ผญา
ภาษาอีสาน..บ้านเฮา คำเว้าที่น่าฮัก อนุรักษ์ฮ่วมไว้..พอได้เอิ้นถาม..ซั้นแหล้ว
ผญา : มูลมังอีสานโดยแท้
รวบรวมโดย บ่าวคำสิงห์
เรียบเรียง โดย ข้าวก้นบาตร (ก.กตัญญู)
"พี่น้องเอย เพิ่นว่าเมืองอีสานนี่ดินดำน้ำซุ่ม
ปลากุ่มบ้อนคือแข้แกว่งหาง
ปลานางบ้อนคือขางฟ้าลั่น
จั๊กจั่นฮ้องคือฆ้องลั่นยาม
คนมีศีล ดินมีน้ำ บ่ห่อนขาดเขินบก
ฝูงหมู่สกุณานก บินซวนซมปลายไม้
ไทเมืองไกล เมืองใกล้ ไปมาได้จอดแว้
น้ำใจหลายดีแท้น้อ หมู่เฮาซาวอีสาน ซั่นแล้ว"
๐ คันเจ้าได้ขี่ซ่าง อย่าลืมหมู่หมูหมา
ห่าขโมยมาลัก สิเห่าหอนให้มันย่าน
ลางเทือกวงฟานเต้น นำดงสิได้ไล่
ลางเทือได้ต่อนสิ้น ยังสิได้อ่าวคุณ...อยู่เด้ ๐
๐ พี่น้องเอ้ย เพิ่นว่าชมรมฯอีสานจุฬาฯเฮานี่ มีดีอยู่หลายอย่าง
อยากให้ซ่อยฮักษาไว้ อย่าไลถิ่มเปล่าดาย
คั่นสิพากันสร้าง แปงทางให้มันเกี้ยง
อันว่าเรื่องปากเสียง ให้อดสาเก็บไว้
ไม้ลำเดียวอ้อมฮั่วบ่อยู่ ไหมหลายไจดึงซ้างจังสิคือ แท้นอ
ขอให้ฮักกันไว้ คือข้าวเหนียวนึ่งใหม่
อย่าสิไรซังกัน คือเข้าเหนียวถูกน้ำ
ไผว่าชมรมฯอีสานจุฬาฯสิฮ้าง ให้จูงแขนพามาเบิ่ง
คนยังแตกจ้นจ้น มันสิฮ้างแมนบ่อนได๋ นั่นแหลว ๐
๐ เซื้อซาติแฮ้งอย่าเหม็นสาบกุยกัน
เกิดเป็นคนอีสานให้ฮักแพงกันไว้
ไผเฮ็ดดีให้ซอยยู้ ซอยซูอย่าหย่านลืน
ไผเฮ็ดผิดให้ซอยเว้า ไขแก้ดอกซอยกัน ๐
๐ ผมบ่มีหวีป้องสิเป็นฮังนกจอก
มีปากคันบ่มีแข้วพร้อมคางสิว้ำใส่ดัง
แนววังคันบ่มีขอนขวงซาวแหเขาสิหว่าน
มีเฮือนคันบ่มีพ่อเย้าโจรสิเข้าลักของ
มีกลองคันบ่มีหนังหุ้มสิเป็นฮางผักบั่ว
มีหัวคันว่าผมบ่พร้อมเขาสิเอิ้นเดิ่นเหา
มีเกวียนคันบ่มีงัวพร้อมสิเอาหยังมาแก่
เกวียนคันบ่มีไม้ค้ำหัวสิง้ำใส่ดิน ๐
หมายเลขบันทึก: 496762เขียนเมื่อ 31 กรกฎาคม 2012 15:49 น. ()แก้ไขเมื่อ 9 สิงหาคม 2012 19:47 น. () สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-อนุญาตแบบเดียวกันจำนวนที่อ่านจำนวนที่อ่าน:
ความเห็น (7)
ขอมอบสิ่งนี้ให้กับครูบา-อาจารย์ทุกท่านที่ต้องเรียนรู้วัฒนธรรม-ภาษาอิสานนะครับผม
- โอโหยาวมากๆๆ
- มารออ่านอีกครับ
- เข้าระบบ
- จัดอักษรใหม่นะครับ
- พยายามให้ตัวใหญ่กว่านี้นะครับ
ตาลายค่ะ อ่านไม่จบค่ะ เรียนภาษาอีสานสนุกดีค่ะ
ครับผมรับทราบและขอบคุณในข้อชี้แนะครับ ทีแรกผมว่าจะทำเป็นหลายๆตอน แต่เกรงว่ามันจะกระจายกันอยู่ ผมเลยนำมาไว้ที่เดียวกันเลย
ขอสารภาพว่า เป็นการอ่าน ผญาครั้งแรก ต้องระวังในการอ่านมากค่ะ เกรงจะหลุดเฟรม...เพราะสนุกในการอ่านที่ใหม่ทั้งคำและเสียง และพยายามเทียบเคียงเดาว่า เนื้อหาหมายถึงอะไร...ประสาคนปักษ์ใต้อ่านนะค่ะ ไม่ค่อยคุ้นเคยแต่ รู้สึกดีที่ได้ชลอความเร็วในการอ่านลง..จะได้ชื่นชมในสิ่งที่เขียนเพื่อสื่ออะไรได้มากขึ้น ขอเรียนรู้ไปเรื่อยๆ...ขอบคุณค่ะ :-))
ขอบคุณอาจารย์ kwancha มากครับที่ติดตาม