สุดทางใจไปตามตื้อ อ้ายบ่ยื้อให้เขาหน่าย ในความหมายที่อยากเว้า ว่า "ฮักเจ้ายังคาใจ" นั่นแหล่วเนาะ

ฟังเพลงนี้แล้ว มันแค้นแหม๋ครับ เลยจับเอามาไส่กลอนซันดอกหว๋าาาาา

บอกคำเดียวกะได้หล่า หากน้องว่า "ขาดเขาบ่ได้" อยู่หม่องได๋กะคงเหงา เจ็บบ่เซากะคืออ้าย
ฮักหล๊ายหลายกะยอมได้ บ่ต้องไล่ด้วยเมินเฉย คำเฉลยจากแววตา คือสั่งลาให้ยอมพ่าย

เฮ็ดนำหลายดีนำเจ้า คงซ่ำเก่าเสมอโต ถึงสิโชว์ความห่วงหา แค่เวลาจ่องดึงไว้
เรื่องหัวใจที่พังพ่าย กะคงกลายเป็นแฟนเก่า เผลอหยิบเอามือถือบ้าง วางคำเว้าเฝ้าส่งหา

คำบอกลาครั้งสุดท้าย บ่มีหลายคำเว้าต่อ อ้ายเพียงขอเผิ่นฮักเจ้า บ่เซาอ้อนตอนห่วงใย
สุดทางใจไปตามตื้อ อ้ายบ่ยื้อให้เขาหน่าย ในความหมายที่อยากเว้า ว่า "ฮักเจ้ายังคาใจ" นั่นแหล่วเนาะ




ขออนุญาต : นำภาพและเสียงประกอบงานเขียน เพื่ออัถรสในการอ่าน ซึ่งไม่ได้ดัดแปลงแต่งเติมต้นฉบับแต่อย่างใดครับ
( บ่าวโจ่โล่ )