"เกิดมาจากบ่อนใด๋ ก็เป็นคนของบ่อนหั้น"
เกิดจากบ่อนใดแล้ว
อย่าถิ่มแนวตนโต
โสแสดงศักดิ์ศรี
มีมูลมังสังเซื้อ
คันเจ้าเครืออีสานล้วน
คงคองควรสมส่วน
ส่งเสริมต่อเติมแต้ม
อย่าแนมได้ว่า"ซัง"
เจ้าเป็นคนของบ่อนหั้น
ให่หันส่องมองไส
ในจิตใจมโนหมาย
คอยอยากคืนตายบ้าน
เฮ็ดเวียกการงานสร้าง
ทางได๋อย่าลืมเหล่า
หมากินข้าวเฮือนหลายเจ้า
โคตรเหง่าเล่าอยากอาย
ฝั่งเวียง 4 กันยายน 2556
ชอบค่ะ...แต่อ่านยาก...เข้าใจยากนะคะ
เกิดไหน โยหนั้น ใช่มั้ยท่านโสมฯ ควรภาคภูมิใจในโคตเหง้าศักราช บรรพบุรุษ และพรรพสตรี
แสดงความเป็นศักดิ์ศรีเชื้อชาติ อย่าลืมกำพืด
ฝังรกไหนหลบไปตายหนั้น
อย่าทำตัวเป็นหมาหลายราง......แม่นบ่(หมันม้าย)
ผมก็ลูกอีสาน ครับ
มาอยู่กรุงเทพโดน กะบ่ลืมบ้านเก่า เด้อ...
มองหลายมุมคึดหลายแบบครับ
กลอนเนื้อหามีหนักมีเบาตามสมมาพาควร
กลอนนี้ ซื่อว่า กลอนผญา ผญาคือปรัชญา คำสอน ข้อคิดครับ
ถ้าแม่นเป็นลูกอีสานจะอ่านเข้าใจดี แต่คันพื้นเพเป็นพี่น้องไทเมืองล่าง ก็สิอ่านเข้าใจยากแด่
ขอบคุณคำติซมข้าน้อย....
คันได้กินลาบก้อย อย่าลืมแจ่วแพวผัก
คันได้กินพาเงินพาคำ อย่าสุลืมกะเบียนฮ่าง