.
สวัสดีครับ วราภรณ์ ธรรมทิพย์สกุล

หันดอกกล้วยไม้ สดใสงามเหลือ ออกดอกหลามเครือ เหนือฮ้องดอกเอื้อง
กิ้งไม้ใบหนา บนคาคบเบื้อง ดอกเอื้องเบ่งบาน สง้า

คุณวราภรณ์ ส่งจรลัดฟ้า มาตกต่อหน้า เครือออน
จึงตอบฮับไว้ ในบทค่าวกล๋อน ขอบคุณบังอร วราภรณ์เจ้า
ดอกเอื้องนี้หนา เป๋นถราแบบเบ้า ตัวแทนครูเฮา เน้อครับ

กว่าจะไสว ใบดอกออกฮับ นับได้ก๋าละ เมินนาน
การศึกษานั้น เหมือนกั๋นเนอหลาน กว่าจะเบ่งบาน นานบ่ใจ้หน้อย
เอื้องดอกเมื่อใด ชื่นใจ๋บ่จ้อย การศึกษาพลอย อย่างนั้น

หากจะบูชา วันตาครูจั๊น ดอกเอื้องดั่งอั้น เนอนาย
วราภรณ์ครับ หากนับต๋ามหมาย ตั๋วม่อนคำจาย ขอบใจ๋เน้อเจ้า.