แม่
ยอมือสาธุ์ วันทาไตรรัตน์ ครุอุปัช- ฌายะอาจ๋ารย์
ตั๋วข้าม่อนน้อย จักค่อยไขขาน เล่าถึงตำนาน มารดาแม่เจ้า
สิบสองสิงหา เวียนมาขวบเข้า อันมวลหมู่เฮา จื่อไซร้
พระแม่มาต๋า ประชาเทิดไท้ สิริกิติ์ไสร้ ราชินี
บรมนาถะ พระมเหสี แห่งองค์ภูมี ภูมิพลเจ้า
เฉลิมพระชนม์ ครบเจ็ดสิบเก้า พรรษายืนยาว ยิ่งแล้ว
ขอหื้อพระองค์ จงทรงคลาดแคล้ว จากภัยยะอั้น ทั้งปวง
ทรงอยู่คู่ไท้ ปิ่นไทยในหลวง ไทยชนบนบวง ร่มหลวงคุ้มเกล้า
เป๋นแม่มาต๋า เหล่าข้าพเจ้า ประชาชนชาว ไทยรัฐ
เป๋นอนุสนธิ์ ปวงชนอาณัติ นมัสกราบไหว้ มารดา
พสกแห่งไท้ จักได้หวนหา กตัญญุตา มารดาทุกผู้
ด้วยก๋าลอันควร ขอชวนท่านอู้ เถิงกตัญญู แม่ไท้
สิบเดือนปามาน แม่ท่านทุกข์ไซร้ แม่ทนอยู่ได้ เมินนาน
ลองคิดผ่อเน้อ เหล่าเธอลูกหลาน เมื่อแม่ปามาน สงสารแม่เจ้า
จักกิ๋นสังไป กึ๊ดได้ลูกเต้า จึงได้อดเอา คายอั๊วะ
ปวดเมื่อยก๋ายน แม่ทนสัปป๊ะ เพื่อฮักษาเจ้า ญิงจาย
วันเกิดเฮานั้น เป๋นวันเกือบต๋าย แม่เกือบวำวาย จ๋ำไว้เน่อเจ้า
เถิงวันเกิดใผ หื้อได้ใฝ่เฝ้า ปิ๊กป้อกลำเนา กราบพระ
อะระหันต๋า คือแม่มาต๊ะ นะมะกราบไหว้ เกื้อกูล
ทำตั๋วดีแม้น สืบแทนขะกู๋ล แล้วตอบแทนคุณ สองปุ้นเน่อหล้า
ตอบด้วยเข้าของ มอบก๋องต่อหน้า ทรัพย์สินเงินตรา หนึ่งมัคค์
หนทางที่สอง ครรลองเลิศนัก คือฮักษาได้ ความดี
คำสอนแม่นั้น แม่นมั่นดีหลี ลูกเป๋นคนดี สุขีแม่เจ้า
หากใผดูแล เทิดแม่เหนือเกล้า เจริญเน่อเฮา ชีวิต
อยู่รอดปลอดภัย มากมายมิ่งมิตร จักคิดใดได้ ตึงมวล
ขอเชิญชวน ลูกท้วนทั่วหน้า อย่าจ๊าจุ่งป้อกไป กราบแม่นายเหย.
ความเห็น (18)
นงนาท,สนธิ- สุวรรณสกุ๋ล มาเยี่ยมก๋ารุณ อบอุ่นแต๊ข้า.
ยอกรวันทารูปภาพของแม่ตึงวันเจ้า ถึงแม้จะบ่ามีแม่หื้อกอดแต่แม่ก็อยู่ในใจลูก
เสมอๆและตลอดตวยเจ้า.....
ยินดียิ่งแล้ว พี่แก้วมาหา gui-Chutima ข้าขอน้อมไหว้.
กราบสวัสดีค่ะท่านอาจารย์ทนัน ภิวงศ์งาม
สุขสันต์วันแม่นะคะ
ขอให้สุขภาพดี
มีแต่ความสมประสงค์
ดั่งใจปรารถนาทุกประการ
ขอบคุณยิ่งแล้ว มิตรแก้วของฉัน ตันติราพันธ์ มาขานแอ่วเอิ้น
กราบสวัสดีเจ้าพ่อครูทนัน ควันหลงวันแม่เน้อเจ้า
ขอทั้งสองพระองค์ทรงพระเจริญ
...
คายอั๊วะ สัปป๊ะ กะ หนึ่งมัคค์ หมายถึงอันหยังเจ้า
ยินดียิ่งแล้ว มิตรแก้วมาหา คุณPooเพิ่นมา อู้จ๋าข้าเจ้า.
คายอั๊วะ = คายออก
สัปป๊ะ = สัพพะ
หนึ่งมัคค์ = หนึ่งมรรค = ทางหนึ่ง -> ทางที่หนึ่ง
สวัสดีค่ะผอ.
*** ม่วนใจที่ได้อ่าน...ระลึกถึงท่านเสมอค่ะ
เตชะวรรณวุฒิ น้องนุชมาหา น้องกิติยา มาจ๋ามาอู้
สวัสดีครับ ท่าน ผอ. อยากจะเขียนเป็นค่าวเป็นเครือขนาดครับ แต่ด้วยบ่าถนัด/บ่าแน่ใจ๋ ระบบสัมผัสเขียนแต่ละเตื่อกึ๊ดเมินขนาด เลยแวะมาทักทายด้วยสำเนียงร้อยแก้วธรรมดา ผอ.สบายดีน้อครับ..
อาทิตย์สวัสดีเจ้าพ่อครุทนัน
พ่อครูสบายดีเน้อเจ้า คิดถึงบ้าน คิดถึงแม่
เตรียมดอกไม้ ไว้กลับไปกราบแม่แล้วเจ้า
 |
ป่าไม้เลื้อย มาเจยมาจ๋า ยินดีแต๊นา ป่าไม้เลื้อยเจ้า
ขอพระคุ้มครอง หื้อนวลน้องเหน้า อายุยืนยาว ไร้ทุกข์ จะทำสิ่งใด หื้อได้เชิงรุก ล้ำยุคก้าวหน้า อย่างดี สุขะพละ วรรณะเปล่งศรี โภคะมากมี ทีฆายุมั่น. |
สวัสดีปีใหม่ไทย..2555
ปีใหม่มาถึงแล้ว เนอเฮา
ความสุขจงมาเนา แนบข้าง
โรคาจงซบเซา เหินห่าง ไกลเนอ
คิดใดสมใฝ่อ้าง แม่นแท้นิรันดร...
จาก หนาน พรหมมา
แวะสวัสดีปีใหม่ครับ ผอ.ทนัน ภิวงศ์งาม
(ช้านิดแต่ก็มาด้วยใจครับ.. )
แวะทักทายด้วยใจคารวะ
หลายวาระพลาดเรื่องดีจำห่างหาย
โนตบุ๊คเสียเน็ตเน่าบ่อยงานมากมาย
เลยทำให้อดติดตามงานดีดี
--------------------------------ปีใหม่นี้วอนไหว้สิ่งศักดิ์สิทธิ
จงสถิตประทานพรตัวท่านนี้
ทั้งหน้าที่การงานเงินมากมี
โรคอย่ามีภัยอย่ามาพาลลี้ไกล-------------------------------
ให้ท่านนั้นมีกำลังกายใจยิ่ง
สู้ทุกสิ่งอุปสรรค์อย่าหวั่นไหว
เป็นที่รักของประชามิตรมากมาย
ตลอดไปตลอดปีมะโรงเทอญ.
เสาร์ศรีสวัสดิ์ปีใหม่เจ้าพ่อครูทนัน
ความรักของแม่ ยิ่งใหญ่ ไพศาล
เนิ่นนาน มิเปลี่ยน แปรผัน
รักแล้ว รักเลย นิรันดร์
ไร้เงื่อนไข กางกั้น ฉันรักแม่
...
http://www.gotoknow.org/blogs/posts/473656?refresh_cache=true
ฝากบันทึก เรื่อง แม่จ๋า ... สุขสันต์นะคะ
สวัสดี ผอ.ทนัน ภิวงศ์งาม แฮมรอบครับ..ยินดีขนาดครับตี่ตั่น แวะเวียนมาเียี่ยม..ผมจ่างก่าแต่งกลอน..บ่ค่อยถนัดค่าวถ้อย..เลยก่อยหัด ก่อยแต่ง อาศัยศึกษาจากเว็ปไซด์ ถ้าบ่ถูกอักขระ ฉันทลักษณ์ ขอท่าน ผอ. จ่วยเตื่อม จ่วยแท้ง โตยเน้อครับ..
- สิบนิ้วยกยอ ผอ.ตี่ฮัก ท่านแว่มาตัก จี้จักขวนขวาย
- หื้อตั๋วข้าน้อย หมั่นก่อยคว่ำหงาย โตยตางเปิ่นไป ร่ำปิ๊ศ
- ว่าใจ๋ฮักจู ถูกผิดไขจี้ เลือกดีได้ เนอนาย
- ขึ้นต้นบ่ฮ้าย ตังป๋ายจ่างหนิง จ่างสมใจจริง มโนว่าอั้น
-------------------------------------------------------------------------------------------------