คึดสะออน...โรงเรียน 3D
กลอนลำ โรงเรียน ๓ D"สมเด็จพิทยาคม"
โอ...โอ...โอ้ บุญเอ๊ย บุญหนุนค้ำ
การศึกษาในธรรมบ่มีมื้อสิศูนย์ค่า...
สมเด็จพิทยาคมล่ะนับแต่มื้อสิก้าวหน้า...
เจริญขึ้นแม่นกว่าหลัง...บัวลอยวัง...เอยละน่า
พี่น้องเอ๋ยในโรงเรียนเฮานี่มี สามดี องค์ประกอบ
ขาด สามดี บ่ได้สิทำให้ถ่วงเจริญ
-Democracy เพิ่นเอิ้นเป็นข้อหนึ่งในใจ
หลักประชาธิปไตย ในโรงเรียน ให้คอยจรรโลงไว้
ธรรมนูญมีขึ้นโรงเรียนเฮาเขียนใส่...
-Decency บอกให้เฮาฮู้คู่ซูคน
อย่าเพียงมีความฮู้ ปัญญาต้องใสส่อง...
หลักธรรมะถูกต้องคองเค้าเก่าหลัง
ความเป็นไทยให้พร้อม พอเพียงส่วน การศึกษา
ตกสมัยไอซีทีข้อมูลให้เพียงพร้อม.
สามแม่นดี -Drungนี่มีวินัยหรือระเบียบ
ปลอดจากแนวขี้ฮ้ายบ่กรายใกล้ปรารถนา
สิ่งเสพติด พิษหลายล้น คน ท้องที่ให้สีขาว
ให้นักเรียนและคุณครูอยู่สบายหายฮ้อน
โรงเรียนสามดีนี่ สมเด็จฯมีมาตลอด...
ปลอดภัย เฮียน คิดค้น เป็นสุขล้น..
.แม่นอุ่นใจ...เด้นอ...ละนา.
ความเห็น (3)
พี่น้องเอ้ย อันว่าคนดีนี่บ่ดีมาแต่มื้อเกิด...ดอกนา
เฮียนนำพ่อ ก่อนำครูจังได้ ดีให้ตืมกัน
...แต่กะมีอยู่บ้างเพิ่นว่า "หมากไม้บ่ห่อนหล่นไกลกก"
นี่เป็นคำโบราณกะแม่นจริงคือเว้า
บางทีผลตกกลิ้งไปตามดินค้อยแอง
เปรียบไปคือพี่น้องไปเฮียนฮู้อยู่ถิ่นไกล
พ่อแม่ทุกข์ยากไฮ้ลูกผั่นเกิดเป็นเมธี
เป็นศักดิ์ศรีชุมชนกะเล่าเคยเห็นได้
ย่อนบุญกรรมหนุนค้ำพยายามเพียรชอบ
มอบสิ่งดีค่าล้นคนเอิ้นว่า "บุญ"พี่น้องเอ้ย.
สวัสดีค่ะคุณครู
เยี่ยมยอดมากค่ะคุณครูจอมใจ
ทำให้เข้าใจสาระของโรงเรียน 3ดี อย่างง่าย
และชัดเจนมากค่ะ ขออนุญาตลอกเลียนแบบไปให้เด็กๆ ได้ฝึกขับร้องนะคะ
ขอบคุณและยินดีมากค่ะคุณพี่ 
ตุ๊