คนอิสาน

 

 

คนบ้านเดียวกัน

อภินันทนาการจาก หมู่เฮา นายก้ามกุ้ง

ต้นฉบับ http://gotoknow.org/blog/ku-1/276227

 

          

 

คนบ้านเฮาเว้าซื่อซื่อคือกันหมด

ใจงามงดอีหลีบ่มีสอง

ฮักหมู่หลายสามัคคีมีปรองดอง

หมู่เฮาผองม่วนหลายซำบายดี

 

 

สิเฮ็ดเวียกเฮ็ดงานการทั้งหลาย

บ่ย่านง่ายอดทนบนวิถี

สิแดดฮ้ายลมกล้ามาราวี

บ่คึดหนีไปย่านใด๋อย่างไผเลย

 

 

สู้อดทนหมู่เฮาลูกข้าวเหนียว

ฮักกลมเกลียวดังค่ำร่ำเฉลย

มีเสียงแคนเสียงพิณพร่ำภิเปรย

เอ้อระเหย  ยามแลงแฝงเงางาม

 

 

ผู้สาวเฮางามแต้แม่งามหลาย

งามทั้งใจทั้งกายพาไหวหวาม

แอบฮักเจ้าหมายปองน้องนงราม

เกินสิห้ามใจกั๋นบ่ทันใจ

คึดย้อนไปมื้อหน้าถ้ากลับถิ่น

คงสิยินเพลงแคนเอิ้นขานไข

เบิ่งน้องหล่ารำฟ้อนอ่อนละไม

พ้อพ่อใหญ่แม่ใหญ่ยิ้มหัวกัน

 

 

ตะวันแลงล้อมวงตรงหน้าบ้าน

กินอาหารฮ่วมหมู่อยู่สุขสันต์

ทั้งลาบ  ก้อย  อ่อมเขียดนาสารพัน

มาแบ่งปันสรวลเสร่วมเฮฮา

 

คนบ้านเฮาไม่ว่าจะอยู่ไส

อยู่หม่องใด๋ก็สนิทเสน่หา

เอิ้นเว้ากั๋นม่วนซื่นรื่นอุรา

คิดฮอดเด๋บ้านนาเพลาไกล

 

 

อีกเทือใด๋หนานี่สิได้หา

อีกโด่นหลายบ่หนาฟ้าวคืนได้

ฝากคึดฮอดฝากฮักฝากอาลัย

ฝากหัวใจกลับอีสาน.....ผ่านเวลา