(กลอนอิสาน) - มื้อคิดฮอดเขาสิเอาอ้ายเป็นสิ่งแทนติ


แทนกันได้บ่น้อหล่า เพียงน้องว่าอ้ายคือเขา เป็นร่างเงามาแทนไผ ฮู้แก่ใจยุเด้อน้อง

โตสำรองในวันเศร้า ยิ้มแทนเขาพอใจอุ่น มีไหล่หนุนปลอบใจเจ้า พร้อมคำเว้า "อย่าคิดหลาย"

ฮักแป๋ตายคงเหมิดค่า เมื่อน้องว่าอ้ายแสนดี อยากขอมีเป็นพี่ชาย บ่อยากกายไปเกินนั้น

มื้อทางฝันเจ้าขาดหวิ่น มีน้ำรินในตาฮั่ว ขอยาปัวทาใจแป้ว อ้ายอีกแล้วแม่นบ่นาง

เอาใจวางเดิมพันไว้ ถ้าคนใช่เข้ามาฮ่วม นอนตาบวมอีกกี่เที่ยว เทียวให้อ้ายปลอบกี่หน

กะยังวนว่าฮักเจ้า บ่เคยเซาแม้เหมิดค่า คั่นเวลาได้ทุกเมื่อ ถึงเหลืออ้ายแค่ผู้เดียว กะยอมเด้อครับ



ขออนุญาต : นำภาพและเสียงประกอบงานเขียน เพื่ออัถรสในการอ่าน ซึ่งไม่ได้ดัดแปลงแต่งเติมต้นฉบับแต่อย่างใดครับ
( บ่าวโจ่โล่ )
</embed></embed>

 

หมายเลขบันทึก: 506300เขียนเมื่อ 20 ตุลาคม 2012 17:44 น. ()แก้ไขเมื่อ 9 มิถุนายน 2020 02:04 น. ()สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-อนุญาตแบบเดียวกันจำนวนที่อ่านจำนวนที่อ่าน:


ความเห็น (2)

ไพเราะ นะคะ....แต่แปลไม่ออกนะคะ

แต่รู้ว่า ไพเราะแน่ๆๆ ค่ะ


อ้ายอ้าย...

ขอโทษเด้อคั่นคำเว้าทำเอาอ้ายคึดไปต่าง

ย้อนทางใจดวงฮ่างฮ่างบ่หมายดั้นต่อใส่ซาย

อยากอายเด้ยากอายเว้าอยากเอาอ้ายแม่นเป็นคู่

แสนอดสูทางใจน้องคองทางอ้ายสูงเกินก้ำ

ย้อนเคยพาดถลำพ่ายฮักไห่เขาพุลวงหลอก

จักสิบอกไผได้อยากอายห้าย...หน่ายเจ้าของ



พบปัญหาการใช้งานกรุณาแจ้ง LINE ID @gotoknow
ClassStart
ระบบจัดการการเรียนการสอนผ่านอินเทอร์เน็ต
ทั้งเว็บทั้งแอปใช้งานฟรี
ClassStart Books
โครงการหนังสือจากคลาสสตาร์ท