ค่าว..บ่ดีฟังคำเมื่อ บ่ดีเชื่อคำผี
บ่ดีฟังกำเมื่อ บ่ดีเจื่อกำผี (อย่าเชื่อคำทำนายทายทัก อย่าปักเชื่อคำอ้างว่าผี)
บ่..ควรหูเบา เอาคำท้วงทัก ไม้ควรมีหลัก ปักลงดินฝัง
ดี...ต่ำร้อนร้าย เป็นอนิจจั๋ง มันบ่จีรัง ตั้งมั่นเที่ยงได้
ฟัง...หูไว้หู เลือกดูเหนือใต้ บ่ดีหลงไป เชื่อนัก
กำ....ร้ายกำงาม หมอเมื่อท้วงทัก ทำนายเดาเล่น มากมี
เมื่อ...หมอโหรนั้น มันมีหลายสี รู้แต๊รู้ดี บ่อาจรู้ได้
บ่...ควรถือกำ เชื่อถือเข้าใกล้ กลัวจักเป็นภัย ความคิด
ดี...ว่าบ่ดี จักกลายเป็นพิษ หื้อจิตใจ๋เจ้า ขุ่นมัว
เจื่อ...ถือไปนัก จักกล๋ายเป๋นกลั๋ว กล๋ายเป็นดอกบัว อยู่พื้นดินด้าน
กำ...ปากของคน อ้างผีเทพต้าน อาชีพสร้างงาน เขานั้น
ผี...อยู่ของผี คนอ้างกำนั้น มาขู่หื้อเจ้า กลั๋วดาย.....อย่าได้เชื่อแต๊บ่แน่สักรายแลนายเหยฯ
14 ม.ค.59
หมายเลขบันทึก: 599513เขียนเมื่อ 14 มกราคม 2016 10:37 น. ()แก้ไขเมื่อ 14 มกราคม 2016 10:37 น. () สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-ไม่ดัดแปลงจำนวนที่อ่านจำนวนที่อ่าน:
ความเห็น (0)
ไม่มีความเห็น