เขียนค่าวเล่าเรื่อง

วันนี้ลุกเจ๊า กิ๋นเข้างายขวาย

รีบเร่งลุยลาย ออกไปจากบ้าน

บิดรถเครื่องหมอง เสียงทองบ่ย้าน

ส่งเสียงสำราญ เจ่นล้ำ

เวลาขับไกล๋ ขับไวเน้นย้ำ

40 รีบจ้ำ เร็วไป

เสียงดังแต๊ดๆ หม้อแบตก็ไหล

ขับไปยู้ไป เข้าสายงานหน้อยๆ

[พัฒนศักดิ์]

5555 มิน่า เมื่อเช้ามาทำงานสาย ผีบ้าหัวฟูดักขบหัวอ้ายนี่เอง

[paleeyon]

วันนี้ลุกขวาย จ๋นกาดปอวาย บ่ได้กิ๋นเข้า
ว่าจะลุกเจ๊า ตะคืนซ้ำปัด ผ่อบอลยูโร เกือบแจ้ง นอเฮา

[หนานชาติ]

คารวะท่านแล้ว

เจ้าแก้วแขกไกล๋

มาเขียนฮอมจาย

สุขใจ๋บ่หน้อย สุขใจ๋บ่หน้อย

[ทนัน ภิวงศ์งาม]

วันนี้เมื่อเจ๊า ข้าเจ้าลุกขวาย มัวซุกอุ่นไอ ในผ้าห่มหน้อย
หนาวจับใจ๋ เหน็ยบในดูกข้อย อารมณ์บ่จอย เจ้นล้ำ
หลับลุกก็ขวาย กาดมาวายซ้ำ จำเป๋นได้จ้ำ พริกแดง
เหลียวขวาแลซ้าย ว้ายผ่อหม้อแก๋ง ตะวาเมื่อแลง แก๋งผักกาดลว้าง แก๋งผักกาดลว้าง.

[เขียนเมื่อ 2 ธ.ค. 2551 13:43 น. 2 ธ.ค. 2551]

ยามนี้หนาวแล้ว เจ้าแก้วพี่เหย

หนาวล้ำเจ่นเกย เลยไปจดเหล้า

แสนที่สุขใจ๋ สหายหนุ่มเฒ่า

มาตั้งวงเมา ค่าวจ้อย

คนเก๊าเป็นหนาน ประธานเป๋นน้อย

เหมือนมาฮอมปอย ค่าวเล่น