"เสียดายภูมิปั๋ญญา ๑๖"
....
เพลงซึงซอนี้...เกยมีหื้อหัน...ฮ้องกั๋นม่วนงัน...สงน้ำคนเฒ่า
ในวันสงกร๋านต์...จื่นบานใจ๋เจ้า...หนึ่งนั้นตี่เฮา...ฮู้จัก
คือ "ป่อใหญ่แสน"...ลูกแฟนหุมฮัก...ฮย้อนเปิ่นเล่นม่วน...แต๊นา
ดนตรีซึงนั้น...ใผกั๋นศึกษา...ฮีตฮอยเมินมา...ลองหาผ่อลู่
อารมณ์สดใส...ต๋ามวัยตี่หู้...ป่อปู่สมกวร...จ๋ายก
เข้าแปดสิบปี๋...หลานมีจ่นฮก...หลากหลายเต๋มบ้าน...แล้วนา
มีใจ๋เต๋มล้น...เล่นดนตรีหนา...อยากได้ศิษย์มา..ฮักษาสักหน้อย
วันหน้าบ่อมี๋...ซึงดีดีดห้อย...โตยงานบุญปอย...แถมเมาะ
จ่วยกั๋นศึกษา...ฮ้องฮาม่วนเพราะ...จ่วยกั๋นเน่อเจ้า...นำปา
ป่อใหญ่แสนนี้...เต๋มใจ๋แต๊หนา...อยากสอนลูกยา...แต่หาบ่อได้ ๆ
(ดนตรีปื้นเมืองหาคนเล่นโตยเล่นเป๋นยากเน่ออ)
...
ป่อใหญ่แสน รวมคม เปิ่นอายุเข้าเลขแปดสิบปี๋แล้ว เป๋นภูมิปั๋ญญาชาวบ้านของเฮา ด้านดนตรีตี่มีมาตะเมินแหล้ว...ทุกวันนี้เปิ่นกะยังเล่นยังซุ่มฮ้องอยู่หนา...อยากไขได้ลูกศิษย์ ลูกหลานตี่ก๋ำลังดี ๆ ปั๋ญญาดีมีใจ๋ฮักมีใจ๋สู้สักคนสองคน...แต่กะยังหาบ่อได้...หากลูกหลานญาติมิตรปี่น๊องบ้านเฮา ใผคนใดสนใจ๋...กะมาขอเฮียนฮู้เป็นลูกศิษย์ลูกหาได้ ป่อใหญ่เปิ่นบ่อหวงวิชาดอกหนาครับ
...
"พี่หนาน"
เขียนวันนี้ 4/04/2558
คุณมะเดื่อชอบฟังเพลงบรรเลง สะล้อ ซอ ซึง ของเมืองเหนือ
ฟังแล้วสบายใจดีจ้ะ
เสียงซอ ซึง
เพราะดี ชอบฟังค่ะ
ขอขอบคุณคุณครูชำนาญการพิเศษทั้งสองท่าน ที่เป็นกำลังใจให้ความเห็นเพิ่มเติม มีสิ่งดีๆ มาแบ่งปันกันตลอดมา...ขอบคุณมากครับ