...พอ แม ทุกข์ยากไฮ้ ลูก ผั่นเกิดเป็นเมธี

เพลงกล่อมเด็ก 

                                                                

                   เอ่ เอ หือ หื่อ เอ...ๆๆๆ อือ อื้อๆ

 กลอนดั้งเดิม...  นอนสาหล่า    หลับตาแมสิกล่อม 

                 ห่มผ้าอ้อม หลับแล้วฝันดี  เอ่ เอ หือ หื่อ เอ...ๆๆๆ

                 นอนสาหล่าหลับตาเว้าง่าย   แมไปไฮ่สิหมกไข่มาหา

                 แมไปนาสิหมกปลามาป้อน เจ้าอย่าอ้อนอย่าแอ่วกินนม     อือ อื้อ อือ อื้อ....

                         นอนสาหล่า    หลับตาจ้วยๆ

                       เพิ่นมาขายกล้วย        แม่สิซื้อให้กิน

                       เพิ่นมาขายดิน            แม่สิซื้อให้อยู่

                       เพิ่นมาขายอู่               แม่สิซื้อให้นอน

                       แมเลี้ยงม้อน               อยู่ป่าสวนมอน   เอ่ เอ เอ เอ้ อื่อ อือ อื้อ...นอนสาหล่า

(กลอนลำกล่อม...)

              

คำแพงแมนี่เอย...เอ้ย เอย เอย

ลูกหล่าเอ้ย...เพิ่นว่าบุญบาปนี่มันหากต่างกันไกล

ไผมีใจเป็นธรรมต่อนบุญสิหนุนไว้

ซื่อว่าคนบุญนี่แม่นฝังดินกะหม่นออก

ชาติที่คนบาปฮ้ายแม่นแขวนฟ้าห่ากะกิน...

ลูกหล่าเอ้ย...อื่อ อื้อ อื้อ เอ่ เอ เอ้

คำแพงเอ้ย...ละอันว่าคนดีนี่บ่ดีมาแต่มื้อเกิด

เฮียนนำพ่อ ก่อนำครูจังได้ ดีให้ตืมกัน

...แต่กะมีอยู่บ้างเพิ่นว่า "หมากไม้บ่ห่อนหล่นไกลกก"

นี่เป็นคำโบราณกะแม่นจริงคือเว้า

บางทีผลตกกลิ้งไปตามดินค้อยแอง...คำแพงเอ้ย

เปรียบกะคือลูกน้อยไปเฮียนฮู้อยู่ถิ่นไกล

พ่อแม่ทุกข์ยากไฮ้ลูกผั่นเกิดเป็นเมธี

เป็นศักดิ์ศรีชุมชนกะเล่าเคยเห็นได้

ย่อนบุญกรรมหนุนค้ำพยายามเพียรชอบ

มอบสิ่งดีค่าล้นคนเอิ้นว่า "บุญ"...คำแพง.เอย เอ๊ย นา...ละน่า.

  อือ อื้อ อือ อื้อ อือ อื้อ

นอนสาหล่า    หลับตาแมสิกล่อม

ห่มผ้าอ้อม หลับแล้วฝันดี  เอ่ เอ หือ หื่อ เอ...นอนสาลูกหล่า

                                                                  www.cruroj.com