คำผูกแขนนาค

หลังสู่ขวัญนาคแล้ว ลำดับต่อไปก็เป็นการผูกแขน ซึ่งเป็นการอวยพร และแนะนำนาคก่อนเข้าสู่ร่มกาสาวพัสตร์ นั่นเอง

คำผูกแขนนาค

                ขอให้เตโชล้ำ   บารมีธรรมสูงส่ง

ครั้นได้บวชเป็นพระสงฆ์    ขอให้ซ่อยส่งยู้ซูค้ำศาสนา

ไปข้างหน้า   ให้เห็นฮีตคองสงฆ์

ให้ดำรงพระวินัย   เที่ยงใสใจกว้าง

อุปสรรคขวางกั้น    แนวใด๋ให้จำล่อง

ให้สวดมนต์คล่องคล่อง   ทำนองได้เลี่ยนไหล

พุทธองค์ตรัสไว้   แนวใด๋ให้เจ้าจื่อ

สวดและท่องทุกมื้อ   หนังสือน้อยเจ้าอย่าวาง

ทางข้างหน้า    กว้างกว่าหนหลัง

อย่าไปฟังคำมาร    สิพ่ายเพอุกเอ้า

ขอให้ฟังคำของพระพุทธเจ้า    ยึดเอาเป็นที่เพิ่ง

ขอให้เจ้าเข้าเถิง     ศึกษาเอาให้ได้เฮียนฮู้อยู่ทุกวัน

ธรรมทั้งแปดหมื่นสี่พันพระธรรมขันธ์นั้น    ของสำคัญอย่าประมาท

อย่าสู่ขาดแท้แท้    โตเจ้าอย่าหน่ายแหนง

ให้ฮู้จริงฮู้แจ้ง    แทงตลอดปัญญา

เกิดศรัทธาเชื่อเห็น    จั่งสิเป็นสงฆ์แท้

จั่งสิจูงพ่อแม่ขึ้น    เถิงสวรรค์สูงส่ง

ขอให้เดินตามรอยพระพุทธองค์   เดินให้ตรงเดินให้ได้

ผ้าเหลืองเจ้า จั่งสิงาม ... เจ้านาคเอ้ย.  สว่าง ไชยสงค์/รจนา

[นีนาถ]

สบายดีอาจารย์

มีความหมายดี และกะม่วนนำ..ค่ะ

[ทัศนาวดี-ใจสว่าง]

คุณ นีนาถ เป็นแฟนพันธุ์แท้ ๆ จริง ๆ ขอบตุณมาก เก่งภาษาอังกฤษช่วยแปลให้ฝรั่งรู้เรื่องหน่อย และผมก็จะได้พลอยเรียนรู้ไปด้วย ผมเองก็แอบชื่นชมคนเก่งภาษาอังกฤษอยู่นะ นี่ ปลายปีนี้จะไปนิวซีแลนด์ 1 ดือน แต่ ภาษาไม่กระดิกหูเลย ช่วยสอนหน่อย จะไม่ลิมพระคุณเลย

[สาคร สารคาม]

มีคำผูกแขนนาง บ่