หมวด ส 2

หน้า 29

 

 

 

สิบแม่น้ำ ซาวแม่น้ำ         ก็สิท่อเฮือหา

สิบหน่วยภู พันผา            ก็สิถางทางด้น

สิบผาขั้น                        หินผาซันก็สิสิ่ว

คันว่าสิ่วบ่ได้      แต่งขันห้าไว้       สิเซิญฟ้าผ่าลง

เสียแฮงห้าง                    กฐินทานบ่ได้แห่

บาดว่าเพิ่นบ่ได้ห้าง         สังมาได้แห่ไป

สิบผืนผ้า ซาวผืนผ้า         บ่ปานฝาเนื้ออุ่น

สิบผู้อยู่ซ้อน ซาวผู้อยู่ซ้อน  บ่ปานน้องอยู่นำ

สอนให้กุมภีล์แข้             ลอยหนองมันบ่ค่อง

สอนให้แข้ล่องน้ำ            คำนั้นฮ่อนบ่ควร

สอนให้นาคเหล้นน้ำ        แน้วนั้นแฮ่งบ่คือ

สามพระยาซนซ้าง         กลางเมืองฟ้าสิลั่น

ปวงประซาไพร่น้อย        ครางโอ้ปากบ่เป็น

[นีนาถ]

ขอบใจน้องบวรหลายๆ เด้อค่ะที่แวะมาให้กำลังเอื้อย...

ฮักแพง