อันว่าครูนั้น สำคัญไฉน สำคัญเปียงใด จักไขบอกแจ้ง
ครูจักสอนใผ เต๋มใจ๋บ่แสร้ง ใจ๋ต้องฮักแปง ก่อนกู๊

ถัดมาตี้สอง ต้องมีความฮู้ ในเรื่องตี้อู้ ดัดแปลง
สามศิษย์เฮาไซร้ คนใหญ่ตึงแผง ผู้นำเปลี่ยนแปลง แข็งขันจุผู้
ต้องเอาปัญหา ขึ้นมาฟู่อู้ หื้อเขาลองดู แก้มัด

ใจ้ว่ายับมา ฝึกเขียนฝึกคัด ในห้องอึดอัด หน้าดู
ยึดพื้นที่นั้น แม่มั่นสวยหรู ตึงศิษย์ตึงครู ต้องดูตี้หั้น
พื้นที่ชุมชน เจริญเต็มขั้น เป็นสิ่งยืนยัน เถิงศิษย์

วัดผลนั้นหนา บ่ถ้าไปคิด ติดอยู่ตี้หั้น คะแนน
ถ้วนตี้สี่นั้น สำคัญหลายแสน ถือว่าเป๋นแดน สำเร็จว่าอั้น
ตัวครูเอง ต้องเก่งแลหมั้น พฤติกรรมอั้น เหมาะเพาะ

จักสอนอย่างใด ทำได้ก่อนเนาะ มันถึงจะเหมาะ เปิงงาม
สอนเปิ้นดีแต๊ แต่ตั๋วบ่ต๋าม มัวฟู้เอางาม น้ำใสซ่วยหน้า
ทำตั๋วหื้อดู ความฮู้แกร่งกล้า ศิษย์ก็ศรัทธา ยอมฮับ

จะไปตางใด ใผก็คำนับ พร้อมฮับเอาด้วย วิชชา
ส่วนตั๋วม่อนไซร้ ทำได้ก่อหา อันนี้ต้องมา แอ่วหาจ๋าถ้อย แอ่วหาจ๋าถ้อยฯ