ซอประเมินภายใน ขอน้อมกราบวันตา ป้อแม่ครูอาจ๋าน ประธานก๋ำก๋าน ฮ่วมงานวันนี้ ขอเจินมาผ่อ ป้อแม่น้องปี้ ฮ่วมกั๋นยินดีกับโฮงเฮียนของเฮา วันนี้วันดี สุขีแต้เล้า ปี้น้องหมู่เฮา จ้วยกั๋นยะก๋าน งานวันอาเซี่ยน ฮ่ำเฮียนเขียนอ่าน ประเทศเปื้อนบ้านสืบสานเดิมมา ฟิลิปินส์อินโดฯ สิงคโปร์บรูไน พม่าลาวไทย เวียตนามกัมพูชา มาเลฯแดนใต้ สุขใจ๋แต๊ว่า ดอยสะเก็ดนำมาหื้อได้ฮ่ำได้เฮียน กำทักทายประเทศไทยของเฮา สวัสดีเน้อเจ้า เมืองลาวสะบายดี ซาลามัตดาตัง มาเลเซียว่าอี้ ซาลามัตเซียงกำนี้อินโดนีเชียใจ้กั๋น มิงกะลาบา เมียร์มาเปื้อนบ้าน ซินจ่าวเวียตนาม ซัวซไดยกัมพูชา กูมูตสตาฟิลิปปินส์นี้หนา บรูไนสิงคโปร์ใจ้ว่าซาลามัตดาตัง คำซามิดะ เกาหลีว่าอี้ นิหาวกำนี้ ประเทศจีนใจ้กั๋น โอไฮโยฯ ญี่ปุ่น เกื้อหนุนผูกพัน บวกสามสัมพันธ์ฉันมิตรไมตรี หมู่เฮานักเรียน อ่านเขียนอู้กั๋น อาเซี่ยนสำคัญ ผูกพันไปหน้า ฮ่วมกั๋นสานฝัน เกี่ยวพันการค้า เศรษฐกิจนำพา หื้อเจริญรุ่งเรือง ขอจบค่าวซอ เปียงปอเต้าอี้ กราบลาน้องปี้ ตี้ฟังค่าวซอ สิบนิ้วมือยอ ขอสากราบไหว้ อำนวยอวยจัยหื้ออยู่สุขตึงวัน
