มาเด้อมาฟังลำ
กลอนพี่นงค์ แม่บ้าน 3ข
กลอนรำพี่นงค์ ( แต่งเองเจ้าค่ะสำหรับงานประชุม CLT ศัลยกรรม)
กลอนลำอิสานสร้างเสริมสุขภาพ มาม่วนนำกัน
ความเห็น
บทความในวันเดียวกัน
นนทรีผลิดอก · 11 ส.ค. 2553
คิดคม สเลลานนท์ · 11 ส.ค. 2553
นิตยา เรืองแป้น · 11 ส.ค. 2553
ยูมิ · 11 ส.ค. 2553
คนบ้านโต้น · 11 ส.ค. 2553
kpam boon · 11 ส.ค. 2553
Ka-Poom · 11 ส.ค. 2553
สวัสดีครับ ผมเข้ามาอ่านครับ แต่ผมอยู่ทางใต้ ไม่คุ้นกับกลอนของคุณนัก แต่ก็ขอบคุณที่แบ่งปันครับ
หลอดเลือดหัวใจตีบ
เนื้อร้อง วิลาวัณย์ อุ่นเรือน
ขับร้องโดย คุณ นงคราญ เทพไกรวัลย์
โอละนอ อ้อ ออ ออ นวลเอย สวยแล้ว
หลอดเอ้ย หลอดเลือดหัวใจ เป็นจั๋งได๋มาตีบมากัน
หลอดเลือดหัวใจตีบ เป็นหยังจังตื้อ จังแหน่น
เจ็บแข่นๆ คือบ่ได้เฮ็ดหยัง เจ็บมาฮอดกลางหลัง
เจ็บฮอดกราม ฮอดไหล่ เจ็บฮอดขากรรไกร เหงื่อแตกเอาดื้อๆ
เจ็บนี่แหละคือ วินหัววิงๆ มันหายใจบ๊อิ่ม อยากฮากอยากอั๊ว
นี่แหละตั๊วเพิ่นว่า หัวใจวาย ตายกับหม่อง ข่อยมาข่องใจอย่าซ่า
รีบบอกแน้น่ามันเป็นจั๊งได๋ มันแน่นหัวใจ เป็นหยังตายดื้อๆ
แค่เจ็บตื้อๆ มันบ่ย่อนทอสิตาย
เอาฟังฮานี่ ล่ะแมนว่า ~ เด้อนาย ฟังข่อยเว่าหลอดเลือดหัวใจ
เพราะไขมันในเลือดสูง หรือคุณลุงสูบยามาโดนแล้ว
หรือแมนคนนั้น ความดันสูง เบาหวาน เป็นมาก่อน
หรือบ่ได้พักผ่อน หรือแม่ย่อน บ่ออกกำลังกาย
(รำ) ฟังแล่วท่าน ฟังคำหมอเล่า ปากฟันของเฮา รักษาไว้อย่าไห้ผุ
ควรเช็คดู๋ๆ ทุก6เดือน ถ้าติดเชื่ออย่าแชเชือน กินยาตามหมอบอก
เรื่องจิ๊กลิกจอกหลอก อย่าเอามาคิด เฮ็ดไห่ชีวิตเฮามีความสุข
เรื่องถ่ายทุกข์ก็สำคัญเด้อท่าน
(รำ) รอบเอวของเราทั้งบ้าน เกิน 32นิ้วของนาง 36นิ้ว ของชาย
หมอบอกความอ้วนทั้งหลาย แหล่งกำเนิดโรคภัยอันตรายมากมี
เป็นโรคนี้ มีวิธีหมอว่า รักษาทางยาป้องกันไว้ชั่วคราว
เพิ่มเลือดหัวใจนั้นเขา ทำบอลลูนก็เอา ขดลวดถ่างเอย
ผ่าตัดหลอดเลือดหัวใจตีบ ช่วยยืดชีวิตชาวไทยให้ยืนยาว
แต่ป้องกันดีกว่านะเจ้า พัฒนาชาติเรา ให้รุดหน้าสืบไป
เพลงสุขบัญญัติ 10 ประการ
เนื้อร้อง วิลาวัณย์ อุ่นเรือน
ขับร้องโดย คุณ นงคราญ เทพไกรวัลย์
สุขบัญญัติ 10 เพื่อชีวิตครอบครัวสุขสันต์ ลืมแล้วรึยังครับท่าน
มาร่วมสร้างสรรค์สุขภาพของเรา นึกถึงความสะอาด วาจาสุภาพยิ้มแย้มแจ่มใส สุขภาพของฟันนั้นปลอดภัย แปรงฟันเช้าเย็นไซร้ ปลอดภัยทุกครา ล้างมือหลังใช้ห้องน้ำ ก่อนรับประทานอาหารทุกเวลา อย่าลืมล้างมือนะจ๊ะ เชื้อโรคติดมา จะได้ปลอดภัย อาหารสุกใหม่นั้นดีนะ อย่าลืมเสียล่ะ เว้นอาหารสีฉูดฉาดไป บุหรี่ สุรา ถ้างดได้ การพนันนั้นไซร้ อย่ามาใกล้เอย
อยากให้สังคมเราดี เริ่มต้นที่ครอบครัวทุกท่าน ป้องกันอุบัติภัยทั่วกัน ลดโลกร้อนนั้น ลดใช้น้ำไฟ
สุขภาพแข็งแรงทั่วหน้า ให้รู้รักษา กายใจคู่กันไป ทำจิตใจให้แจ่มใสเข้าไว้ พวกเราคนไทย โปรดจดจำไว้ สุขบัญญัติ 10 เอย
เพลง ผัวเมียพอๆกัน
(ชาย) กลับมาหาเมียทีไรแล้วใจมันยุ่ง
(หญิง) เจ้ากะคือกันนั่นล่ะ อย่าว่าแต่ค่อย
(ชาย) เจ้าจ่มให้ข่อยแต่เซ่า อ้วกๆๆๆ
(หญิง) ซอยแน!! ซอยแน!! พ่ออีแดงฮากเป็นเลือด ซอยแน
ไทยบ้านไทยเมืองเอย
(ชาวบ้าน) โทร 1669 ทะแม้ เอามันนอนลงเร็วๆ มันเหลืองแล่ว มันสิตายแล่ว
(ชาวบ้าน) ไปหาบัตรทอง บัตรประจำตัวมันมานำเร็ว รถพยาบาลมาแล้ว เร็วๆ
วี้ วอ วี้ วอ
ที่ห้องฉุกเฉินโรงพยาบาล
(พยาบาล) คุณหมอขอพบญาติผู้ป่วย ภรรยาคนไข้หน่อยค่ะ
(คุณหมอ ถามอาการอาเจียนเป็นเลือดและดื่มสุรา)
พูดประเด็น อาเจียนเป็นเลือดกับเหล้า
ใส่สายล้างกระเพาะ
ส่องกล้องดู เลือดออกในกระเพาะ
อันตร้าซาวน์ พบตับโต
ถ้าเลือดออกไม่หยุดหมอต้องผ่าตัดช่วยชีวิต
เพลง เอดส์ (รำเต้ย)
โรคเอดส์ที่แพร่กระจาย
จะทำอย่างไรให้ไกลจากมัน
โรคเอดส์ที่เรา รู้กัน มั่วเข็ม เซ็กนั้นมันอันตราย
ชายหญิงทั้งหลาย พึงต้องระวัง
ล่ะจังว่าคน เฮานี่
อยากสิมี กิ๊กคือผู้อื่น
กิ๊กกับผัว มั่วกัน ตื้มๆ (ซ้ำ)
ผัดลืมถิ่ม แมนป้องกัน
บัดมาติดเอดส์นั่น ย่อนบ่กัน บ่แซบ บ่มวน
ย่อนผู้สาว อยากห่าวล้วนๆ
เหล้ามันชวน ให้ม่วน ให้ครึ้ม
ข่อยผัดลืม ตายแล้วแท้ๆ สวรรค์แน่ๆ เอดส์มันอยู่ไหน
ช่างหัวปะไร บ่สนแล้ว (ซ้ำ)
โอยละว่ายาม คราวนี่ ของบ่ ดี ฟรีกะตามซ่าง
สงสารเมียลูกถ่าอยู่บ้าน หลานหล่า อยู่จังได๋ นั่นละนา นวล นา (ซ้ำ)
อย่าสิพา กันฮิตกันมั่ว
ให้ครองตัว ผัวเมียอย่าห้าง
รักกันอย่าจาง ห่างเอดส์เด้อ (ซ้ำ)
ป้องกันโรคมะเร็งตับ
สร้อย*****
ย้านมะเร็งตับ กันบ่ (ซ้ำ)
ย้านมะเร็งตับ กันบ่ ฮึ (ซ้ำ)
สิพา รู้จักป้องกันหนอ
กันไว้ไม่เป็น ดีบ้อ(เสียงสูง)
ดีบ่น้อ (เสียงสูง) กันไว้ดีบ่
1.ควรรับวัคซีน ไวรัสตับบี กันไว้ดีน้อ
2. งดยาเสพติด ทั้งฉีดทั้งกิน งดไว้ซะน้อ
หลีกเลี่ยง แอลกอฮอล์ก็ได้ สารพิษตัวร้าย.......
มันตัวทำลาย เซลล์ตับ ฮ้ายตั๊วะพ่อ
สร้อย****ย้าน มะเร็งตับ กันบ่ (ซ้ำ)
ย้าน มะเร็งตับ กันบ่ ฮึ (ซ้ำ)
สิพารู้จัก ป้องกันหนอ
กันไว้ไม่เป็น ดีบ้อ(เสียงสูง)
ดีบ่น้อ (เสียงสูง) กันไว้ดีบ่
ของแห้งความเสี่ยงก็มี ให้ดูดีๆมันมีเชื้อรา
สารอัลฟ่าท็อกซิน(เสียงต่ำ) อย่าชอบไปกิน อันตรายหนักหนา
เลี่ยงได้ ให้เลี่ยงกันด้วย(ซ้ำ)
แล้ว คนที่ป่วย ต้องให้กำลังใจ กันหนา
ไวรัสตับ บี และ ซี ติดจากเลือดก็มี ให้รีบมารักษา
ลูกเมียเป็นห่วง ตะหน่าย (ซ้ำ)
ถ้าปัวบ่หาย แต่คุมได้ เอาบ่
จากใจพวกเรา ร่วมต้านวัณโรค (ทำนองเสียงเพรียก จากสาวลาว)
ขับร้องโดย คุณ สุบินเตี้ยคำ แม่บ้าน หอผู้ป่วย 3ก
ฝากบอก มาฮอด.....หมู่เฮา
ให้ฮู้ข่าว วัณโรคอัน...เก่า
(เสียงต่ำ) กลับมารบกวน พวกเฮา
ฝากบอกเพื่อน พ้อง บ้านเรา
ส่งถึงเจ้า (เสียงสูง) ถึงอยู่ ห่างไกล
ยามไอ(เสียงต่ำ) มีไข้ต่ำๆ
กะเฮาต้องจำ(เสียงสูง) ปิดปากไวๆ
ยามไอ มันฟุ้ง ไปไกล
อย่าลืมเด้อ (เสียงสูง) ปิดปากดังเอาไว้
(เสียงต่ำ) อย่าลืมปิดไว้ กันเชื้อไว้...กับเฮา (ดนตรี)
***** ฝากบอก....ข่าว เสียงยาวๆมาฮอด เพื่อนเก่า
อยากขอ.....วาน (เสียงสูง) ให้บอกขาน(เสียงสูง) กันอยู่บ่เซา
แท้เด้อ ให้กระจายข่าว
มาเด้อ ร่วมกัน หมู่เฮา
ผู้เป็นอย่า..เศร้า(เสียงสูง) เฮา..ต้องใส่ใจ
ปีใด.....อย่าได้มายาม โรคนี้ต้องปราม
บ่ให้มัน....แพร่หลาย
ปีนี้ ปีหน้า ต้องปลอดภัย(ซ้ำ) เว้าจากแก่นใน หัวใจพวกเรา****
สรภัญญะ ป้องกันโรคมะเร็งตับหลอดเลือด
แต่งโดย ต้อมต้วมเตี้ยม3ข
ขับร้องโดย คุณสุบิน เตี้ยคำ ,คุณพัฒนา ภูงามเชิง, คุณดำริ สอนบุญทอง
จะกล่าว เพื่อเพิ่มพูน เมืองดอกคูณ หล่ะเสียงแคน
ขอนแก่น หล่ะดินแดน เมืองหมอแคน แอนด์ไดโนสอ
โรงพยาบาล ศรีนครินทร์ นามระบิล ถิ่นอิสาน
ใครๆ ก็ล่าวขาน โรงพยาบาล ของพวกเรา
ตามประสงค์ ของสมเด็จย่า ไทยทั่วหล้า ได้มารักษา
โรคร้าย โถมกายา ขายไร่นา มาปัวเอา(ซ้ำ)
บัดนี้ อิสานสู้ เป็นศัตรู กับโรคร้าย
โรคมะเร็งตับ นั้นอย่าหมาย ชีพไม่วาย ต่อแต่นี้
แต่ก่อน มะเร็งตับ อิสานนับ แชมป์ของโลก
กินสุกดิบ มันเกิดโรค มะเร็งร้าย ตายเพราะตับ
อาการ เหลือง แน่นท้อง ถ่ายไม่คล่อง และซีดหลาย
เสียดท้อง ออกร้อนฮ้าย แน่นตรงใต้ ชายโครงขวา
รีบมา ตรวจรักษา เร็วอย่าช้า ปรึกษาหมอ
รีบรักษา อย่ารั้งรอ อย่าแต่พอ อย่าแต่กลัว
โรคหลอดเลือด ปัจจุบัน มันก็ช่าง อันตรายเหลือ
บางคน บ่ฮู้เมื่อ พูดไม่ได้ ลุกไม่ขึ้น
เป็นเพราะ ไขมันร้าย มันทำให้ หลอดเลือดตัน
อีกทั้ง ไม่ออกกำลัง กินแล้วนั่ง กินแล้วนอน
ความเครียด อันตราย ให้ทำใจ ช่างมันเถอะ
ถ่ายทุกข์ ทุกวันเด้อ กินผักเด้อ หมากไม้นำ(ซ้ำ)
บุหรี่ นี่สำคัญ มันอุดตัน หลอดเลือดได้
เหล้านั้น ตัวทำลาย เซลล์ตับวาย เราตายด้วย
ตับเรา ทำหน้าที่ สร้างสิ่งดี เช่นอินซูริน
เผาผลาญ น้ำตาลสิ้น เป็นพลังงาน ให้ร่างกาย
น้ำดี นั้นช่วยย่อย ไขมัน ใหญ่น้อยกินเข้าไป
สร้างเม็ดเลือด อีกนั้นไง ขับพิษไป จำได้บ่
เหล้าคือ สารพิษร้าย ตับทำลาย ออกไม่ไหว
นี่แหละ สิ่งทำให้ โรคตับวาย ตายเพราะเหล้า(ซ้ำ)
โรคหลอดเลือด ป้องกันได้ โปรดใสใจหลัก 5 อ.
กินอาหาร ผักมากหนอ อากาศ ขอ อย่าพ่นควัน
อารมณ์ อย่าเครียดไป ทั้งผู้ชาย และผู้หญิง
ถ่ายอุจจาระ โปรดอย่าทิ้ง ลงคูคลอง แพร่เชื้อโรค
ออกกำลัง ให้พอดี 30 นาที แต่ละวัน
บุหรี่เหล้า ยาชุดนั้น เลิกเถอะท่าน อันตราย
ของฟรี ไม่อยากได้ คือเจ็บไข้ ไปให้ไกล
ของฟรี ที่อยากได้ ไม่เสียใจ ถ้าทำเอา
สุขภาพ ของทุกท่าน ให้ระวัง อย่าประมาท
โรคใด ก็สามารถ คุมไว้ได้ ถ้าใส่ใจ
โรคความดัน ให้เชื่อหมอ อย่ารั้งรอ การกินยา
หมั่นตรวจเช็ค ความดันหนา รวมทั้งการ คุมน้ำหนัก
โรคหัวใจ ให้ใส่ใจ ลดเค็มไว้ โรคไตด้วย
ให้สอบถาม คุณหมอช่วย เราก็ด้วย ทั้งสองทาง
สมุดบัตร สิทธิต่างๆ เบอร์โทรศัพท์ ติดต่อฉับไว
พกติดตัว ของท่านไซร้ มีเรื่องใด ไม่ล่าช้า (ซ้ำ)
แพ้ยา หรือสารใด หมู่เลือดใด จดไว้นำ
ยาที่ ใช้ประจำ โรคประจำ ตัวเขียนไว้
ขอฝากไว้ เท่านี้ ขอท่านมี ความสุขกัน
จิตอาสา มาร่วมกัน ร่วมสร้างสรรค์ อิสานเฮา(ซ้ำ)
ลำกลอน หลอดเลือดสมองตีบ
โอ้ย พ่อแม่เอ้ย มาในพอศอนี้เฮาโชคดีฮู้แล้วบออกต่อ
โรคหลอดเลือดสมอง บ่เคยพ้อ พอศอนี้บัดแห่งหลาย
เฮ็ดจังไดคราวนี้ ให้ชีวีหลบเลี่ยงแน่ โรคหลอดเลือดสมองแท้ๆ แม่นสูเอ้ยเป็นจั๋งได
อาการของมันนั้น
ใบหน้ามันบิดหรือ เบี้ยวอยู่ หรือ ชา แขนขาขยับบ่ได้ ความเว้าบ่คล่องเล้ย
ให้ฟ้าวเด้อ พี่น้อง3ชั่วโมงทองให้รีบด่วน
กด1669 ถ้วน เฮาเตรียมพร้อมขึ้นรถเล้ย
เตรียมบัตรทองให้พร้อม ยาของคนไข้ เอาไปนำให้จื่อจำ เอาไว้
พ่อแม่เอ้ยให้มาตรวจเบิ่งบ้างความดันโลหิตเฮา สูงหรือต่ำ
ตรวจไขมันในเส้นเลือดเจ้า ดี เลวแท้แม่นจั๋งได
มันสัตว์งดไว้กินผักหลายเด้ออีแม่ อีพ่อแท้ๆ
สูบยามวนบักใหญ่ และหนุ่มไทยสูมื้อสูบยาเล่นว่าแมนเผา
ให้พวกเราระวังไว้ สูบยา สุรานี่ความเสี่ยง
หลอดเลือดเฮามันสิแตกเปี้ยงๆ
หรือตีบเข้าแมนคักหลาย
ทางที่ดีควรให้ออกกำลังกายไว้
30นาทีเด้อคุณพ่อ แต่ละมื้ออย่าท้อ
อย่ารอท่าเมื่อสิเป็น
ลดของหวานมันแน่เด้อท่าน
บัดทำงานก็ขอให้ม่วน
อย่าสิโกรธ เครียด ขึ้ง ปัญหาเอ้ย ผัดแห่งหลาย
สุขภาพดีทั่วหน้าชาวประชาให้ถ้วนทั่ว
โอ้ยมีตัวอย่างเรื่องผัว เพิ่นตายทิ่มไปจ้อย บ่ต่าวมา
สามีฉันเด้อท่านเหล้ายา บ่เคยเกี่ยว
งานหนัก เงินหลายใช่ย่อย ตัวข่อยแมนสบาย
ออกกำลังกายว่านั้น บ่มีเวลาดอกเด้ออุ่น
ยามมื้อเซ้า กะวุ่น งานยุ่งแม่นคักหลาย
อายุบ่หลายเด้อท่าน สี่สิบแม่นกว่าๆ
สุขภาพแข็งแรงถ้วนถั่วบ่มีโรคหล่ะแม่เอ้ย
พ่อมาเถิงคราวนี้ขวบปีอยากบอกต่อ
อย่าเฮ็ดงานหนักหลายเด้อพ่อ อย่าเครียดหลายเด้อแม่
เงินมากล้น กะบ่ได้ใช้ เสียใจน้ออีพ่อ้เอ้ย
เอาสุขภาพเฮาดีไว้
อายุขัยให้นานหน่อย ให้เจ้าเลี้ยงลูกน้อยผู้คอยท่าแม่นอยู่เฮือน
บ่เคยไปตรวจจ้อยสามีคอยบอกว่า
เฮาดีๆอยู่น้าไปหาหมอ กะบ่พ้อ
โรคนั้นแมนอยู่ใส
บ่โดนไปเด้อท่านสามีฉัน บอกวินวิง
ปวดจนยืนคิ้งนิ้ง ดีแล้วหากแมนเดิน
บ่เคยบอกบ่เคยเว้า แนวเฮาถามเพิ่นกะว่า
สุขภาพดีแท้ๆนา หรือสิหาอีน้อย มาออยเข้าแม่นม่องนอน
ตกมาในมื้อนี่ ชีวี ผัดแมนต่าง
ความตายบ่ห่าง อย่าประมาทเด้อหมู่เจ้า
ความเศร้าผู้อยู่หลัง
คิดฮอดหลายเด้เจ้าสามีเฮาเพิ่นประมาท โอ้ย พ่อแม่เอ้ย มาเหลือใจเด้ อกสิเพ แตกม่าง หัวอกเมียอ้างว้าง ลูกหล่าน้อย แม่นกำพลอย
ขอเป็นอุทาหรณ์ไว้ เสียใจกะซำเก่า ขอให้ตรวจสุขภาพเจ้า
เอาไว้แม่นทุกปี สิ่งดีๆบอกไว้ จากดวงใจผู้ต้อยต่ำ
ได้แต่เอาความหลังมาบอกพ่อแม่ไว้ จากใจข้อย พ่อแม่เอย ..............นา นั่น หนา.....นา
เพลง เซิ้งผู้สูงอายุ
เพลงนี้ คุณพ่อ ชมพู โคตรทุม
หัวหน้ากลุ่มออกกำลังกายด้วยไม้ค้ำยัน
เป็นผู้ประพันธ์เอารายชื่อสมาชิกมาแต่งเป็นเพลงค่ะ
ผู้สูงอายุยุคใหม่ สุขใจเต้นเดาะเต้นด๋อง
เต้นไปเต้นมา ล้มลงป๋องง๋อง
แล้วประคองกันลุกขึ้นไวๆ ลุกขึ้นได้เต้นแดะเต้นแด๋ง
ไปตำแข้งแม่ใหญ่สาฮ้องใด๋ แม่ใหญ่ไข่เต้นอยู่แก ๆ
แวลงมาแม้นแม่ใหญ่ทิพย์ เทิงเต้นเทิงยิ้มเต้นดีคือกัน
แม่ใหญ่จันทร์เต้นบ่ใช่ย้อย เต้นคอยๆแม่นแม่ใหญ่ตือ
เต้นหวือหวาแม่นแม่ใหญ่ขิ่ง เต้นนิ่ง ๆ แม่นแม่ใหญ่เลา
เต้นบ่แม่นแม่ใหญ่นาง เทิงเต้นเทิงหย่างแม่นแม่ใหญ่เงา
เทิงเต้นเทิงเว้าแม่นแม่ใหญ่หงวน เต้นด่วนๆ แม่นแม่ใหญ่หลั่นหลัน
เต้นด้นเต้นดั้นแม่นแม่ใหญ่สม เต้นเป็นลมแม่นแม่ใหญ่พลอย
เต้นคอยเต้นเงียงแม่นแม่ใหญ่ใย ส่วนแม่ใหม่หมอลำบุญเพ็ง
เต้นถือเพลงแม่นแม่ใหญ่ปราง เป็นประธานแม่นพอใหญ่เหลา
เอาบ่เอาทุกครับรู้ พ่อใหญ่ภูบ่อเต้นบ่รำ
ลาวมีกรรมปิดก้นปิดกอย แม่ใหญ่จ่อยค่อยเต้นค่อยรำ
อยากฟ้อนอยากรำแม่นแม่ใหญ่เตียง เสียงบ่ดีอยากลำนำหมู่
เทิงไปเทิงอยู่แม่นแม่ใหญ่ต่ำ ลำคิดอำลำแต่นำเสียงเพลง
เทิงเต้นเทิงขายแม่นแม่ใหญ่กัน เพินมารวมกันที่สหกรณ์
พ่อใหญ่อ่อนก็มานำเพิน มานั่งเป็นเวินเห็ดหยั่งบ่เป็น
ลาวบ่เหลียวเห็นตาบ่เห็นฮุง เทิงเต้นเทิงหยุ่งแม่นแม่ใหญ่ดอน
ตาออนซอนหลานลาวมาแอ๋ว เต้นเป็นแล้วแม่นแม่ใหญ่เทือง
ตารำเรียงเบิ่งแม่ใหญ่รินทร์ ทานกบินห็ดดีอี่หลี
แม่ใหญ่ตรีเต้นไปเต้นมา แม่วันทาเต้นแบบสนุก
แม่ใหญ่สุขเต้นเป็นหย่อนๆ แม่สมพรเต้นดีคือกัน
อัศจรรย์แม่นแม่ใหญ่หลาบ หลานลาวขนาบเกาะแข้งเกาะขา
น่าศรัทธาแม่นแม่ใหญ่ชู ลาวมานั่งเป็นหมู่กับแม่ใหญ่หลาบ
ไปขายของทะแมนั้นแม่ช่วย ไอศกรีมจักถ้วยแม่นเสียงแม่จีน
เต้นปินลินแมนพ่อใหญ่ขาว เพราะลาวฟ้าสิไปเล่นนม
บ่มีดมมีแต่คั้นกับเหนี่ยง เทิงเต้นเทิงเอียงแม่นแม่ใหญ่นง
ลาวบ่ปลงเรื่องพ่อใหญ่ม้วน เดี่ยวกะชวนกันมากินเหล้า
กินแล้วเมาเซซ้ายเซขวา อยู่ด้านขวานั้นแม่รินทร์ใหญ่
อยู่ทางได้แม่ใหญ่สมบูรณ์ เทิงเต้นเทิหมุนพ่อปานหมากค่าง
เต้นกางจาง น.ส.ลำไย เต้นได้บ่ได้ตะพึดตะพือ
เทิงเต้นเทิงแม่นอ้ายตะวัน อัศจรรย์นอบ้านน้ำเกลี้ยง
ถึงยามเที่ยงกินข้าวฮวมพา ถึงเวลากินปลาฮวมต่อน
แดดอ่อนๆ มาฟ้อนนำกัน ทอนี่ยาท่า.....นั่นละน่า...
ขอบคุณคุณชำนาญค่ะ
อย่างน้อยแจกคุณชำนาญได้ 1 ม้วน ดีใจจังค่ะ
ขอบคุณสำหรับความสุขในวันแม่ ขอให้มีความสุขและดูแลท่านให้มีความสุขเช่นกันค่ะ
ขออนุญาติใช้กลอนลำได้มั้ยคะ