค้ำยามใดบ่ฮู้ดอกนอกจากกรรมไล่จ้อพอแล่วฮักจังฯ

ฮักเทื่อครั้งเกิดจากอารมณ์เป็น ตาแนมเห็นใจคึดฮอดอีหยังบ่ฟังแล้ว

แนวสายตาแนมพ้อสิรอหาย้านบ้าก่อน ควมสะออนอั่งเอ้าเอาหยังกั้นบ่คึดฟังฯ

ยามฮักจังเจอเจ้าอยากเอามาซ่อนเสียงเบิ่งเพียงเดียงโดดแล่วแนวใจอ้อนอิ่มสมองฯ

ลองหัวใจได้ต่อตั้งอย่าหวังหว่าสิหันหาย หนหวยใจสิทนทุกข์อั่งอุกบ่ยอมท้อฯ

ขอแต่ในใจเจ้าอย่าเอาไผใจกอดก่อ ขอให้มั่นฮักอ้ายเถิงตายแล่วจอดกัน ฮักฮ้อยซั้นผูกสวาทสุดใจไผสิหันคำหายอย่าก่ายใจให้ไผง้อ

รอฮักเฮาสิวางว่าตกวาจาตั้งต่อ

ขอตะเกี่ยวกอดไว้สองใจก้อฮักเดีย

ผูกสมัครบ่เบี้ยวเกี้ยวก่ายบ่หมายหนี.

มีเพียงเฮาสองคนสิบ่สนมายม้างฯขอหนทางใจกว้างแนวขวางส่อยอ้ายเขี่ยเหลือแต่แก่นฮักแท้แวไว้ใส่ใจ ออมฮักไว้ถงใส่แพงจิตพินิจแฮงแพงฮักมักกันพันแน่น เป็นแฟนใจเหนียวแน่แฟร์จริงสิ่งพันผูกสุขทุกข์สรรใส่ไว้สองใจก้อเกี่ยวกระสันต์

ฮักจั่งได้ด้ันด้นทนยากในสมอง ตรองอีหยังขังใจหน่ายบ่เซาเอาเจ้าสิหว่าเขลาเงาโง่พาโลกะโสหย่อน. ย้อนยังขังฮักเจ้าเอามาห้อยใส่ใจ

ฮักมีแต่อยากได้เอาใจใส่บ่วางวา อยากเอาตาสองทางอยู่กลางใจน้อง สมองเต็มบ่มีว่างวางหัวใจไว้ทุกแห่ง แพงนางไว้ทุกที่มีน้องผู้เดียว ใจบ่มีลดเลี้ยวเทียวย่างแต่ทางเคยสิบ่เลยลาใจห่างไกลพอลี้ มีเวลากับเจ้าเอาสมองสอดส่องเกี่ยวข้องใจทุกที่มีน้องอยู่ครอง

อ้ายฮักน้องแบบถืกต้องเอาตามฮีตควมดี เอาศักดิ์ศรีควมงามพ่อแม่เฮาวางว่า เอาวาจาสัจจั้งฟังคำผู้เฒ่าว่า ฮักษาคำพ่อแม่แต้มแนมไว่ได้เฮ็ดตาม

ฮักบ่ห้ามหากนางเลือกคนมึ คนดีนางพอใจถืกแนวทางที่ แฟนมีทองกองไว้เฮียงคิงถังใหญ่ อ้ายห่างนางกะได้ขอเธอพ้อเผิ่นผู้ดี

ฮักสิดีกับอ้ายขอเพียงใจนางเที่ยงขออย่าเอียงเี่ยงซ้ายหรือหมายซ้อนผู้ขวา ฮักบ่มั่วมั่นเที่ยงเพียงเฮา เอาหัวใจมามัดรัดเรียงเฮียงฮ้อย ฮักจริงใจเต็มร้อยเอาคำแพงผูกตื่ม ดื่มดำ่คำฮักแท้บ่แวเลี้ยวเกี่ยวผู้ใดฯ

ฮักเวียนใจบ่มีเอื้อนเพียรลืมบ่มีหล่าย ฮักคาใจบ่แล่วแนวนี่มนุษย์เต็ม



ความเห็น (1)

ฝากไว้อ่านยามว่างครับ

พบปัญหาการใช้งานกรุณาแจ้ง LINE ID @gotoknow
ขอแนะนำ ClassStart
ระบบจัดการการเรียนการสอนผ่านอินเทอร์เน็ต
ทั้งเว็บทั้งแอปใช้งานฟรี