ค่าว รวมหลายงาน

----------------

ผิดหวังเล็กน้อย บ่ค่อยเสียใจ๋ แต่มอกเสียดาย นายนทน้องหน้อย

คนตี่ได้เป๋น บ่เด่นเป่งป้อย บ่มีแววฮอย เด่นชัด

น้องนทคือศิลป์ –ละปินเล่าคัด สกัดจากก้อน วิญญา

น้องฮ้องเล่นนั้น มันเหนือตัญหา บ่เกยนำปา เรื่องต้าแข่งสู้

.................

ผ่านไปแหมครั้ง ความหวังยังหวย ความหวังร่ำรวย หวยเหยเจ้าข้า

อ้ายแตงลืมหมุน สามศูนย์สี่ห้า ปรากฏว่ามา บ่าครบ

แปดห้านั้นหนา อ้ายหาบ่พบ ขอหลบไปซื้อ จิ้นควาย

เลขจะซื้อนั้น บ่ตันไปขวาย เลยซื้อจิ้นควาย มาลาบเหียจ้อย

...............

ฝนมาลาแล้ง ตี่แห้งจุ่มใส หมู่ไม้โป่งใบ สดใสทั่วหน้า

จาวนาหว่านไถ เกียมใส่เข้ากล้า สุขสมอุรา เจ่นล้ำ

แมงมันออกหา บินมาลัดน้ำ คนเก็บเข้าถ้ำ ขวดยาง

จะขอกิ๋นแต๊ อี่แม่เปิ่นขาง เตวเก็บตวยตาง ก๋างกาดสองถ้วย
(แมงมันกิโลแปดร้อยครับ สุดยอดแมลงเศรษฐกิจ)