... เฮาหากเป็นพี่น้องได้เที่ยวท่องถามเถิง

         

           

              สองฝั่งโขงไทย-ลาว
           ......................................
         ฟังเด้อฝูงซาวเซื้อลาวไทยทั้งสองฝั่ง
        เว้าควมหลังพี่น้องสองฝากฝั่งโขง
        เฮาหากเป็นพี่น้องได้เที่ยวท่องถามเถิง
        ฮีตผ้าขาวลาวเวียงดั่งเดียวกันแท้
        คิดเบิ่งคำผญาเว้าไทยลาวทั้งสองฝั่ง
         อันฮีตเก่าคองหลังยังได้ปนปลูกไว้
         แทนเฒ่าพ่อแม่เฮา
            ฮีตสิบสองคองเค้าเฮาได้สืบศิลปะ
           พวกดนตรีพิณแคนหมู่ซึงซอนั่น
             พวกกองเพนกองตุ้มรำมะนาคุณค่า
            ได้ศึกษาต่อเนื่องเมืองบ้านหมู่เฮา
               วิเคราะห์ดูหมู่เจ้าสองฝากฝั่งลำโขง
                   กะเซื่อมโยงสายสัมพันธ์มันต่างกันใสบ้าง
                ลาวกับไทยสองข้างสัมพันธ์กันพี่น้องเก่า
               พวกหมอลำหมอแคนคำผญาปากเว้ากะมาตั้งแต่ลาว
               เฮาเป็นพี่น้องใกล้เครือข่ายสายสัมพันธ์
               ได้แบ่งปันความฮักอุ่นใจเอาไว้ 
                   ลาวกับไทยเป็นโซ่สายทองได้คล้องใส่ 
                  จังได้ฮักห่อตุ้มกันเท่าชั่วกาล...