ยกมือสิบนิ้ว ก๋างกิ้วเกศา ยกมือวันตา ยอสากราบไหว้ขอเล่าไขขาน ต๋ำนานสืบไว้ ประวัติอี่นาย เดิมมาตี้อยู่ครูศรี สุขีแต้หนา กำเนิดเกิดมา ยางทองเน้อเจ้าบุญยังปิต๋า อุสาแม่เจ้า บุตราลูกเต้า สี่คนได้เข้าโฮงเฮียน อ่านเขียนฝึกฝน ด้วยความอดทน ขวนขวายรอบด้านเฮียนภาษาไทย บ่ได้เกียจคร้าน ขยันยะก๋าน หมั่นเพียรฝึกหัดจ้อยซอ ต่อกลอนอ่านเขียน พายัพตี้เฮียน แสงเทียนส่องหล้าป้อครูมณี ศรีแห่งแผ่นฟ้า ป้อสอนวิชา ล้านนาคดีได้เป๋นลูกศิษย์ มีศักดิ์มีศรี เป็นลูกคนดี ของป้อแห่งข้าศิษย์มีครู ก้ำจูตั๋วข้า สำเร็จปริญญา เลิศล้ำฮับราชก๋าน ฟากกว๊านบ้านต๊ำ เป็นครูผู้ทำ ความดีเฮียนวิชาครู อยู่ใกล๋แสงสี จุ่มจื่นชีวี ตี้มอสอธอ เน้อเจ้าอยู่ดอกคำใต้ สดใสบ่เศร้า อีนายน้องเน้า ทำงานฝึกสอนวงโย ออกโชว์สืบสาน ลูกศิษย์เต๋มบ้าน ลูกหลานเต็มเมืองย้ายปิ๊กเจียงใหม่ ใกล้ดอยลือเลื่อง จ๋อมตองรุ่งเรือง ดอยอินท์ถิ่นข้าอยู่ดอยสะเก็ด เพชรงามค้างฟ้า จ้วยกั๋นพัฒนา บ้านเฮา ฮ่วมงานชุมชน เป็นต้นเก้าเขา จ้วยงานหนักเบา เขาชมว่าอี้ฮับเกียรติยศ สดใสสุขศรี เกียรติคนดี ศรีเจียงใหม่เจ้า สอนลูกสอนหลาน เบิกบานบ่เศร้า สุขทุกค่ำเจ๊า เจยบาน สอนเพลงกล่อมลูก สนุกสนาน ค่าวจ้อยต๋ำนาน สานกลอนดอกสร้อย อนุรักษ์เพลงไทย แต่งไว้บ่หน้อย บ่ได้ต่ำต้อย น้อยอกหมองใจ๋ ครูศรีล้านนา นามปากกาไซร้ บุญกุศลตี้ได้ ทำมา เป็นบุญจ้วยก้ำ หนุนนำผญา เผยแพร่ปั๋นยา ล้านนาแผ่กว้าง สบันงาโยม หลามป๋ายไม้ซาง ข้าขอลาร้าง ห่างไกล๋ หอมดอกสลิด จุ๋มปี๋หอมไกล๋ กราบอาภัย ในตั๋วแห่งข้า ขอลาเต้านี้แหละนายเฮย ครูศรีล้านนา
ไม่มีความเห็น