หมวด...ผญาคำสอน
ผญาเก่า
คันสิคอยแต่บุญมาค้ำ คัญบ่ทำกะบ่แม่น
คอยแต่บุญส่งให้ มันสิได้บ่อนได๋
คือ จั่งเฮามีอาหารไว้ บ่เอากินมันบ่อิ่ม
มีลาบคันบ่เอาข้าวตุ้ย ทางท้องบ่ห่อนเต็ม
คันเจ้าเป็นสาวนั้น ครองธรรมให้มันคล่อง
ตืนผมให้หล่ำเกลี้ยง ตีนซิ่นให้หล่ำเฮียง
สอนประชาชนคนทั่วไป
___________________________________
มาเว้าใหม่
หากว่าคอยแต่บุญค้ำ บุญบ่ทำกะบ่แม่น
หวังตอบแทนบุญส่งยู้ สิซูต้อนเจ้าบ่อนได๋
เปรียบดั่งมีแนวกินไว้ ไผบ่กินบ่หวนอิ่ม
ข้าวบ่จิ้มป่นลาบก้อย คอยให้ท้องอิ่มบ่คือ
เกิดเป็นสาวอย่าหวนดื้อ ถือครองธรรมให้มันค่อง
ประคองผมให้ล่ำเกลี้ยง เพียงตืนซิ่นกะซ่ำกัน
สาระพันคำจาเว้า เฝ้าตริตรองคองคำม่วน
ทุกระบวนวางทีท่า อย่าเกินหน้าผู้ใหญ่สอน น้องอ้ายเอ๊ยย