กล่อมเกลา...ดวงใจน้อยๆ
เตรียมซ้อมเพลงกล่อมเด็กโชว์ในมหกรรมสืบสานภูมิปัญญาพื้นบ้าน...งานวันภาษาไทย....ของสมเด็จพิทยาคมงานนี้กลอนกล่อมเจาะจงเน้นเรื่องศีลธรรม เพราะความสับสนวุ่นวายของผู้ใหญ่อาจทำให้เกิดคำถามและความสงสัยมากมายเกี่ยวกับ...ดี/เลว/เท็จ/จริง ขึ้นในหัวใจของเด็กน้อย...การไม่เคารพผู้ใหญ่...ในผญาอีสานก็มีกล่าวไว้ว่า “ลูกบ่ฟังความพ่อความแม่ผีแก (ลาก) ลงหม้อนฮก (นรก)”การจองหองเย่อหยิ่งยโส...ไร้ศีลธรรมนำความรู้จึงไม่รู้จักผู้ใหญ่ผู้น้อยไม่รู้จักเคารพใน “หน้าที่”เด็กสมัยนี้ (ผู้ใหญ่ก็มี) มักหลงคิดว่า “ความรู้”คือ “สติปัญญา”...เพลงกล่อมเด็กจึงมีคุณค่าที่ควรนำมาเป็นเครื่องมือที่จะช่วยกล่อมเกลา ชุบชูความดีงามของดวงใจน้อยๆให้ส่องประกายขึ้นมาบ้าง
กลอนกล่อมลูก…กลอนศีลธรรม
...คำแพงเอย คั่นเจ๊ากิ๊นนมอิ่มแล้ว
ลงนอนอู่เน๊าะ หลับต๊าเสคำแพง
อื่อ อื้อ อื่อ...นอนสาหล่าหลับตาจ้วยๆ
แม่ ไปห้วยสิส่อนปลาชิว...อื่อ อื้อ อื้อ
......นอนสาลูกหล่า.......
แม่ เก็บผักติ้วมาใส่แกงเห็ด
ไปยามเบ็ดได้ปลาค้อใหญ่
ไผบ่นอนแมวโพงสิขบแก้ม
ฝาบ่แอ้มแมวน้อยสิตอดตา...จุ๊ จุ๊ หลับเด่วคำแพง
......อื่อ อื้อ นอนสาหล่า ลูกคำแม่
คำแพงเอ้ย เอ๊ย ละหลับสาเด้อๆหล่าฟังลำแม่สิกล่อม
ฮักถนอมจังได้แพงไว้จังหน่วยตา
หวังว่าในมื้อหน้ามีศีลธรรมคนได้เพิ่ง...คำเอ้ย เอ่เอ้ เอ้
(เสียงลำ)
ละอันว่าศีลธรรมนี่มีคุณยศยิ่ง
หาสิ่งเปรียบบ่ได้ในด้าวแผ่นดิน
แม่นว่าเงินคำแก้วพลอยนิลพิทูรราช
ซาวโลกสมมุติไซ้บ่มีล้ำท่อศีล
ศีลธรรมวิเศษล้นเกินกว่าเงินพลอย
สังสิมีราคาเปรียบปูนปานได้
ศีลธรรมจอมไตรแก้วแนวดีที่เพิ่นกล่าว
เป็นหนุ่มสาวแห่งโก้ คั่นถือได้แห่งดี
เถิงสิมีวัยน้อยรักษาศีล กะคือใหญ่
ฝูงหมู่นักปราชญ์เจ้าทั้งค่ายกะว่าดี
อืออื้อ....ลูกหล่าเอ้ย
คนที่มีศีลนี่ผิวพรรณสิผุดผ่อง...คำเอย
มีกลิ่นหอมฮ่วนเอ้าเนียมอ้มแก่นจันทน์
หอมหลายเด้ลูกหล่าคนมีศีลซาวส่า
บ่ว่าเหนือและใต้หอมเท่าทั่วชิวัง
ต่างจากจันทน์เนียมอ้มหอมชั่วยามดม
หอมแต่ยามลมพัดกลิ่นละอองมาต้อง
ศีลธรรมหอมไปได้ทวนลมบ่เลือกซ่อง
ขจรไปทั่วด้าวไกลใกล้แม่นส่งเถิง...คำแพง
อื่อ อื้อ ....อื้อนอนหลับแล้วเห้อเจ๊าฝันดีคำแพงแม๊....
ความเห็น (2)
ไม่ว่าแต่เด็กเลย ครูก็อยากหลับครับ เสียงอ้อน อ่อนหวาน ไม่ได้อ่านงานเขียนนาน สบายดีนะครับคุณครู
ค่ะช่วงนี้ก็ยุ่งๆกับการพัฒนารูปแบบนวัตกรรมค่ะท่าน ผอ.
วันนี้ที่เขตพื้นที่จัดงาน...ประกวดแข่งขันทักษะภาษาไทยฯ
ได้รับเชิญให้นำนักเรียนไปสาธิตร้องเพลงกล่อมเด็กค่ะ
