ນະໂຍບາຍຂອງລັດກ່ຽວກັບຊັບສິນທາງປັນຍາ
ລັດສົ່ງເສີມ ການເພີ່ມພູນສ້າງ, ການເຄື່ອນໄຫວວຽກງານຊັບສິນທາງປັນຍາ ແລະການນຳໃຊ້ໝາກຜົນ ຂອງການປະດິດສ້າງ, ການປະດິດແຕ່າງຂອງບຸກຄົນ ຫລື ການຈັດຕັ້ງພ້ອມທັງຮັບຮູ້ແລະປົກປ້ອງສິດຜົນປະໂຫຍດຂອງເຈົ້າຂອງຊັບສິນທາງປັນຍາ
ລັດຊຸກຍູ້ການເຄື່ອນໄຫວວຽກງານ ແລະການລົງທຶນເຂົ້າໃນຂົງເຂດຊັບສິນທາງປັນຍາ ດ້ວຍການວາງນະໂຍບາຍ, ລະບຽບກົດໝາຍ ແລະມາດຕະການຕ່າງໆເພື່ອຮອງຮັບ
ລັດປົກປ້ອງຊັບສິນທາງປັນຍາ ທີ່ບໍ່ຂັດກັບວຽກງານປ້ອງກັນຊາດ ປ້ອງກັນຄວາມສະຫງົບ, ສຸຂານາໄມ, ສິ່ງແວດລ້ອມ, ລະບຽບກົດໝາຍ, ວັດທະນາທຳ ຫຼື ຮີດຄອງປະເພນີອັນດີງາມຂອງຊາດ[1]
ຫລັກການລວມກ່ຽວກັບຊັບສິນທາງປັນຍາ
- ການຮັບຮູ້, ປົກປ້ອງ ແລະຮັບປະກັນຄວາມຍຸຕິທຳຕໍ່ເຈົ້າຂອງຊັບສິນທາງປັນຍາຫ
- ການປົກປ້ອງຊັບສິນອຸດສາຫະກຳຢູ່ ສປປລາວ ຈະມີຜົນບັງຄັບໃຊ້ກໍ່ຕໍ່ເມື່ອເຈົ້າຂອງຊັບສິນອຸດສາຫະກຳໄດ້ຮັບການຈົດທະບຽນ
- ລິຂະສິດແລະສິດກ່ຽວຂ້ອງກັບລິຂະສິດໄດ້ຮັບການປົກປ້ອງໂດຍທັນທີພາຍຫລັງທີ່ໄດ້ມີການປະດິດຄິດແຕ່າງຜົນງານ ທາງດ້ານສິນລະປະກຳ ແລະວັນນະກຳລວມທັງຜົນງານທາງດ້ານວິທະຍາສາດນັ້ນຂື້ນ
- ທຸກການນຳໃຊ້ຊັບສິນທາງປັນຍາ ເພື່ອຫາຜົນປະໂຫຍດທາງການຄ້າ ຕ້ອງໄດ້ຮັບອານຸຍາດຈາກເຈົ້າຂອງລິຂະສິດ
- ໃນກໍລະນີທີ່ການກຳນົດຂອງສົນທິສັນຍາສາກົນທີ່ ສປປລາວເປັນພາຄີ ຫຼື ສັນຍາທີ່ໄດ້ຮ່ວມເຊັນນຳກັນ ຫາກຂັດກັບກົດໝາຍສະບັບນີ້ແມ່ນໃຫ້ປະຕິບັດຕາມການກຳນົດຂອງສົນທິສັນຍາສາກົນຫຼືສັນຍານັ້ນ[2]
ນະໂຍບາຍຕໍ່ຜູ້ທີ່ມີຜົນງານ ແລະມາດຕະການຕໍ່ຜູ້ລະເມີດ
ນະໂຍບາຍຕໍ່ຜູ້ທີ່ມີຜົນງານ
ບຸກຄົນ ຫຼື ການຈັດຕັ້ງທີ່ມີຜົນງານດີເດັ່ນໃນການຈັດຕັ້ງປະຕິບັດກົດໝາຍວ່າດ້ວຍຊັບສິນທາງປັນຍາ ເປັນຕົ້ນໃນການຄຸ້ມຄອງ ແລະການປົກປ້ອງຊັບສິນທາງປັນຍາຈະໄດ້ຮັບການຍ້ອງຍໍ ຫຼືນະໂຍບາຍຕາມລະບຽບກົດໝາຍ[3] ບຸກຄົນ ຫຼື ການຈັດຕັ້ງ ທີ່ມີຜົນງານໃນການປະດິດສ້າງຫຼືປະດິດຄິດແຕ່ງ ຈະໄດ້ຮັບການຍ້ອງຍໍ, ລາງວັນ ຫຼື ນະໂຍບາຍອື່ນຕາມລະບຽບການ
ມາດຕະການຕໍ່ຜູ້ລະເມີດ
ບຸກຄົນ ຫຼື ການຈັດຕັ້ງທີ່ລະເມີດກົດໝາຍວ່າດ້ວຍຊັບສິນທາງປັນຍາຈະຖືກສຶກສາອົບຮົມ, ປະຕິບັດວິໄນ, ປັບໄໝ, ໃຊ້ແທນທາງແພ່ງ ຫຼືລົງໂທດທາງອາຍາ ຕາມແຕ່ລະກໍລະນີ ເບົາ ຫຼື ໜັກ
ມາດຕະການສຶກສາາາອົບຮົມ
ບຸກຄົນ ຫຼື ກກການຈັດຕັ້ງທີ່ລະເມີດລະເມີດລະບຽບກົດໝາຍ ກ່ຽວກັບຊັບສິນທາງປັນຍາເປັນຄັ້ງທໍາອິດໂຍບໍ່ເຈດຕະນາ ແລະກໍ່ຄວາມເສຍຫາຍທີ່ມີມູນຄ່າຕໍ່າກວ່າ ຫ້າແສນກີບ ຈະຖືກຕັກເຕືອນ, ສຶກສາອົບຮົມ
ມາດຕະການທາງວິໄນ
ພະນັກງານ ແລະເຈົ້າໜ້າທີ່ທີ່ລະເມີດລະບຽບກົດໝາຍ ກ່ຽວກັບຊັບສິນທາງປັນຍາ ແລະຂໍ້ຫ້າມທີ່ມີລັກສະນະເບົາບາງ ຊຶ່ງບໍ່ເປັນການກະທຳຜິດທາງອາຍາ ແລະກໍ່ຄວາມເສຍຫາຍທີ່ມີມູນຄ່າຕຳ່ກວ່າ ຫ້າແສນກີບ ແຕ່ບໍ່ມີຄວາມຈິງໃຈລາຍງານ, ຫຼົບຫຼີກຈາກຄວາມຜິດ ກໍ່ຈະຖືກປະຕິບັດວິໄນຕາມແຕ່ກໍລະນີດັ່ງນີ້້:
- ຕິຕຽນ, ກ່າວເຕືອນຄວາມຜິດ ຕາມລະບຽບລັດຖະກອນ ພ້ອມທັງບັນທຶກໄວ້ໃນສຳນວນເອກະສານຊີວະປະຫວັດຂອງຜູ້ກ່ຽວ
- ໂຈະການເລື່ອນຊັ້ນ, ຂັ້ນເງິນເດືອນ ແລະການຍ້ອງຍໍ
- ປົດຕໍແໜ່ງ ຫຼື ຍົກຍ້າຍໄປຮັບໜ້າທີ່ອື່ນທີ່ມີຕໍແໜ່ງຕໍ່ກວ່າເກົ່າ
- ໃຫ້ອອກຈາກລັດຖະການໂດຍບໍ່ໄດ້ຮັບນະໂຍບາຍໃດໆ
ມາດຕາ 132 ມາດຕະການປັບໃໝ
ບຸກຄົນ ຫຼືການຈັດຕັ້ງທີ່ລະເມີດລະບຽບກົດໝາຍ ກ່ຽວກັບຊັບສິນທາງປັນຍາ ໂດຍເຈດຕະນາ ຫຼື ລະເມີດໂດຍບໍ່ເຈດຕະນາເປັນຄັ້ງທີສອງ ຊຶ່ງບໍເປັນການກະທຳຜິດທາງອາຍາຈະຖືກປັບໃໝສອງເທົ່າຂອງມູນຄ່າເສຍຫາຍ
ມາດຕະການທາງແພ່ງ
ບຸກຄົນ ຫຼືການຈັດຕັ້ງທີ່ລະເມີດກົດໝາຍວ່າດ້ວຍຊັບສິນທາງປັນຍາ ຊຶ່ງໄດ້ກໍ່ຄວາມເສຍຫາຍແກ່ຜູ້ອື່ນຈະໄດ້ໃຊ້ແທນຄ່າເສຍຫາຍຕາມທີ່ຕົໄດ້ກໍ່ຂື້ນ
ມາດຕະການທາງອາຍາ
ບຸກຄົນທີ່ລະເມີດສິດທາງດ້ານຊັບສິນທາງປັນຍາ, ປອມແປງ, ຕົວຍວົະ, ຫລອກລວງ, ແຂ່ງຂັນທີ່ບໍ່ມີຄວາມຍຸຕິທຳ ກ່ຽວກັບຊັບສິນທາງປັນຍາ ຊຶ່ງກໍ່ຄວາມເສຍຫາຍໃຫ້ແກ່ຜູ້ອື່ນ ຈະຖືກລົງໂທດຕັດອິດສະລະພາບ ແຕ່ສາມເດືອນ ຫາ ສອງປີ ແລະຖືກປັບໃໝ ແຕ່ 500.000 ກີບ 5.000.000 ກີບ
ໃນກໍລະນີທີ່ມີການກະທໍາອື່ນ ຊຶ່ງເປັນການກະທໍາຜິດທາງອາຍາ ກໍຈະຖືກລົງໂທດ ຕາມກົດໝາຍອາຍາ[4].
[1] ມາດຕາ 4 ກົດໝາຍວ່າດ້ວຍຊັບສິນທາງປັນຍາ ປີ 2007
[2] ມາດຕາ 5 ກົດໝາຍວ່າດ້ວຍຊັບສິນທາງປັນຍາ ປີ 2007
[3] ມາດຕາ 127,128, ກົດໝາຍວ່າດ້ວຍຊັບສິນທາງປັນຍາ ປີ 2007
[4] ມາດຕາ 129- 134, ກົດໝາຍວ່າດ້ວຍຊັບສິນທາງປັນຍາ ປີ 2007
