ค่าวดอยตุง,ไหว้พระธาตุดอยตุง
ยอดสนฝนปั๊ด สงัดเย็นสอย
สูงสุดป๋ายดอย เมฆลอยเต๋มฝ้า
เย็นกัดป๋ายมือ สะดือแข้งข้า
ตี๋นมือปอซา กัดล้ำ
อยู่ตี่ดอยสูง ดอยตุงธาตุก๊ำ
หมู่คนถ่อจ้ำ มาไจ
ผมมาจ่วยพระ ข้ามาด้วยใจ๋
จวนหมู่ป่อจาย มาขายธูปต้อม
ผู้คนมาหลาย ญิงจายแวดอ้อม
แหนแห่มาฮอม ทั่วทิศ
พ่องมาจาดไกล๋ แม่สายเมืองมิตร
ติดต่อเขตห้อง ม่านเมือง
คนหลวงหลายล้ำ ทำบุญบ่เปลื๋อง
เต๋มจิตเจตเนือง เรื่องบุญชอบสู้
ไตไทยม่านจี๋น ทั่วถิ่นหลิ่งหลู้
ป๋ากันมาจู สาน้อม
อี้ก้อจาวเขา หลายเผ่ามาพร้อม
พืชพันธุ์หลิ่งต้อม มาตาน
ดีใจ๋วันนี้ ตี่มาจ่วยก๋าน
บุญศีลกิ๋นตาน สำราญบ่หน้อย
(18 มีนาคม 2554 ไปช่วยงานวัดพระธาตุดอยตุง)
ไหว้สาลมเจ้า ขอเล่าแลกกั๋น หลายอื่นหมื่นอัน ฮ่วมฝันสรรสร้าง
เพื่อเป๋นหลักฐาน นำสานกล่าวอ้าง ประวัติกระจ่าง ดอยนั้น
มีความเป๋นมา ก่อนนาเดิมนั้น เริ่มปั้นแป๋งกั๋น เมื่อใด
เรื่องราวเมินนัก ช่วยจั๊กขานไข มีความเป็นไป ใคร่ฮู้ว่าอั้น
ใคร่ฮู้ว่าอั้น