ด้วยความยินดี สะหรีเต๋จ๊ะ เจิญเอาวาตะ นี้ไปขยาย
เปื้อก๋ารฮับฮู้ หมู่คนตังหลาย ตึงญิงตึงจาย หื้อไปเลือกตั้ง
ประชาธิปไตย ต๋ามใจ๋ใฝ่อ้าง ส่งเสริมแนวตาง แห่งรัฐ

ซาวสามนี้หนา ธันวาแม่นตั๊ด ฮ่วมปี๋ว่าอั้น เฮารอ
สองพันห้าร้อย ห้าสิบพอศอ กำหนดไว้นอ สอสอเลือกตั้ง
หากมีใผไหน มาใจ๊แอบอ้าง มาจ่ายสตางค์ เสียงซื้อ

จะไปเลือกเขา คนเหล่านี้ตื๊อ หื้อเปื้อคืนอั้น ปายลูน
จ่ายเป็นหลักร้อย เขาป๊อยหื้อสุญ เอาคืนเมื่อลูน เติมศูนย์สี่ห้า
เลือกด้วยศักดิ์ศรี คนดีเจ้าข้า พรรคดีแถมนา เลือกเต๊อะ

จักอู้ไปยาว กลั๋วเขาว่าเซ้อะ เลอะเลื่อนว่าอั้น กำจาย
ขอหมดลาย ไว้เปียงเต้าอี้ เต้านี้ขอวางลง ก่อนแลนายเหย.