ปู่สอนหลาน

.........ปู่สอนหลาน..........

......ลูกหลานเหย ปู่เกยสอนไว้ หื้อเจ้าลูกไท้ จุ่งได้ทำต๋าม อันใดบ่ฮู้ เหลียวอู้จ๋าถาม คนเฮาจะงาม เพราะก๋ารแต่งหย้อง อยู่ต๋ามกองธรรม น้อมนำถูกต้อง อันเป็แนวกอง จีวิต ก๋ายวาจ๋าใจ๋ ต้องได้พินิจ เมื่อผิดพลาดหื้อ อาภัย ปู่จักสอนไว้ หื้อเก็บใส่ใจ๋ อย่าเดือดนันไป ป๊นสามสี่บ้าน เปิ้นจักเล่าสู ปู่ขอหวงห้าม อย่าทรมาน สัตว์น้อย อย่าได้ค่ำขา ราวีต่ำก๊อย แก่คนผู้ด้อย ปั๋ญญา หลานอย่าอวดฮู้ ขี้อู้มุสา อย่าสูบกัญชา ปากั๋นกิ๋นเหล้า หื้อเจ้ายำเกร๋ง คนแก่แม่เฒ่า อย่าไปหูเบา ง่ายล้ำ อย่าได้จุ๊เขา เอาจ๋นซอกซ้ำ อย่าเล่นดาบกล้า คมบาง อย่าจ๊วยคนฮ้าย อย่าย้ายผีสาง เยี่ยวใส่หนตาง บ่ดีเน้อเจ้า อย่านั่งทับคน เนอต๋นลูกเต้า จ๋ำกำปู่เอา สอนไว้ แกว่งตี๋นหาหนาม ปู่ห้ามลูกไท้ จะไปถามหนี้ กล๋างคน อย่าไปถากไม้ มาหามือต๋น ฉลาดแกมโกง อย่าหลงเมียน้อย ถ้าผิดกฏหมาย นายจะเศร้าสร้อย อย่าปล่อยข่าวลือ ลูกจั๊น เจ้าอย่าไปสอน จะเข้ว่ายน้ำ อย่าก้ำต้นกล้วย ยามลม ฟังกำปู่ไว้ อย่าได้ตึดถม ตางเก่าฮ่อมเดิม ห้ามหยะเน้อหล้า อย่าผ่อหน้าโจ๋ร อย่าสนคนบ้า อย่าถ่มน้ำลาย ขึ้นฟ้า อย่าเปิ้งคนพาล อย่าสานก๋วยป้อก๊า อย่าต้าขี้เหล้า เมายา ปู่ไขบอกจี้ กลั๋วมีปั๋ญหา อย่าย้ายคันนา อย่าด่าตุ๊เจ้า อย่าเล่าปู่จ๋ารย์ อย่าผลาญคนเฒ่า อย่าเมาแป๋งมาน ใส่ต๊อง จะไปจ๋กฮู จุ๋มปลวกบวกล้อง ปี่น้องเจ้าจะ กั๋งวล เป็นคนหลายจื้อ อย่าซื้อของโจ๋ร อย่าติดสินบน อมของฝากเจ้า หลานจะตุ๊กข์ใจ๋ จักได้โศกเศร้า อย่าได้แยงเงา บ่น้ำ อย่าใกล้หมาดุ อย่าจุ๊เปิ้นจ๊ำ อย่าล้ำล้วงข้าม ดินแดน อย่าจิ่ฮังต่อ อย่าล่อฮังแต๋น อย่าด่าลูกแฮง เวลากิ๋นข้าว อย่าจุ๊ต๋นบุญ ปายลูนจ่างเศร้า อย่าเล่าผัวเมีย เปิ้นนั้น อย่าผิดเถียงกั๋น หื้อเจ้าลูกจั๊น อย่าไปจุ๋กถ้า ดาฟัง อย่าไปเปิดเสื้อ หื้อเปิ้นหันหลัง ไปย่างเฮือนดัง ดักฟังเปิ้นอู้ จะไปจ๋องหอง เปิ้นสอนมาสู้ เน้อสายบุญจู ม่อนไท้ เวลาดังไฟ ไปอ้าปากไว้ มันจักเกิดได้ ภัยยา ตี๋กล๋องแข่งฟ้า บ่เต๊าจะหา อย่าขี้อาจา แข่งระวันกว้าง ขี่จ้างลืมตี่น เตียวดินกระด้าง อย่าผะมาทตาง หลานฮัก ผะเลิดตกหลุม คนจุมอย่าตั๊ก อย่าฮับศีลห้า บังอำ ไปอยู่ตังหน้า อย่าลืมตังหลัง หลานอย่าได้ทำ ก่อก๋รรมบาปเส้า หื้อหมั่นฟังธรรม กำสอนพระเจ้า เจ้าอย่าหองได้ ลืมลา หื้อเจ้าจ๋ำไว้ เก็บใส่ผญ๋า ปิจจ๋ารณา หื้อมันถูกต้อง........

บันทึกนี้เขียนที่ GotoKnow โดย  ใน ผ้าขาวเปื้อนหมึก 3



ความเห็น (0)