ใจ๋หาย ธ ไท้กำสรวล
หนึ่งมกรา สองปันห้าร้อย ห้าสิบปล๋ายหน้อย ย้อยมาหนึ่งปี๋
กล๋างวันนั้นเล้า หมู่เฮาสุขี ยินเสียงดนตรี จิ๊นจี่แกล้มเหล้า
ฉลองปี๋ไทย สะใจ๋แต๊เจ้า เจ๊าสายบ่ายยัน ค่ำนี้
ลวดเข้าคืนแหม เขาแถมเปลือกปี๊ หาว่าจะอี้ โจคไชย
เลยเตี้ยงคืนล้า ประชาใจ๋หาย ตี๋สองเน้อจาย ปล๋ายห้าสี่ห้วง
เมืองกอกวุ่นวาย เจ้าในวังหล้วง ปี้ในหลวงหั้น สวรรคต
ตื่นเจ๊าขึ้นมา ลือจ๋าอ๊ดอ๊ด สะหลดใจ๋ป้วง ประชา
ผ่อโทรทัศน์ มากั๊ดใจหนา น้ำต๋าไหลยวา ลงมาอาบแก้ม
ธ ในหลวงเฮา ความเศร้าแต่งแต้ม พระพักตร์มัวแรม โศกตุ๊กข์
พระพี่นาง เอียงข้างสุขตุ๊กข์ ปลุกบ่ตื่นอั้น สวรรคาลัย
เหลือองค์เดียวแคล้ว กึดแล้วใจ๋หาย ขอประชาไทย ใส่ใจ๋เน้อเจ้า
โอวาทอันใด ตรัสไว้แบบเบ้า ขอหื้อหมู่เฮา ได้คิด
สามัคคีพลัน ฮักกั๋นเป็นนิจ คิดพัฒนาหั้น เมืองไทย
จักหาไหนเล้า พระเจ้าแก่นใจ๋ กษัตริย์ชาติไทย เกริกไกรทั่วหล้า
เป๋นบุญกุศล ปวงชนเจ้าข้า ไทยหมู่ประชา เทิดไว้
สาธุวันตา พุทธาเทพไท้ ดล ธ อยู่ได้ ทีฆา
ปวงประชา เหล่าข้าบาทใต้ เทิดไท้ขอพระองค์ ทรงพระเจริญเทอญ.
ความเห็น (4)
- ขอร่วมไว้อาลัยและส่งเสด็จดวงพระวิญญาณของพระองค์ท่านสู่สวรรคาลัยด้วยเทอญ
ขอบคุณมากครับที่แวะมาเยี่ยมขอพระองค์ท่านสู่สวรรคาลัยด้วยเทอญ
สวัสดีปี๋ใหม่เจ้า อ.ทนัน แวะมาแอ่วหา ปั๋นผลได้นักก่อเจ้า ปี๋นี้พอยังแควนเจ้า ปีก่อนปุ๋น ได้ 15 บาทเจ้า อิอิ
ขอบคุณมากที่เข้ามาแวะเยี่ยม, ขออภัยนะตอบช้าไปหน่อย, เสาร์-อาทิตย์สอนหนังสือครับ กลางคืนก็เพลีย, สมอ. ก็ได้มากกว่าปีก่อนเช่นกัน เมื่อไหร่จะซื้อหุ้นหละ จะช่วยดูแลให้, โชคดีปีใหม่เช่นกันครับ.