กะโลง-ชีวิตมนุษย์เงินเดือน

ลุกลวดมาแต่เจ๊า ยามงาย

รีบฟั่งกลั๋วมาสาย  กดนิ้ว

ทำจดจ่อก๋ารหลาย นักพ่อง นายเฮย

แยงผ่อยามล่วงลิ้ว  เลิกแล้วก๋ารเฮา

          จดจ่อกองผ่อจ้อง เวลา

ได้ตี่สี่โมงมา รอดอั้น

ลุกลี่ล่นแล่นหา ยืนต่อ กดมือ

เวียนต่อรอบเข้าขั้น พรุ่งนี้มาใหม่ เวียนวน

[หนุ่มเอม]

งานเลิกปิ๊กเข้าบ้าน  ยามแลง

แวะกาดซื้อเข้าแก๋ง กิ๋นค่ำ

จ๋กผ่อตางเหลือแดง เดียวอั้น อกเอย..

ใจ๋ฮ้อนฮ้องหาฮ่ำ สิ้นเดือน โวยโวย (อิอิ)

[สนั่น]

     ลวดเล็งผ่อเปิ้นอู้     ม่วนอั้น  การเงิน

แสนสนุกเพลิดเพลิน    เจ้นล้ำ

สามสิบวันนับเงิน         หลายหมื่น ม่วนก่า

นั่งหนัวม่วนงันไซร้        บ่ได้กั๋งวล

    ต๋าวันแลงลงแล้ว      บ่ได้  แอ่วแหวง

เอาถง สิ๊ มดแดง          ขอบฮั้ว

เสาะ หาของกิ๋นนา       ส้มปาก ยามค่ำ

สุดท้ายได้จอดจ้ำ        ด่ำเหล้าเมืองวาย